(නිමන්ති රණසිංහ)
පොල්ගහවෙල මහ රෝහලේ කොරෝනා රෝගියෙකු සිටින බවට සදහන් කරමින් මුහුණු පොත ඔස්සේ අසත්යයක් ප්රචාරය කළැයි අපරාධ පරික්ෂණ දෙපාර්තමේන්තුව අත්අඩංගුවට ගත් පුද්ගලයකු රුපියල් ලක්ෂයක ශරීර ඇපයක් මත මුදා හරින ලෙස කොළඹ අතිරේක මහේස්ත්රාත් එස්. ප්රභාකරන් මහතා අද (08) නියෝග කළේය.
මෙලෙස ඇප මත මුදා හරිනු ලැබුවේ පොල්ගහවෙල සණස බැංකුවේ සේවය නියුතු ව සිටි සුමේධ ශි්රයාකාන්ත නැමැත්තාය.
පරිගණක අපරාධ පනතේ හයවැනි වගන්තිය ප්රකාරව සහ ලංකා දණ්ඩ නිති සංග්රහය ප්රකාරව වරදක් කර ඇතැයි අපරාධ පරික්ෂණ දෙපාර්තමේන්තුව මෙම සැකකරු අත්අඩංගුවට ගෙන තිබුණේ අද (08) පෙරවරුවේදීය.
පොල්ගහවෙල රෝහලේ කොරෝනා වයිරසයෙන් ආසාදිත රෝගියෙකු ප්රතිකාර ලබන බවට සදහන් කරමින් මෙම සැකකරු සිය මුහුණු පොතේ පෝස්ටුවක් නිර්මාණය කර අසත්ය ප්රවෘත්තියක් අන්තර්ජාලය වෙත මුදා හැර ඇති බවත්, ඒ සම්බන්ධයෙන් පොල්ගහවෙළ පොලීසියේ ස්ථානාධිපතිවරයා කළ පැමිණීල්ලකට අනුව සැකකරු අත්අඩංගුවට ගත් බවත් අපරාධ පරික්ෂන දෙපාර්තමේන්ත-ුව අධිකරණයට කරුණු ඉදිරිපත් කර තිබිණී.
සැකකරු වෙනුවෙන් අධිකරණයේ පෙනී සිටි නිතීඥ සුදර්ශන වික්රමරත්න මහතා සදහන් කළේ තම සේවාදායකයාට එම තොරතුර රෝහලේ වෛද්යවරයකු සහ හෙදියක විසින් ලබාදුන් එකක් බවත් එය සමාජයේ දැනගැනීම සදහා සද්භාවයෙන් මුහුණුපොතට මුදා හැරි බවත්ය.
පසුව එය අසත්ය ප්රවෘත්තියක් බව දැනගත් පසු ඔහු එය සිය මුහුණු පොතෙන් ගලවා ඉවත් කර ගත් බවත් නිතීඥවරයා අධිකරණයට කරුණු ඉදිරිපත් කළේය.
ඉදිරිපත් වූ කරුණු සැලකිල්ලට ගත් අධිකරණය, මෙවන් වැරදි නැවත කිසිවිටකත් නොකරන ලෙසට සැකකරුට තරයේ අවවාද කර රුපියල් ලක්ෂයක ශරීර ඇපයක් මත මුදා හැරීය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
බොරු තොරතුරු දුන් සණස බැංකු සේවකයකුට ඇප
dasthaa Wednesday, 08 April 2020 03:12 PM
ඉල්ලන් කනවා කියන්නේ මෙකට තමයි...