ලබන වසරේ ජනවාරි මස පළමුවැනිදා සිට ක්‍රියාත්මක වන පරිදි, වතිකාන රාජ්‍ය තුළ සියලුම වර්ගයේ දුම්වැටි අලෙවිය සම්පූර්ණයෙන්ම තහනම් කෙරෙන නියෝගයක් ෆ‍්‍රැන්සිස් ශුද්ධෝත්තම පියතුමන් විසින් නිකුත්කරනු ලැබ ඇත. මිනිසාගේ සෞඛ්‍යමය හේතූන් මත කෙරෙන මෙම තහනම පිළිබඳව වතිකාන පුරවැසියන් අතර තරමක නොසන්සුන් බවක් පැන නැගී ඇති බව ද වාර්තා වේ. ෆ‍්‍රැන්සිස් පාප්තුමෝ වතිකාන රාජ්‍ය තුළ බොහෝ දේ පිළිබඳව සීමා නීතිරීති පනවතැයි ඇතැමුන් චෝදනා කරති. 


පසුගිය සති කීපයක සිට වතිකාන වෙළෙඳසැල්වල දුම්වැටි තොග අවසන් වෙමින් ඇතුව ද, නැවත සැපයීමෙන් වැළකී සිටින බවක් ද පෙන්නුම් කරයි. 


ලොව සුප‍්‍රසිද්ධ නිෂ්පාදන බොහොමයක් වතිකාන රාජ්‍ය තුළ අළෙවි වෙන්නේ තීරුබදු රහිතව ය. මේ අතර ලොව ප‍්‍රධාන පෙළේ දුම්වැටි ද, සුවඳ විලවුන් වර්ග ද, ෙඖෂධ වර්ග ද, ඉන්ධන හා මත්පැන් වර්ග ද වේ. එහා දොරකඩ ඉතාලි වෙළෙඳසැලක විකුණුම් මිලට වඩා වතිකාන වෙළෙඳසැලක සිගරට් බණ්ඩලයක මිල සියයට විස්සක ප‍්‍රතිශතයකින් අඩු ය. එහෙත් වතිකාන වෙළෙඳසැල්වලින් ද්‍රව්‍ය මිලට ගැනීමට හැකිවෙන්නේ වතිකාන පුරවැසියන්ට හා රාජ්‍ය තුළ නිදහසේ ගැවසීමට අවසරය ඇති වතිකාන සේවකයන්ට පමණි. 


දුම්වැටි අළෙවිය සම්පූර්ණයෙන්ම තහනම් කෙරෙන පළමු රාජ්‍ය ලෙස වතිකානය ඉතිහාසගත වෙනු ඇත. ඉදිරි දිනවලදී ෆ‍්‍රැන්සිස් පාප්තුමා විසින් වතිකානය තුළ මත්පැන් අළෙවිය තහනම් කෙරෙන නියෝගයක් ද පැනවීමට සූදානම් බව විශ්වාසදායී ආරංචි මාර්ග පවසයි. 


ඡායාරූපය ඔස්කාර් සම්මාන දිනූ ‘‘ද යන්ග් පෝප්’’ චිත‍්‍රපටයෙනි. 


ගැස්කොන් ලාසරස්. 
රෝමය, ඉතාලිය.