ඇෆ්ගනිස්ථානු මුජහිඩීන් ත්රස්ථවාදීන් විසින් 1987 දී ගුවන්යානා නාශක මිසයිල ප්රහාරයකින් බිම හෙළන ලද සෝවියට් රුසියානු ප්රහාරක යානයක් පැදවූ නියමුවකු, වසර තිහකට පසුව ඇෆ්ගනිස්ථානු සිර කඳවුරක සිටියදී හමුවී ඇති බවක් වාර්තා වේ.
වසර තිහක් සිරකඳවුරුගතව සිටීමෙන් මෙම ගුවන් නියමුවා මානසික ව්යාකූලතාවයෙන් පෙළෙන බවද, තම නම හෝ ගම පිළිබඳව මතකයක් නැති බවද වැඩි දුරටත් වාර්තා වේ. මෙම නියමුවා පිළිබඳව සියළු තොරතුරු ඇලෙක්සැන්ඩර් මිරනෝෆ් නමින් දැනටමත් සෝවියට් රුසියාවට දැනුම් දී ඇත. එහෙත් සෝවියට් දේශය කියන්නේ 1987 දී ඇෆ්ගානු අහස් සීමාවේදී බිම හෙළන ලද එකම සෝවියට් ප්රහාරක යානයේ නියමුවා ලෙස කටයුතු කළේ සර්ජි පැන්ටල්යුක් නැමැති නියමුවා බැවින්, මේ ඔහු වියයුතු බව ය. සර්ජි පැන්ටල්යුක්ගේ නම ද මුලදී සටනේදී අතුරුදන්වූවකු ලෙස ලයිස්තුගතව තිබී, පසු කාලීනව යුද්ධයේදී මියගිය අයෙකු ලෙස වාර්තාගතව ඇත. මෙම ගුවන් නියමුවා හැකි ඉක්මනින් සෝවියට් දේශයට ගෙන්වා ගැනීමට මේ දිනවල සාකච්ඡා පැවැත්වෙමින් ඇත.
සර්ජි පැන්ටල්යුක් විසින් ඇෆ්ගන් යුද්ධයේදී පදවන ලද වර්ගයේ ප්රහාරක ගුවන් යානාවක් ඡායාරූපයෙන් දැක්වේ.
ගැස්කොන් ලාසරස්
රෝමය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ඇෆ්ගනිස්ථානයේදී අතුරුදන් නියමුවා වසර 35කට පසු හමුවෙයි !