IMG-LOGO

2024 පෙබරවාරි මස 22 වන බ්‍රහස්පතින්දා


කසල බිමිවලින් ජෛව අගුරු නිපදවයි

(ගයාන් සූරියආරච්චි)

 
විවෘත කසළ බිම්වල කාබනික කොටස් අඩු ඔක්සිජන් තත්ත්ව යටතේ දහනය කර ජෛව අඟුරු නිපදවීමට හන්තාන ජාතික මූලික අධ්‍යයන ආයතනයේ පර්යේෂණ කණ්ඩායමක් සමත්වී සිටියි. 

මෙම ජෛව අඟුරු කසළ බිම් මතුපිට ඇතිරීමෙන්  කසළවලින් නිකුත් වන කාබන්ඩයොක් සයිඞ්, මීතේන්, වැනි හරිතාගාර වායු ද බෙන්සීන්, ටොලූවීන්, එතිල් බෙන්සීන්, ෙසෙලින් වැනි පිළිකාකාරක වාෂ්පශීලී කාබනික සංයෝග ද උරාගැනීම සිදුවේ. 

ශ්‍රී ජයවර්ධනපුර විශ්වවිද්‍යාලයේ ව්‍යවහාරික විද්‍යා පීඨයේ ජ්‍යේෂ්ඨ කථිකාචාර්ය ආචාර්ය මෙත්තිකා විතානගේ මහත්මියගේ ප‍්‍රධානත්වයෙන් අග්නි දිග විශ්වවිද්‍යාලයේ කථිකාචාර්ය බී.ජී.එන්. සෙව්වන්දි මහත්මියගේ සහයෝගිතාවය ඇතිව මෙම පර්යේෂණය සිදුකෙරුණේ මහනුවර ජාතික මූලික අධ්‍යයන ආයතනයේ දීය. මේ සඳහා ජාතික පර්යේෂණ සභාව මූල්‍ය දායකත්වය සැපැයීය.

පර්යේෂණය පිළිබඳව වැඩිදුරටත් අදහස් දක්විමින් ආචාර්ය විතානගේ මහත්මිය ‘විදුසෙවණ’ මෙසේ අදහස් දැක්වූවාය.
‘‘කසළ බිම්වල කාබනික කොටස් වෙන්කර අවම ඔක්සිජන් තත්ත්ව යටතේ දහනය කර විදුලිය උත්පාදනය කිරීම මේවන විට නැඟී එන ව්‍යාපෘති ලෙස හඳුන්වන්න පුළුවන්. එමගින් ජනනය වන කසළ ඉතා ඉක්මණින් ප‍්‍රමාණාත්මකව අඩු කරගැනීමට හැකියාව ලැබෙනවා.

එහි අතුරු නිෂ්පාදනයක් විඳිහට ජෛව අඟුරු නිපදවෙනවා. මෙම ජෛව අඟුරුවල කාබන් ප‍්‍රතිශතය සියයට 50 ක් පමණ වෙනවා. ජෛව අඟුරු බොහෝ කටයුතු සඳහා යොදාගන්න හැකියාව තිබෙනවා. තේ වගාවේදී  පසෙහි ආම්ලික ගතිය වැඩි බැවින් එහි ආම්ලික බව වගාවේ අසාර්ථකවත්වයට බලපානවා. ඊට විසඳුමක් ලෙස ආම්ලික ගතිය අඩු කරගැනීමට ජෛව අඟුරු උපයෝගී කරගත හැකි වෙනවා. ජෛව අඟුරුවල හිස් අවකාශ ප‍්‍රමාණය ඉතා වැඩි බැවින් අධිශෝෂණය සහ අවශෝෂණය යන දෙකම සිදුකළ හැකියි. එමගින් පසේ හෝ ජලයේ ඇති බැර ලෝහ  නොයෙකුත් පිළිකාකාරක කාබනික සංයෝග ද උරාගැනීම සිදුවෙනවා. දුෂණයට ලක්ව ඇති පස හා ජලය පිරිපහදු කිරීමට ජෛව අඟුරු කදිම පිළියමක්.

නිවසේ වුවද ජලය පිරිපහදු ක‍්‍රියාවලියටද යොදාගැනීමට හැකිවන අතර කෘෂිකර්මාන්තයේදී වගාව සරු කරගැනීමට කාබනික පොහොර ලෙස භාවිත කරනවා. කසළ බිම්වලින් විද්‍යුතය උත්පාදනය කිරීමේදී කසළ බිමේ පරිමාව අඩුවන අතර ජෛව අඟුරු කසළ බිම මතුපිට අතුරා කසළ තුළින් ශරීරයට අහිතකර වාෂ්පශීලී කාබනික සංයෝග ඉවත් කරන්නේ කෙසේදැයි අප පරේයේෂණය කළා. කසළවලින් දුඟද සහිතව පරිසරයට නිදහස් වන ටොලූවීන්, බෙන්සීන්, ෙසෙලින් වැනි පිළිකාරක සංයෝග ජෛව අඟුරු අධි ක‍්‍රියාකාරීව උරා ගැනීම සිදුකරනවා. මෙම පර්යේෂණය අප වසර 2 ක් පමණ කාලයක සිට සිදුකරනවා.

මේවන විට ඉතා සාර්ථක ප‍්‍රතිඵල ලැබී තිබෙනවා. ජෛව අඟුරු කසළ මතුපිට පස් සමඟ අතුරනයක් ලෙස යෙදවිය හැකි වෙන්නාසේම කසළවලින් ගලායන අප ජලය එකතු කර ජෛව අඟුරු මගින් පිරිසුදු කර පරිසරයට මුදාහැරිය හැකිවෙනවා. ඒ වගේම කසළ බිමට යටින් භූගත ජලයට එකතුවන අපද්‍රව්‍ය වළක්වා ගැනීමට ජෛව අඟුරුවලින් බාධක ආවරණ යෙදිය හැකිවෙනවා. කාබනික කසළවලින් නිපදවන ජෛව අඟුරු සෞඛ්‍යාරක්‍ෂිත කසළ බිමක් බවට පත්කර ගැනීමටත් ඉවහල්වෙනවා.’’ 

 

 

 



අදහස් (3)

කසල බිමිවලින් ජෛව අගුරු නිපදවයි

disanayaka Saturday, 01 July 2017 04:52 AM

ඉතා හොඳ ප්‍රවනතාවයක්.එත් මෙවැනි ව්‍යාපෘති රිපොර්ට්ස් වලට පමණක් සීමා නොවී අපේ රටේ රටතුල ක්‍රියාත්මක කළහැකිද යන්න සොයාබැලීමට ශක්යතා අධ්යයනයක් කලයුතු වෙනවා. මෙවැනි ව්‍යාපෘති ප්‍රමාණාත්මක අධ්‍යනයකින් විවිද නගරවල් වල කුමන ස්ථාන වල ඇතිකලයුතුයි. වැඩිදුරටත් අධ්‍යනය කලයුතු වෙනවා.එසේම වෙනත් රටවල යොදාගන්න කාර්මික ප්‍රත්චක්‍රීකරණය කිරීම වැනි ක්‍රියාමාර්ග අපේ රටේ ඇතිකලයුතු ආකාරය ගැන ඉහල අධ්‍යනයක් කලයුතුයි.උගත් ආචාර්යවරුන් ලෙස ඔබලාට රටේ දැවෙන ප්‍රශ්නයක් වන කුණු ප්‍රශ්නය සඳහා ප්‍රාෙයා්ගිකව ක්‍රියාත්මක කල ව්‍යාපෘතියක් ලෙස වැඩිදියුණු කිරීමට ඉතා විශාල කාර්යභාරයක් පැවරී තිබෙනවා.එසේම මෙවැනි ව්‍යාපෘති සඳහා රජය මූලිකත්වය ගෙන මූල්‍ය ප්‍රතිපාදන ලබාදීම කාලින අවශ්‍යතාවයකි.

:       0       9

ravin Saturday, 01 July 2017 01:54 PM

හොඳ කාලෝචිත සොයාගැනීමක්. හැබැයි ඉතින් මේ ක්‍රමවේදය දේශපාලකයන්ට නම් සමහර විට වහකදුරු වෙයි. ඒ බඩ වඩා ගැනීමේ හැකියාව නැතිවෙන නිසා. කොහොම වුණත් උත්සාහ කරලා බලන්න කීදෙනෙක් මේක ක්‍රියාවට නංවන්න උදවුකරයිද කියලා....

:       0       6

Bandara-kakirawa Sunday, 02 July 2017 04:18 AM

කසල ප්‍රතිචක්‍රීකරණය පිළිබද මනාලෙස අද්ධියනය කර ඇති ආචාර්ය මෙත්තිකා විතානගේ මහත්මියගේ මෙම ව්‍යාපෘති නිසේකයෙන්ම සාර්ථක වනු ඇත. එමෙන්ම සබරගමු සරසවියෙන් බිහිවුණු අපේම සහෝදරියගේ මෙම අලුත් සොයාගැනීම කසල ප්‍රශ්නයට පිලියමක් පමණක්ම නොව, කෘමිනාශක භාවිතය නිසා ගොවි ජනතාව මුහුණ දෙන "වකුගඩු ආශ්‍රිත රෝග" අවම කරගැනීමටද වක්‍රාකාරව යොදාගත හැක. තවද ජෛව අඟුරු("අඟුරු") වල ඇති සුවිසේෂි "අධිශෝෂණය සහ අවශෝෂණ" හැකියාව නිසා කෘෂි කර්මාන්ත කටයුතු වලින් බැහැරවන අපවිත්‍රවූ ජලය අඟුරු ස්ථරයක් ඔස්සේ ගලායාමට සැලසීමෙන් ස්වාබවිකවම පවිත්‍රවූ ජලය බවට පත්කර ජලජ පරිසරවලට(වැව්-අමුණු වලට) යොමුකළ හැක. මෙම පර්යේෂණ කාලෝචිත සොයාගැනීමක් බැවින් එය ග්‍රාමීය මට්ටමට සාර්ථකව රැගෙන යාමට ඔබත් දායක වන්න.

:       0       101

ඔබේ අදහස් එවන්න

නැණ කොසුව

මල් වලට මීමැස්සන්ගේ ශබ්දයට සවන්දීමේ හැකියාවක්
2018 දෙසැම්බර් මස 31 2268 1

මල් වලට මීමැස්සන්ගේ ශබ්දයට සවන්දීමේ හැකියාව පවතින බව ඊශ්‍රායල විද්‍යාඥයින් පිරිසක් විසින් සිදු කරන ලද පර්යේෂණයකින් අනාවරණය වී ඇත.


විද්‍යා ලෝකයේ විශ්මිත සොයා ගැනීමක්
2018 දෙසැම්බර් මස 03 2141 0

විද්‍යා ලෝකය මවිත කරමින් මකුළුවන් අතර ද කිරිදෙන අම්මලා සිටින බව චීනයේ දී කළ පර්යේෂණයකින් අනාවරණය වී ඇත.


පදවන්නෙකු නැති යතුරු පැදියක්
2018 සැප්තැම්බර් මස 14 6055 3

පදවන්නෙකු නොමැතිව ධාවනය කර හැකි යතුරු පැදියක් බී එම් ඩබ්ලිව් ආයතනය මඟින් හදුන්වා දී තිබේ. පර්යේක්ෂකයෝ මෙමගින් මාර්ග අනතුරු අවම කරගැනීමට අපේක්ෂා කරති.


ගූගල් සම නිර්මාතෘගෙන් පියාඹන මෝටර් තැනීමේ ව්‍යාපෘතියක්
2018 ජුනි මස 12 7105 1

ලොව ප්‍රකට ගූගල් වෙබ් අඩවියේ සම නිර්මාතෘවරයෙකු වන ලැරී පේජ්ගේ මූලිකත්වයෙන් ආරම්භ වූ පියාඹන මෝටර් රථ තැනීමේ ව්‍යාපෘතිය මේ වන විට සාර්ථක වෙමින් පවතින බ


ප්ලූටෝ මත මිදුණු මීතේන් ඇතැයි විද්‍යාඥයෝ පවසති
2018 ජුනි මස 01 3509 2

ප්ලූටෝ ග්‍රහයා මත අයිස් බවට පත්වුණු මීතේන් තිබෙන බවට සාක්ෂි ලැබී ඇතැයි විද්‍යාඥයෝ පවසති. සයන්ස් ජර්නල් සඟරාවේ පල කර ඇති මෙම පර්යේෂණ තොරතුරු මගින් හෙළි


ලුණු ජලයෙන් දිරාපත්වන බෝතලයක්
2018 මැයි මස 25 4202 1

ඩර්හම් සරසවියේ රසායන විද්‍යා උපාධිධාරියෙකු වන 27 හැවිරිදි ජේම්ස් ලොන්ක්‍රොෆ්ට් විසින් සති තුනක් තුළ ලුණු ජලයෙන් දිරාපත් වන බෝතලයක් නිපදවා තිබේ.


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 157 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 227 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 250 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site