IMG-LOGO

2025 ජුලි මස 19 වන සෙනසුරාදා


සිංහල සර්ට අපූරු පාඩමක්

(වියලුව වාර්තාකරු)
තම දියණියට පාඩම් කියා දීම සඳහා නිවෙසට පැමිණ වැල්වටාරම් දොඩවමින් සිටි විශ්‍රාමික ගුරුවරයකු පන්නා දැමීමට නිවැසියන් යෙදවූ අපූරු උපායකි මේ.


සිද්ධිය මෙසේය. 


ඔහු විශ්‍රාමික සිංහල ගුරුවරයෙකි. වැඩිහිටියන් සමග තිබූ හිතවත්කම නිසා ඔහු පසුගිය දිනෙක තම හිතවතකුගේ නිවෙසට ගොඩ වූයේ මෙවර අ.පො.ස. සා.පෙළ විභාගයට පෙනී සිටින එම නිවසේ දරුවකුට ඉගෙනීමට අපහසු සිංහල ව්‍යාකරණ පාඩමක් කියා දෙන ලෙස එම නිවෙස් හිමියා කළ ඉල්ලීමකට ප්‍රතිචාර වශයෙනි.


විනාඩි කිහිපයක් පාඩම් කියා දුන් ගුරුවරයා දරුවා සමඟ තම සේවා කාලය පිළිබඳ විවිධ වූ වැල්වටාරම් දොඩමින් සිටිනු දුටු නිවෙස් හිමියා දරුවාට පාඩම කියාදෙන්නැයි ගුරුභවතාගෙන් කාරුණිකව ඉල්ලා සිටියේ විභාගයට ඇත්තේ ඉතා සීමිත කාලයක් බව පෙන්වා දෙමිනි.


කෙසේ වෙතත් මඳ වේලාවක් පාඩම කියා දුන් ගුරුභවතා නිවැසියා දුන් අවවාදය යළි අමතක කර රටේ තොටේ සහ ගමේ විස්තර දරුවා සමග පවසන්නට වූයේ නිවෙස් හිමියාගේ ඉවසීමේ සීමාව ද ඉක්මවා යවමිනි.


එසේ වුව ද නිවෙසට පැමිණි අමුත්තාට හිත රිදෙන්නට යමක් නොකීමට වග බලාගත් නිවෙස් හිමියා තම බිරිඳ ද හවුල් කරගනිමින් ඔහු නිවෙසින් පන්නා දැමීමට අපූරු උපායක් ක්‍රියාවට නැංවූයේ තම දරුවාට ද නොදැනෙන පරිද්දෙනි. 


නිවෙසේ පසුපස දොරෙන් පිට වී ගිය හෙතෙම නිවෙසේ විදුලි සැපැයුමේ ප්‍රධාන ස්විචය අක්‍රිය කර දැමුවේ විටින් විට සිදුකරන විදුලිය කැපීම පිළිබඳ විදුලිබල මණ්ඩලයට ද දෙස් දෙවොල් තබමිනි.


ටික වේලාවකින් විදුලිය එතැයි සිතූ ගුරුවරයා තවදුරටත් පාඩම කියාදීමට පැමිණි සිසුවා සමග අල්ලාප සල්ලාපයෙහි යෙදෙන්නට වූයෙන් නිවැසියාගේ උපාය අසාර්ථක විය. එහෙත් අවසානයේදී පරාජය බාර ගන්නට අකැමැති වූ නිවෙස් හිමියා, “සර් ආයෙ නම් ලයිට් එන එකක් නැහැ, දැන් රෑත් වුණා, ගෙදර යන්නත් එපැයි නේ ද?” යැයි කියමින් සිය දරුවා වෙනත් වැඩකට යොමුකළේ එතෙක් වේලා තම නිවෙසේ රැඳී සිටි ගුරුවරයාට ද සමු දෙමිනි.



අදහස් (1)

සිංහල සර්ට අපූරු පාඩමක්

Chamila prasanna Friday, 11 September 2020 03:06 PM

අනේ මෙහෙමත් ගුරුවරු....!!! 

:       109       117

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 425 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 590 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 240 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site