IMG-LOGO

බස්රියේ කිසිවකු මහලු මවට අසුනක් නොදුන්නාට රියැදුරු නැගිට වාඩිවෙන්න දීලා

(හාරිස්පත්තුවේ මොහොමඞ් ආසික්)
බස් රථයකට නැඟුණු වයෝවෘද්ධ මවකට බස් රථයේ සිටි කිසිවෙකුත් අසුනක් ලබා නොදීම නිසා එම බස් රථයේ රියැදුරු තම අසුන ලබාදීමේ සිද්ධියක් පසුගියදා කන්ද උඩරට ප්‍රදේශයේදී සිදු වූයේ බස් රථයේ සිටි සියලු_ දෙනාට මහඟු පාඩමක් කියා දෙමිනි.


කන්ද උඩරට ප්‍රදේශයේ ප්‍රධාන උප නගර දෙකක් අතර ධාවනය වන එම බස් රථයේ සියලු_ අසුන් පිරී ගොස් තිබිණ. ඒ තරුණ හා මැදිවියේ පිරිසගෙනි. බස් රථය නගරයෙන් පිටත්ව ගිය පසු අතර මගදී ද බස් රියට සැලකිය යුතු ප්‍රමාණයක් මගින් ගොඩ වීම නිසා බස් රිය අතුරු සිදුරු නැතිව පිරී ගියේය.


මෙලෙස ටික දුරක් බස්රිය ගමන් කරන විට බස් රථයට අතරමඟදී වයෝවෘද්ධ මවක් ගොඩ වූවාය. ඇය යම් අසනීපයකින් පෙළෙන බවක්ද දැක ගන්නට හැකි විය. බස් රථය තුළ ඇය ඉතා අපහසුවෙන් සිටගෙන සිටිනු බොහෝ දෙනෙකු දුටුවද කිසිවකුත් ඇයට අසුනක් ලබා දීමට ඉදිරිපත් වුයේ නැන. බස් රථයේ සිටි තරුණ පිරිස් වැඩි ප්‍රමාණයක් තම ජංගම දුරකතනයේ එල්ලී සිටීම නිසා ඔවුන්ට මෙවන් මවක් බස් රථයේ අපහසුවෙන් සිටිනු දැක ගත නොහැකි විය.


මෙම මව පත්ව සිටින අපහසුව ගැන අවධානය යොමු කර සිටි බස් රථයේ රියැදුරු මහතා එක් ස්ථානයක බස් රථය නවත්වා එම වයෝවෘද්ධ මවට කතා කර “අම්මේ මේ බස් එකේ අම්මට සීට් එකක් දෙන්න කවුරුවත් නෑ වගෙයි. ඒ නිසා මෙන්න අම්ම මගේ සීට් එකේ වාඩි වෙන්න. වාඩි වෙලා පුළුවන්නම් මේ බස් එක එළවගෙන ගිහින් මේ ඔක්කොම ගිහින් බස්සන්න” යැයි හඬ නගා කීය. 


මෙම හඬින් බස් රථයේ සිටි තරුණ පිරිස් පියවි ලොවට පැමිණි නමුත් සිදු වෙමින් තිබෙන දේ ගැන තුෂ්නිම්භූතව බලා සිටියහ. 


එම අවස්ථාවේම බස් රථයේ සිටි මැදි වියේ පුද්ගලයෙකු සිය අසුන එම මවට ලබා දීම නිසා සුපුරුදු පරිදි බස් රිය ධාවනය වන්නට විය.



අදහස් (3)

බස්රියේ කිසිවකු මහලු මවට අසුනක් නොදුන්නාට රියැදුරු නැගිට වාඩිවෙන්න දීලා

mahinda Wednesday, 26 September 2018 05:38 AM

නොමිනිස්කම් අසම්ජ්ජාත්කම් වලින් පිරී ඉතිරී ගිය පෞද්ගලික ගැමුණු බස් මාෆියාවේ ඉදහිට හෝ මිනිසත් කමින් අනූන මෙවන් සත් ගුණවත් මැතිවරුන් සිටීම මෙම සේවාවේ ගුණයක් නොව යහපත් දෙමාපිය යුවලකගේ උතුම් පුත් රැවනක්. මහතානෙණි ඔබටත් ඔබ දෙමාපියන් ඇතුලු ඔබ සියලු දෙනාට නීරෝගී සුවය වාසනාව බුදු සරණයි.

:       1       252

දිලූෂා Thursday, 27 September 2018 04:23 AM

දැන් පිරිමින්ට ජිම් ගිහින් කායවර්ධනය කර ගත්තට විනාඩි 5ක් හිටගෙන යන්න අමාරුයි. තරුණ දරුවන් බස් එකකට නඟින කොට කාන්තාවන් ලමුන් හා වැඩිහිටියන් පෙරලගෙන බස් එකට නඟින හැටි දකින්න පුළුවන්. ඉස්සර තරුණයින්ට වගේ සමාජ හිතෛශී අදහස් දැන් කාලේ තරුණයින්ට නෑ.

:       0       121

රිතික්Thursday, 27 September 2018 10:51 AM

මම නම් බසයකට නගිනකොට මුලින්ම කාන්තාවන්ට නගින්න ඉඩ දීලා තමයි මම නගින්නේ

:       66       3

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 64 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 274 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 127 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site