2025 ජුලි මස 11 වන සිකුරාදා
2025 ජුලි මස 11 වන සිකුරාදා
මරදානේ නේවාසිකාගාරයක සිටින විවිධ ආයතනවල තරුණයන් සිවුදෙනෙකි. එක් අයකු බෝඩිමේ හිමිකාරියට කිසිදා හොඳක් කීවේ නැත. බලපන් අපි ඉන්න කාමරවල හැටි. කුකුළු කූඩු වගේ. කිසිම පහසුකමක් නැහැ. ඒ වුණාට එක් කෙනකුගෙන් දෙදහස් පන්සීය ගානේ ගන්නවා. ආයෙත් වැඩි කළොත් නම් මම යනවා. ඔහු කීය.
අනෙක් තිදෙනා කිසිවක් නොකීවේ කොළඹින් බෝඩිමක් සෙවීම කළුනික සෙවීමටත් වඩා අසීරු බැවිනි. බෝඩිමේ හිමිකාරිය ඊළඟ මාසයේ සිට කුලිය රුපියල් තුන් දහසක් බව පවසමින් රතු එළියක් දැල්වූවාය. පෙරකී මිතුරා අනෙක් මිතුරනට මෙසේ කීය. ”මම බෝඩිමෙන් යනවා. හවස ඔයාලා බොරැල්ලට එන්න. අද මගේ ගානේ චයිනීස් රෙස්ටුරන්ට් එකකින් ඩිනර් එක ගමු.” සවස හයට මිතුරන් තිදෙනා බොරැල්ල මංසන්ධියට පැමිණියේ තිළිණයක් ද රැගෙනය. රාත‍්‍රී හත විය. මිතුරා පැමිණියේ නැත. ඔහුගේ ගමන් කථනයෙන් ද ප‍්‍රතිචාරයක් නොවීය. ”අට වෙනකන් බලමු” අයෙක් පැවසුවේ ඈනුමක් ද අරිමිනි. අටයි තිහ වනතුරු බලා සිටි ඔවුහු තෝසේ කඩයකින් රාත‍්‍රි ආහාරය ගෙන නේවාසිකා ගාරයට පැමිණියහ. කාමරයේ වැලේ තිබූ රෙදි රඳවන ක්ලිප් ද හැන්ගර්ස් ද බෝඩිම අයිති කාන්තාව තාවකාලිකව ඔවුනට ලබා දුන් බෝල කූඩු දෙකද, යනවා යැයි පැවසූ මිතුරාගේ ඇඳුම් බෑගය ද අතුරුදන්වී තිබිණි. වහා තරුණයෝ බෝඩිමේ හිමිකාරිය මුණ ගැසුණහ.
එවිට ඇය,
”ඔයාලා හරි ළමයි තමයි. බලන්නකෝ ”මුනේ” ළමයා යන්න ගියානේ. එයා කීවා බෝඩිම හොඳයි ඒ වුණාට එයා යන්නේ අනෙක් අය හින්දා කියලා. මෙතන සිගරට් බොනවලූ, අරක්කු බොනවලූ. ඒ විතරක්ද ඔයාලා මට හැමවේලේම බනිනවා කියලත් කීවා. පව් අහිංසක ළමයා” ඇය සුසුම්ලමින් පැවසුවාය. මිතුරන් තිදෙනාගේ මුව ගොළු වූයේ ඔවුන් කිසිමදාක ඇයට දොස් තබා නොමැති හෙයිනි. නිහඬව කාමරය තුළට පැමිණි ඔවුන්ගෙන් එක් අයෙක් ”අවංක මොළේ සදා ඇළේ” යැයි පැවසීය.
2025 ජුලි මස 04
272
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
796
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1209
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
බෝඩිම ගැන පුරසාරම් සගයන්ට කොකා පෙන්නලා
ෂෙරිෆ් Tuesday, 23 July 2013 01:19 AM
බෝඩිමේ ඇන්ටිට බොරු කියපු එකට හිත හදාගන්න පුළුවන්. නමුත් චයිනීස් රෙස්ටුරන්ට් එකකින් ඩිනර් එක ගමු කියලා රස්තියාදු කරපු එකටනම් හිත වාවන්නේ නැහැ. කතාවකට කියනවනේ ගහට ගහක් හමුවෙනවා මිනී පෙට්ටි සාප්පුවේදී කියලා. එදාට මිනිහව අල්ලගන්නයි තියෙන්නේ. (නි)
ඉන්දික Wednesday, 24 July 2013 11:24 AM
හොද හොද සෙල්ලම් එළිවෙන ජාමෙට.(නදී)
හේරත් Tuesday, 23 July 2013 04:23 AM
පිනා...පිනා ගසා ගියේය. (නදී)
චින්තක Monday, 22 July 2013 01:19 PM
මේ විදියට හරි එම කපටියගේ ඇසුරෙන් මිදෙන්න සිද්දවුණු එක ගෙන තුන්දෙනාම සතුටු වෙන්න ඕනේ.(ස)
නදීක Tuesday, 23 July 2013 06:20 PM
මේකේ තියෙන්නේ කා ගැනද (අ)
මුනසිංහ Tuesday, 23 July 2013 06:25 PM
අනේ ඔන්න මම කිව්වේ බොරු නෙමෙයි.නමුත් සමාවෙන්න. (නි)
නදීක Tuesday, 23 July 2013 06:26 PM
කවදාවත් නරක වැඩකරන්න එපා අහුවුනාම දුක දැනෙනවා (අ)
සමීර වී. Monday, 22 July 2013 06:24 PM
අපේ නිවාස ලග බෝඩිමේ ඇන්ටි ගමේ යන දවසට හැමෝටම සංග්‍රහ කරලා 4 දෙනාම වෙන වෙනම හමුවෙලා කියනව, සුජි ළමයෝ මට ඔයා විතරයි විශ්වාස මම ගමේ ගිහින් එනකන් ගේ හොදට බලා ගන්න,. අනිත් ළමයි ගැන විශ්වාසයක් නැහැ කියලා. මේ කතාවම අනිත් ළමයින් 3 දෙනාටත් වෙන වෙනම කියනවා. ඇන්ටි ගමේ ගිහින් එනකන් තැඹිලි පොල් වෙනකල් හැමෝම ගේ හොදට බලාගන්නවා ඇන්ටිගෙන් ලකුණු දාගන්න (නි)
ඉසුරු Tuesday, 23 July 2013 06:28 PM
මේක අපිට පාඩමක්. හොද යාලුවෝ ආශ්‍රය කරන්න ඕනෑ. (නි)
පහන් Monday, 22 July 2013 06:24 PM
එකට කෑවත් බොක්ක වෙනස් කියන්නේ ඕක තමයි (නි)
විපුල Tuesday, 23 July 2013 01:01 PM
මේක උනේ 2003, යාලුවෝ 3 දෙනෙක් සෙට් වෙලා බෝඩිමක් හෙව්වා, එක්කෙනෙක් තැන හොයාගත්තා, මාසෙට එක්කෙනාගෙන් රු 1500 යි. බෝඩිම හොයාගත්ත කෙනා තමයි බෝඩිමේ ආන්ටි එක්ක ඔක්කොම වැඩ කටයුතු කරන්නේ. මාස කිහිපයකට පස්සේ අර යාළුවා ලෙඩ උන නිසා අනිත් දෙන්නා 4500 ආන්ටි ට දුන්නම තමයි වැඩේ අහුඋනේ, බෝඩිමේ ගාන රු 3000, යාලුවෝ දෙන්නගෙන් 1500 ගානේ අරගෙන අනිකා නිකන් ඉඳල තියෙන්නේ, කැළණි කැම්පස් එකේ වෙචච දෙයක්.(නදී)
පිටිගල Monday, 22 July 2013 06:52 PM
ධනු මහත්තයෝ, එහෙම වුනේ නැහැ. පස්සෙනේ කතාව එලිවුණේ (නි)
උපාලි Monday, 22 July 2013 05:53 AM
මේ තුන් දෙනාට වුනේ අර බයිසිකල් අයිතිකාරයට වෙච්ච දේමයි. අහල ඇතිනේද? එක තරුණයෙක් ගේ ඉස්සරහ පිට එයාගේ බයිසිකලේ නවත්තල තිබුනා. ටිකකින් බලන කොට ඒක නැහැ. හැමතැනම හෙව්වා හමුවුනේ නැහැ. පැයකින් විතර බලනකොට මෙන්න තියෙනවා මිදුලේම. පොඩි ලියුම් කවරයක් තිබුනා ගැටගහලා. එකේ තිබුනේ නගරයට ඇවිත් තිබුන අලුත්ම චිත්‍රපටිය බලන්න යන්න ටිකට් දෙකකුයි, "මගේ දරුවා හදිසියේ රෝහලට රැගෙන යාමට ඔබේ බයිසිකලය අනවසරයෙන් ගෙනි යන්න වුනාට සමාවෙන්න. මේ ඒකට සුළු තෑග්ගක් " කියල තුන්ඩු කල්ලකුයි. තරුණයා නියමිත දවසේ බිරිඳත් සමග චිත්‍රපටිය බලන්න ගියා. ආපහු ගෙදර එනකොට මුළු ගේම සුද්දකරලා. මෙතන නම් ඒ වගේ හානියක් වෙලා නැහැ හොඳ වෙලාවට. (නදී)
මුනසිංහ Tuesday, 23 July 2013 07:29 PM
මම මුනසිංහ නමුත් සමාවන්න (අ)
තරිදු Monday, 22 July 2013 08:32 PM
”අවංක මොළේ සදා ඇළේ'.(නදී)
නාලක Friday, 02 August 2013 11:23 AM
කතාවකට කියනවනේ ගහට ගහක් හමුවෙනවා මිනී පෙට්ටි සාප්පුවේදී කියලා. එදාට මිනිහව අල්ලගන්නයි තියෙන්නේ (නි)
සරත් Tuesday, 23 July 2013 10:08 AM
මම හිටපු බෝඩිමේ ඇන්ටි නම් හරිම හොඳයි. රෑට කමට වයන්ජනත් දෙනවා එය හදපු. තව ටික දවසක් හිටිය නම් දුවත් දෙන්න ඉඳලා තියෙන්නේ. එය ගත්තනම් මම අද නැහැ වගේ තමයි. ඔන්න බෝඩින් ඇන්ටිලා.(නදී)
පිටිගල Monday, 22 July 2013 04:08 PM
අපේ බෝඩිමේ ඇන්ටි එක දවසකට එක්කෙනෙක්ගේ බත් එකේ බිත්තරයක් යට දාල දෙනවා අනික් යට හොරෙන්. අපි ඇන්ටිගේ ගැටේට අහු උනා. හැබයි අන්තිමට අපිට තේරුණා ඇන්ටි එහෙම කලේ මොකටද කියලා. (අ)
චන්දි Monday, 22 July 2013 04:13 PM
උපාලි,ඔයා කිවේ ඇත්ත සිද්දියක්ද..?නැත්නම් සුරංගනා කතාවක්ද..?මොකක් උනත් මාර මොලයක් නේ ...!! (අ)
ධනු Monday, 22 July 2013 04:41 PM
පිටිගල මහතයෝ ඉතින් ඊට පස්සේ මොකද කලේ බිත්තරේ ගිල්ල නේද .අර විසි කල කතාව නම් බොරු (අ)