ඇය දරුවන් තිදෙනකුගේ මවකි. තම ස්වාමියා රට රැකියාවක නිරතව සිටින බැවින් තමා යන යන තැනට ජංගම දුරකථනය රැගෙනයෑම මෙම කාන්තාවගේ සිරිත විය. මෙදින නිවසෙහි කිසිවකු නොසිටි අතර දිවා ආහාරය සකස් කිරීම සඳහා සුපුරුදු පරිදි ජංගම දුරකථනයද රැගෙන මුළුතැන්ගෙට ගොස් ගෑස් ලිප තබා ඇති ස්ථානයට ඉහළින් තනාතිබූ රාක්කයමත එම දුරකථනය තැබුවාය.

දැන් ඇය ආහාර පිසිමින් සිටී. එක් ලිපක බතද අනෙක් ලිපෙහි බෝංචි මාළුවද ඉදෙමින් පවතින අතරවාරයේ අසල්වැසි කාන්තාවක් පැමිණ නිවෙසෙහි ඉදිරිපස සිට කතා කර ඇත. ඒ හඬ ඇසුණු මෙම කාන්තාව නිවසෙහි ඉදිරිපසට ගොස් එම කාන්තාව සමග කෙටි පිළිසඳරක යෙදී සිට නැවැත මුළුතැන් ගෙටවිත් පිසෙමින් තිබූ බත බලා එය ලිපෙන් රැුගෙන පසෙක තබා බෝංචි මාළුවට ලූණු මිශ‍්‍රකර එය හැන්දෙන් කලවම් කළාය. පුදුමයකි. එයින් ජංගම දුරකථනයක් මතුවිය. ඇය ක්‍ෂණිකව තමාගේ දුරකථනය තිබූ තැන බැලූවාය. ඇයට දෙවියන් සිහිවිය.

සිදුවී ඇත්තේ අසල්වැසි කාන්තාවට කතා කිරීමට නිවෙස ඉදිරියට ගිය පසුව එම ජංගම දුරකථනයට ඇමතුමක් පැමිණ එහි කම්පනයට සෙමින් ඉදිරියටවිත් පිසිමින් පැවැති බෝංචි මාළුවට වැටීමය.

පසුව එය අලූත්වැඩියා කිරීම සඳහා රු. 2500 ක මුදලක් වැයවූ බව එම කාන්තාව පැවසුවාය.