(ඇල්පිටිය - චන්ද්රසිරි ගුණසේකර)
මංගල උත්සවයකට සහභාගී වන අයුරින් හොඳට ඇඳ පැළැඳගෙන නගරයක තිබූ පෝස්ටර් ගැලවීමට එක්තරා තරුණ පිරිසකට වූ සිදුවීමක් පිළිබඳව දකුණේ ප්රසිද්ධ නගරයකින් වාර්තා විය.
වාර්තාවන අන්දමට සිද්ධිය මෙසේය. එක්තරා ගමක තරුණ පිරිසක් පසුගිය ජනාධිපතිවරණයේදී එම දිස්ත්රික්කයේ සිටි ප්රධාන දේශපාලන බලවතා හා එක්ව ඔහුට සහයෝගය දක්වමින් මැතිවරණ කටයුතු සිදුකළහ. මේ නිසා එම දේශපාලනඥයා හා එම තරුණ පිරිස අතර ලොකු බැඳීමක් ද ඇතිවිය.
ජනාධිපතිවරණයෙන් එම පක්ෂය ජයග්රහණය කිරීමෙන් පසු මෙම දේශපාලනඥයාට කිසියම් පදවියක් ලැබෙන බවටද ආරංචි පැතිර ගියේය.
මේ අතර එක් දිනක් මෙම දේශපාලනඥයාගෙන් තරුණ පිරිසට පණිවුඩයක් ලැබුණේය. ඒ එතුමාගේ කාර්යාලයට යන ලෙසය.
‘ෂුවර් එකටම පාටියක් වෙන්න ඇති. කාර්යාලයට එන්න කිව්වට ටවුමේ කොහේ හරි හෝටලේක තමයි පාටිය ඇත්තේ, ඒ නිසා අපි හොඳට ඇඳගෙන යමු’ තරුණ පිරිස කතා කර ගත්හ.
ඒ අනුව නියමිත දිනයේ මංගල උත්සවයකට යන අයුරින් හොඳට ඇඳ පැළඳගෙන එක් තරුණයකු සතු වාහනයෙන්ම ඔවුහු දේශපාලනඥයාගේ කාර්යාලයට ගියහ.
ඔවුන්ගේ ගමන ගැන ගමේ තව පිරිසක් විමසූ විට ඔවුන් කියා සිටියේ බොස්ගේ පාටියකට යන බවය.
කාර්යාලයට ගිය තරුණ පිරිස සිනහමුසු මුහුණින් ඉතා සුහදව පිළිගත් අතර තවත් පිරිසක් විවිධ ප්රදේශවලින් පැමිණ සිටි අයුරු දැකගත හැකිවිය.
පණිවුඩ ලැබූ සියලුම පිරිස පැමිණීමෙන් පසු දේශපාලනඥයා ඔවුන් අමතා කියා සිටියේ ‘නව නායකයාගේ සංකල්පයකට අනුව නගර සියල්ලම පිරිසුදුව තබාගැනීමට කටයුතු කරන බවය. ඒ නිසා අපද සියල්ලෝම සමඟ නගරයට ගොස් එහි ඇති දැන්වීම් පෝස්ටර් ගලවා දමා නගරය පිරිසුදු කරමු’යැයි ඔහු යෝජනා කළේය.
එම යෝජනාවට අනුව සියලුම දෙනා නගරයට ගොස් නගරයේ පෝස්ටර් ගලවා දමමින් නගරය පිරිසුදු කරද්දී මේ කණ්ඩායමේ එක් තරුණයකු අනෙකාට කීවේ. ‘ගමේ කවුරුවත් අද ටවුමට නාවොත් හොඳයි, ආවොත් එහෙම අපේ කාඞ් කුඩු’ යනුවෙනි.
පසුව මේ ගැන දැනගත් ගමේ කිහිපදෙනෙකු අර තරුණයන්ගෙන් කොහොමද එදා පාටිය කියා විමසන විට ඔවුන්ගේ මුහුණු ඇඹුල් වූ බව කියති.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
දේශපාලක බොස්ගේ පාටියට ගිහින් ටවුමම සුද්ද කරන්න වෙලා
Perera Wednesday, 04 December 2019 10:03 PM
තවම පාටිය පටන්ගත්ත විතරයි, "පාටියේ" නියම "සංග්රහය" පටන්ගත්තාම පාටිය කොහොමද කියලා එළිපිටම අපිටම පෙනේවි.