2025 ජුලි මස 01 වන අඟහරුවාදා
2025 ජුලි මස 01 වන අඟහරුවාදා
කසිප්පු තිප්පොළක සිටි පිරිසකට අමුතුම තාලේ දඬුවමක් විඳින්නට සිදුවීමේ පුවතක් ගලේවෙල තලකිරියාගම ගම්මානයෙන් වාර්තා විය. මෙම ගම්මානයේ වැව් බැම්මක පවත්වාගෙන යන කසිප්පු තිප්පොළක් පිළිබඳව තොරතුරු පොලිසියට ලබා දුන් පිරිසක් එය වටලන ආකාරය රහසිගතව බලා සිටියහ. වටින් ගොඩින් අඳුර වැටීගෙන එද්දී ඔත්තුවේ සඳහන් ආකාරයට පොලිසිය වැව් බැම්මේ තිප්පොළ දෙතුන් පැත්තකින්ම වට කළහ. එහි සිටි පිරිසට ගැලවීමට ඇති එකම මග වැවට පැන එගොඩට පීනා යාම පමණි. මුලින්ම කසිප්පු මුදලාලි වැවට පැන පිහිනා යන්නට විය. කසිප්පු බීමට පැමිණි අට දෙනෙකුගෙන් සමන්විත පිරිස ද මුදලාලි අනුගමනය කළහ. එය සැබැවින්ම පිහිනුම් තරගයක් විය. විනාඩි දහයක් පමණ ගතවෙද්දී පිරිස එගොඩට ළඟා වූහ. ඒ වන විට බැම්මේ සිටි පොලිසියේ පිරිස ද එම ඉසව්වට ළඟා වී හමාරය. පොලිසිය දුටු පිරිස වඩාත් බියට පත්වී ආපසු මෙගොඩට පීනන්නට වූහ. පිරිස වැව් බැම්මට ළඟා වන විට පොලිසියේ පිරිස ද වැව් බැම්මට ළඟා වී සිටියහ. පොලිස් පිරිස දුටු පිහිනුම් කරුවෝ ආපසු දියඹට පිහිනා ගියහ. ඔවුන් එගොඩට ළඟා වන විට පොලිස් පිරිස ද එගොඩට ළඟා වී සිටියහ. මේ අයුරින් පැය දෙකක් පමණ ගත වන විට පිහිනන පිරිස හොඳටම හෙම්බත් වී හමාරය. පොලිසිය ගොඩින් යයි. පිරිස දියඹින් පිහිනා යයි. පැය දෙකක් පමණ ගත වන විට අඳුරු පැතුරුණි. වැව තුළ සිටිනා පිරිස හඳුනා ගැනීමට අපහසු තරමටම අඳුර වැඩි විය. මෙහෙයුම අතහැර දැමූ පොලිසියේ පිරිස ගිය පසු පිහිනුම්කරුවෝ ගොඩට පැමිණියහ. ”උසාවි ගිහිල්ලා දඩ නැතිවුණාට මොකද මේ දඬුවම හොඳටම ඇති” සීතලේ ගැහෙමින් ගොඩට පැමිණි එක් අයකු පැවසූ අයුරු සැඟවී බලා සිටි පිරිසට ද ඇසිණි.
2025 ජුනි මස 26
524
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
2025 ජුනි මස 25
112
0
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
2025 ජුනි මස 23
317
0
සීඝ‍‍්‍රයෙන් පරිවර්තනය වෙමින් පවතින ශ්රී ලංකාවේ සෞඛ්‍ය සේවා ක්ෂේත‍‍්‍රයට නායකත්වය දෙන හේමාස් රෝහලේ අලූත්ම හඳුන්වාදීම හේමාස් හෙල්ත් ප්ලස් ( Hemas Health P
කසිප්පු තිප්පොළේ සිටියාට අමුතුම තාලේ දඬුවමක්
සොනික් Thursday, 21 June 2012 12:03 PM
පොලිස් මාමලට පුළුවං පොඩි අය අල්ලන්න විතරයි නේද???
ගාමිණී Tuesday, 19 June 2012 01:42 PM
කසිප්පු නරකම නෑ . නමුත් ඒක බොන විදියෙත් පිළිවලක් තියෙනවා.
වසන්ත රත්නායක Tuesday, 19 June 2012 02:12 PM
"මෙහෙයුම අතහැර දැමූ පොලිසියේ පිරිස ගියේ කසිප්පු මුදලාලිගේ ඉතුරු බඩුත් සමඟය." කියා අවසන් කලානම් කතාව තවත් තාත්වික වෙනන තිබුනා.
රැවන් Tuesday, 19 June 2012 03:06 PM
පොරමොලගෙ කතාව සහතික ඇත්ත.. අපේ පොලිසිය ඕත්තුව දීපු නිසා එන්න ඇති කුට්ටිය ලැබුණු නිසා යන්න ඇති..
රැවන් Tuesday, 19 June 2012 03:45 PM
පෙරමොලාගෙ කතාව සහතික ඇත්ත.. අපේ පොලිසිය ඔත්තුව ලැබුණ නිසා එන්න ඇති...
හසි Thursday, 21 June 2012 07:23 PM
මේ කතාවනම් ඇත්ත එකක් වගේ....
පොතේගුරා Tuesday, 19 June 2012 03:47 PM
පොලීසියේ ස්ථානෝචිත ප්‍රඥාවනම් හරි ඉහලයි වගේ...
කින් බානට් Wednesday, 20 June 2012 11:25 PM
අපරාදේ මට දුක ජීප් එකේ පෙට්රෝල් ටික නිකම්ම පිච්චිලා ගිය එක ගැනයි .......
චූටී Tuesday, 19 June 2012 10:51 AM
එල ..එල..
සල්ස් Tuesday, 19 June 2012 04:28 PM
මෙලෝ රහක් නැති වැඩක් කරල තියෙන්නේ....ලැජ්ජාවේ බෑ...
තරු ඩුබායි Tuesday, 19 June 2012 10:13 AM
කොහොම හරි පොලිසියත් දඬුවමින් භාගයක් විඳලා වගේ
පවිත්‍රා Tuesday, 19 June 2012 10:30 AM
මේකෙදි කරන්න තිබුණේ පොලිසියේ කට්ටිය දෙකට බෙදිලා ඉන්න එකනේ
අමිල කටුනායක Tuesday, 19 June 2012 11:11 AM
මම හිතුවෙ කරැවලේ ඔත්තු දුන්න අයියල මාට්ටු කියලා..
විජේබන්ඩාර Tuesday, 19 June 2012 10:32 AM
මගේ වෙරි හිදුනා..
අමිල කටුනායත Tuesday, 19 June 2012 10:47 AM
විජේ බණ්ඩියො හොද වැඩේ මාව එක්ක නොගියට..
තරු ඩුබායි Tuesday, 19 June 2012 05:36 PM
වැඩේ කියන්නේ මෙතන හිටපු ඔක්කොම පීනන්න දන්නවා, පොලිස් මාමලා ඇරෙන්න.
චන්ද්‍ර Tuesday, 19 June 2012 10:58 AM
දීපු දඩුවම කොයි තරම් සුන්දරද ..හොද හිත් තියෙන පොළිසියෙ මහත්තුරු ටිකක්... දැන් කාලෙ අහන්න තියෙන එව්වගේ හැටියට..
කිරි පණුවා Wednesday, 20 June 2012 09:16 AM
තව ටික දවසක් කෝල් එක එනකල් ඉන්න දුන්නා.කෝල් එක ආවා.බඩු ටික ගත්තා.මාරුවුණා.වැඩේ ක්ලෝස්
චන්ද්‍ර Tuesday, 19 June 2012 11:40 AM
දීපු දඩුවම කොයි තරම් සුන්දරද ..හොද හිත් තියෙන පොළිසියෙ මහත්තුරු ටිකක්... දැන් කාලෙ අහන්න තියෙන ඒවගේ හැටියට..
කරනේරිස් ගොයියා Wednesday, 20 June 2012 08:42 AM
දියේ ගිලිලා එක කසිප්පු කාරයෙක්වත් මැරුණා නම් බලා ගන්න තිබුණා.ආදාහනය දවසේ පෙළපාලි, ජනරැලි
සක්කරවට්ටම Tuesday, 19 June 2012 06:11 PM
වතුරෙ යන මාමලට නාවික හමුදාව නෙ.. පොලිසියෙ මමල ගොඩ යන මමල නෙ..
වරුණ Tuesday, 19 June 2012 11:18 AM
ආණ්ඩුවේ ලයිසන් අරක්කු බොන්න සල්ලි නැති නිසා සිය රට දේ සිරි සැප දේ කියලා මේවා බොන්න යන්න ඇති
සකලබුජං Tuesday, 19 June 2012 06:14 PM
පෙරිය දොරේ එපා... පීනනවා.. පුදුමයි දුර්ඝණ්ධය ඇවිස්සෙන එකත්..
මුදියන්සේ Tuesday, 19 June 2012 12:05 PM
අනේ පව් සීතල වැඩිනිසා රත්වෙනජාතියක් ගේන්න රාළහාමිලා යන්න ඇත්තෙ හෙට අනිද්දට පත්තරේ දාලා තියෙයි ඔත්තුකරුවන්ට මුදලාලිගෙ උන් තර්ජනය කරනවා කියලා
හොඳ ළමයා Tuesday, 19 June 2012 06:34 PM
අපරාදේ මේ කට්ටිය ඔලිම්පික් යවන්න තිබ්බා, පැය දෙකක් එක දිකට පීනන්න ලංකාවේ පිහිනුම් කණ්ඩායමටවත් බැරුව ඇති. සමහරවිට කසිප්පු බිව්වහම හොඳ හොඳට පීනන්න පුලුවන්ද දන්නේ න. අර සූර පප්පල මොකක්ද එක බිව්වහම වගේ. හික් හික්
ගිරිගෝරිස් Tuesday, 19 June 2012 11:49 AM
තාමත් අත් දෙකට තෙල් ගානවා ඇති
පොරමොලා Tuesday, 19 June 2012 12:00 PM
එක්කො මේක සදහටම නැති කරල දාන්න ඕන.නැත්නම් මේක නීත්ය්‍යනුකූල කරල රාජ්ය්‍ය අනුග්‍රහය ලබා දෙන්න ඕන නිසි ප්‍රමිතියකට අනුව නිශ්පාදනය කරන්න. පොලීසියට ඉතින් අල්ල ගන්න බැරි උන එක කියන් නෑ. වැව වටේ දුව දුව හිටියට වැඩක් උන් නෑනෙ.ඔය වැව වටේ දුව දුව ඉදපු වෙලාවෙ එක තැනකට වෙලා වැවට බිලී පිත්තක් දාගෙන හිටියානම් අඩු ගානෙ තිත්ත පැටියෙක් හරි අල්ල ගන්න තිබුනා පොලිස් මාමලාට.
සජී Tuesday, 19 June 2012 12:02 PM
මට යංතං වගේ මතකයි පොඩි කාලේ මේ වගේ කාටුන් එකක් බැලුවා...
සෞදි කොල්ලා Tuesday, 19 June 2012 07:35 PM
හොද වෙලාවට මම ඔකන හිටියෙ නැත්තෙ.. හිටියනම් එහෙම මම අහුවෙනවා.. මොකද මට පීනන්න බැහැනෙ...
රජික මංජුල Tuesday, 19 June 2012 07:15 PM
ශ්රී ලංකාවෙ අල්ලන සෙල්ලම් කරන පොලිසිය....
රුවන් Tuesday, 19 June 2012 12:31 PM
පොලිස් බාප්පලාම තමයි නීති විරෝධී ක්‍රියා වලට අනුබල දෙන්නේ.නීතිය රකින්න ඉන්න අය ඒක හරියට කරනවා නම් මෙවැනි දේ පහසුවෙන් නතර කර ගත හැකියි
ලලිත් සමරකෝන් Tuesday, 19 June 2012 01:48 PM
මේ මොනවගේ පොලිසියක්ද?? ශ්රී ලංකාවෙ...??
සංජීව Tuesday, 19 June 2012 08:28 PM
මේක හොද දඩුවමක් ඔවුන්ට...