ආරක්ෂක නිලධාරියාගේ නිල ඇඳුම උම්මන්තකයකු හොරෙන් ඇඳගෙන

මේ දිනවල සෑම පෞද්ගලික ආරක්ෂක ආයතනයකම නිලධාරි හිඟයක් ඇත. පසුගිය දිනක පෞද්ගලික ආරක්ෂක ආයතනයකට උත්සවයක් සඳහා අතිරේක නිලධාරීන් අවශ්‍ය විය. ආයතනයේ නිලධාරියෙක් තම යතුරුපැදියෙන් ගොස් අතිරේක ආරක්‍ෂක නිලධාරින් කිහිපදෙනකු රැස් කරන්නට විය. එක් අයකු මදිවූ නිසා නිවාඩු ලබාගෙන නිවසේ සිටි ආරක්ෂක නිලධාරියෙකුට දුරකතනයෙක් කතා කළ නිලධාරියා අත්‍යවශ්‍ය කටයුත්තක් සඳහා සූදානම් වී සිටින ලෙස දැන්වීය. පැය බාගයකින් නිලධාරියා ආරක්ෂක නිලධාරියාව රැගෙන යෑමට යතුරුපැදියෙන් පැමිණියේය. ඔහුට දක්නට ලැබුණේ නිළ ඇඳුම පිටින්ම ආරක්ෂක නිලධාරියා පාර දිගේ යන බවය. ඔහු පසුපස ගොස් යතුරුපැදිය නැවැත්වූ නිලධාරියා ”පුතා, නැගපන් නැගපන්” යැයි කීය. හෙල්මටය ගත් ආරක්ෂක නිලධාරියාද යතුරුපැදියේ පසුපස වාඩිවිය. අතරමගදී නිලධාරියාගේ දුරකථනයට ඇමතුමක් ලැබිණි. එයට පිළිතුරු දෙන ගමන් යතුරුපැදිය නැවත්වූ නිලධාරියා පිටුපස බැලීය. ඔහු දුටුවේ හේලමටය අතට දමාගෙන නාඳුනන අයෙක් පිටුපස සිටිනා බවය. ”තමුසේ කව්දැයි” නිලධාරියා විමසීය. ”මම තමයි උඹේ බාප්පා” ආගන්තුකයාගේ පිළිතුර විය. මුහුණ පුරා රැවුල වවා සිටි එම පුද්ගලයාව මීට පෙරද පාරේ දැක පුරුදු මානසික ආබාධ සහිත පුද්ගලයෙක් බව නිලධාරියාට වැටහිණි. හෙල්මටය උදුරාගත් නිලධාරියා යතුරුපැදිය ආපසු හරවාගෙන හමුවිය යුතු ආරක්ෂක නිලධාරියා සොයා ගියේය. නිවසේ සිටි ආරකෂක නිලධාරියා, ”බලන්නකෝ සර්, වැලේ දාපු යුනිෆෝම් එක කව්දෝ හොරකම් කරලා”, ”ඒකයි සර්ට මං කෝල් කළේ” යැයි කීය. හරි හරි පරක්කු වුණා අපි යන්. මම අලූත් යුනිෆෝම් එකක් දෙන්නම්” නිලධාරියා පැවැසීය.

අදහස් (0)

ආරක්ෂක නිලධාරියාගේ නිල ඇඳුම උම්මන්තකයකු හොරෙන් ඇඳගෙන

චන්ද්‍රසිරි Monday, 26 November 2012 12:20 PM

අජිත්ගේ කතාව හරි (ස)

: 0 0

ඛාන් Tuesday, 27 November 2012 02:52 PM

ඒ මනුස්සයාට බෙහෙත් කරන්න (දී)

: 0 0

හේරත් Thursday, 29 November 2012 09:26 PM

මාර වැඩක්නේ වෙලා තියෙන්නේ (දී)

: 0 0

හේමන්ත Tuesday, 27 November 2012 04:31 PM

පව් අසරණ මනුස්සයා (දී)

: 0 0

දයානන්ද Monday, 26 November 2012 02:17 PM

පිස්සු ඩයල් එකක්නේ......අවුලක් නෑ.... චූටි ජොලියක් ගත්තා.....(ස)

: 0 0

සම්පත් Monday, 26 November 2012 07:59 PM

අසරණ මනුස්සයෙක්

: 0 0

සම්පත් Monday, 26 November 2012 08:06 PM

පව් අසරණ මනුස්සයෙක් (දී)

: 0 0

සමන් Monday, 26 November 2012 09:06 AM

අනේ අපොයි ...!!!අපිට කිතිකවන් තමයි හිනාවෙන්න වෙන්නේ ..!! (ස)

: 0 0

අරුණ Monday, 26 November 2012 03:21 PM

මටනම් හිනාත් යනවා

: 0 0

සාලිය Monday, 26 November 2012 09:16 PM

පිස්සෙක් කියන්න නිකන්ද ඉතින් (දී)

: 0 0

හේරත් Monday, 26 November 2012 09:55 AM

ඇති ඔයින් ගියා (ස)

: 0 0

සුදර්ශන Tuesday, 27 November 2012 11:47 AM

මිනිහා දවසකට හරි නිල ඇදුමක් ඇන්දා කියලා සතුටු වෙනවා ඇති (ස)

: 0 0

නිලන් Tuesday, 27 November 2012 12:15 PM

මම හිතන්නේ නිල ඇදුම් ඇඳගෙන ‍ගෙදර යන 1 ම රට ලංකාව වෙන්න ඇති (ස)

: 0 0

වරුණ Monday, 26 November 2012 11:03 AM

ආරක්ෂකයගේ යුනිෆෝම් එක ඇඳගත්තම පිස්සු මනුස්සයට ලෙඩක් හැදුනද දන්නේ නෑ. මොකද 1 නිල ඇදුම දවස් 3, 4 ක් ඇදන් රාජකාරී කරනවනේ (ස)

: 0 0

අජිත් Monday, 26 November 2012 11:11 AM

කවුරු උනහම මොකෝ , නිල ඇදුම ඇඳගෙන ගේට්ටුව ලඟ ඉන්නනේ තියෙන්නේ (ස)

: 0 0

ජෝසප් Monday, 26 November 2012 04:43 PM

උන්මත්තකයෙක් නම් රෝහල් ගත කරන්න

: 0 0