IMG-LOGO

2025 නොවැම්බර් මස 11 වන අඟහරුවාදා


අනියම් බිරියට උදව් කරන්න ගිහින් සැමියා බාල්දියක් පෙරළාගෙන

(කෑගල්ල අධිකරණ චමින් ද වැවතැන්න)
කොරෝනා ආසාදිතයකු ඇසුරු කළායි පවසා නිවසේ නිරෝධායනය වෙමින් සිටි අනියම් බිරියට වියළි ආහාර ද්‍රව්‍ය ගෙන යාමට සැරසෙද්දී බිරියගේ අතටම හසු වී ඇතැයි කියන පුද්ගලයකු සම්බන්ධයෙන් කෑගල්ල ප්‍රදේශයෙන් වාර්තා වෙයි.


වාර්තා වන අන්දමට සිද්ධිය මෙසේය.


කෑගල්ල ප්‍රදේශයේ පදිංචි අදාළ තිදරු පියා ලොරි රථ රියැදුරු රැකියාව කරන අතර බිරිය රඹුක්කන ප්‍රදේශයේ ඇඟලුම් ආයතනයක සේවය කරන්නීය.


මොවුන් දෙදෙනා රැකියා සඳහා ගොස් ආපසු සවස නිවසට පැමිණෙන තුරු දරු තිදෙනා බලා ගනු ලබන්නේ පියාගේ මව විසිනි.
මෙම තිදරු පියා කලක සිට ගම් කිහිපයකට එහා  පදිංචි සැමියා මියගිය එක් දරු කාන්තාවක සමග අනියම් සම්බන්ධතාවක් පවත්වාගෙන යයි. සම්බන්ධතාව කලක් බිරියට හොර රහසසේ පවත්වාගෙන ගිය ද වැඩි කාලයක් යන්නට පෙර බිරිය සැමියාගේ අනියම් සම්බන්ධතාව පිළිබඳ අසල්වැසි කාන්තාවක් මාර්ගයෙන් දැන ගත්තාය. දෙදෙනා අතර පසුව මත ගැටුම් පැවති අතර දරු තිදෙනාගේ නාමයෙන් සම්බන්ධතාව අත් හරින ලෙස කීප අවස්ථාවකදීම තරුණ සැමියාට බිරිය හා නැන්දම්මා කීවාය. ස්ථිරව අනියම් සම්බන්ධතාව නවත්වන බවට තරයේ ප්‍රකාශ කළ තිදරු පියා රහසිගතව සම්බන්ධතාව දිගින් දිගටම පවත්වාගෙන ගියේය.


මෙම අනියම් කාන්තාවට අවුරුදු 12 ගැහැනු දරුවකු සිටින අතර ඇගේ සැමියා කලකට ඉහත දී ගසකින් වැටී ජීවිතක්ෂයට පත්ව තිබුණි. තරමක් සුරූපී මෙම කාන්තාව කෑගල්ල ප්‍රදේශයේ වෙළෙඳ ආයතනයක සේවය කළාය.


මීට දින කිහිපයකට ඉහත දී අසල්වැසි නිවසක පදිංචි කොරෝනා ආසාදිතයකු නොදැන ඇසුරු කර ඇති හෙයින් දින 14 ක කාලයක් නිවසේ නිරෝධායනය වන ලෙස ඇයට මහජන සෞඛ්‍ය පරීක්ෂකවරයා විසින් දන්වනු ලැබ තිබේ. තමා නිරෝධායනය වන බව එක් දරු මව දුරකතනයෙන් අනියම් සැමියාට දැන්වූවාය.


සිය බිරිය වෙ​ෙළඳ සලට ගිය අවස්ථාවේ දී නිවසේ තිබූ ආහාර ද්‍රව්‍ය අනියම් කාන්තාවට දීම සඳහා සැමියා බෑගයකට දමමින් සිටියදී නොසිතු ලෙස පැමිණි බිරියට හොරය අතටම හසුවිය. මේ පිළිබඳව විමසද්දී දෙදෙනා අතර යළි මත ගැටුම් ඇති වන්නට වියැයි කියයි.

 



අදහස් (0)

අනියම් බිරියට උදව් කරන්න ගිහින් සැමියා බාල්දියක් පෙරළාගෙන

ඔබේ අදහස් එවන්න

 

 
 

මේවාටත් කැමතිවනු ඇති

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 515 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි 2025 ඔක්තෝබර් මස 08 2249 0
ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ 2025 ඔක්තෝබර් මස 01 1682 0
මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට

Our Group Site