කොරෝනා වයිරසය ආසාදනය වීම හේතුවෙන් රෝහල්ගතව ප්‍රතිකාර ලබමින් සිටි 23දෙනෙකු සුවය ලබා අද(07) පිටව ගිය බව වසංගත රෝග විද්‍යා අංශය පවසයි.

ඒ අනුව, සුවය ලැබූ සමස්ත රෝගීන් සංඛ්‍යාව 2564 දක්වා ඉහළ ගොස් තිබේ. මේ වනවිට 264දෙනෙක් රෝහල්වල තවදුරටත් ප්‍රතිකාර ලබමින් සිටිති.

සුවය ලබා පිටව ගිය පිරිස අතර, ජාතික බෝවන රෝග විද්‍යායතනයෙන් 5දෙනෙක්ද,  වැලිකන්ද මූලික රෝහලෙන් දෙදෙනෙක්ද, මුල්ලේරියාව මූලික රෝහලෙන් එක් අයෙක්ද, කාන්තන්කුඩි මූලික රෝහලෙන් 4දෙනෙක්ද, කන්දකාඩු ප්‍රතිකාර මධ්‍යස්ථානයෙන් 11දෙනෙක්ද වෙති.

ජාතික බෝවන රෝග විද්‍යායතනයෙන් පිටව ගිය පස්දෙනා අතර විදේශිකයෙක් ද වන බව වසංගත රෝග විද්‍යා ආයතනය සඳහන් කරයි.