එසැණ පුවත්

තඹ කම්හලේ සිද්ධියේ 10වන සැකකරු යළි රිමාන්ඩ්

තඹ කර්මාන්තශාලාවේ සිද්ධියට අදාළ 10 වන සැකකරු වූ රක්ෂිත බන්ධනාගාර ගත කර සිටි කරුපයියා රාංකේන්ජන් හෙවත් අබ්දුල්ලා නමැත්තා ලබන 30 වැනිදා දක්වා තවදුරටත් රක්ෂිත බන්ධනාගාර ගත කරන ලෙස කොළඹ අතිරේක මහේස්ත්‍රාත් ප්‍රියන්ත ලියනගේ මහතා අද(17) නියෝග කළේය.

17 May 2019

ෂරියා සරසවියට ගිය මාධ්‍යවේදීන් පැය 3ක් දොරටුව ළඟ

නැගෙනහිර පළාත් ආණ්ඩුකාර එම්.එල්.එම්. හිස්බුල්ලා මහතාගේ ප්‍රධානත්වයෙන් අද(17) පූනාහි පිහිටි ෂරියා විශ්වවිද්‍යාලයේ රැස්වීම වාර්තා කිරීමට ගිය මාධ්‍යවේදීන්ට ආණ්ඩුකාරවරයාගේ පෞද්ගලික ආරක්ෂකයකු ඊට ඇතුළත්වීමට ඉඩනොදීම නිසා ප්‍රධාන දොරටුව අසළ පැය කිහිපයක් රැඳී සිටීමට ඔවුන්ට සිදුවිය.

17 May 2019

බෝම්බකරුට අයත් තඹ කම්හලේ තවත් අයෙක් රිමාන්ඩ්

මරාගෙන මැරෙන බෝම්බකරුවක් වූ මොහොමඩ් ඉන්සාක් නම් ව්‍යාපාරිකයාට අයත් වැල්ලම්පිටිය තඹ කර්මාන්තශාලාවේ සේවය කළ තවත් පුද්ගලයකු වැල්ලම්පිටිය පොලිසිය අධිකරණයට ඉදිරිපත් කිරීමෙන් අනතුරුව ලබන 30 වැනිදා දක්වා රක්ෂිත බන්ධනාගාර ගතකරන ලෙස කොළඹ අතිරේක මහේස්ත්‍රාත් ප්‍රියන්ත ලියනගේ මහතා අද(17) නියෝග කළේය.

17 May 2019

නල්ලූර් කෝවිලේ ආරක්ෂාව තර කෙරේ

යාපනය ‍නල්ලූර් කෝවිලට බෝම්බ ප්‍රහාරයක් එල්ල කරන බවට ලද නිර්නාමික ලිපියක් හේතුවෙන් අද(17) කෝවිල අවට ප්‍රදේශය වෙත දැඩි ආරක්ෂාවක් යෙදවූ බව යාපනය ආරක්ෂක අංශ කියයි.

17 May 2019

ඇමෙරිකාවේ ප්‍රහාර කරන්න සැලසුම් කළ අයෙක් අධිකරණයෙන් වරදකරු කරයි

ඇමෙරිකාව තුළ ප්‍රහාර එල්ල කිරීමට සැලසුම් කිරීමේ චෝදනාවකට ලක්ව සිටි පුද්ගලයකු ඇමෙරිකානු ෆෙඩරල් අධිකරණයක් විසින් වරදකරුවකු කරනු ලැබිණි.

17 May 2019

ජමාත් සමඟ සබඳතා පැවැත්වූ විදුහල්පතිවරයකු - ගුරුවරයකු අත්අඩංගුවට

ඉකුත් 21 දා සිදු වූ ත්‍රස්තවාදී ප්‍රහාරයෙන් මියගිය බෝම්බකරුවෙක් සමඟ සමීප සබඳතා පැවැත්වූ තවුහීත් ජමාත් සංවිධානයේ ප්‍රබල සාමාජිකයන් දෙදෙනකු බව කියන හොරොව්පොතාන වීරසොලෙ විදුහලේ විදුහල්පතිවරයා සහ හොරොව්පොතාන ඇටවීරවැව විදුහලේ ගුරුවරයකු අත්අඩංගුවට ගත් බව හොරොව්පොතාන පොලිසිය කියයි.

17 May 2019

තිලක් ඇමෙරිකානු රාජ්‍ය ලේකම් හමුවෙයි

ඇමෙරිකා එක්සත් ජනපදයේ නිල සංචාරයක නිරත වී සිටින විදේශ කටයුතු අමාත්‍ය තිලක් මාරපන මහතා ඇමෙරිකානු රාජ්‍ය ලේකම් මයික් පොම්පෙඕ මහතා හමුවිය.

17 May 2019

සහරාන්ගේ පුහුණු තිප්පොළක් අරුප්පලින් අල්ලයි

ජාතික තවුහීත් ජමාත් සංවිධානයේ ප්‍රබල සාමාජිකයින් පුහුණු කඳවුරක් ලෙස භාවිත කළ බව කියන මහනුවර, අරුප්පල ප්‍රදේශයේ දෙමහල් නිවසක් ආරක්ෂක අංශ විසින් ඊයේ (16) සොයාගනු ලැබීය.

17 May 2019

මන්ත්‍රී විශ්‍රාම වැටුප 15,000 කින් නංවන්න කැබිනට් යෝජනාවක්

සියලුම විශ්‍රාමික පාර්ලිමේන්තු මන්ත්‍රීවරුන්ට හා විශ්‍රාමික මන්ත්‍රීවරුන්ගේ වැන්දඹුවන්ට තවත් රුපියල් 15,000ක දීමනාවක් ගෙවීමට අනුමැතිය ඉල්ලා අමාත්‍ය මණ්ඩලයට කැබිනට් පත්‍රිකාවක් ඉදිරිපත් කර තිබෙන බව රජයේ ආරංචි මාර්ගවලින් පැවැසේ.

17 May 2019

කල්පිටියේ ඩ්‍රෝන කැමරාවක් සැරිසරයි

කල්පිටිය අහසේ අද(17) අලුයම 1.00ට පමණ ඩ්‍රෝන කැමරාවක් බදු සැකකටයුතු යානාවක් සැරිසැරූ බවත්, මේ පිළිබඳව ශ්‍රී ලංකා ගුවන් හමුදාව දැනුවත් කළ බවත් පුත්තලම පොලිසිය පවසයි.

17 May 2019

අයිසීස් ත්‍රස්තයන් නවදෙනෙකු ඝාතනය කෙරේ

පකිස්ථාන ආරක්ෂක අංශ විසින් නිරිතදිග ක්වෙටාහිදී අයිසීස් ත්‍රස්තවාදීන් නවදෙනෙකු ඝාතනය කර ඇත.

16 May 2019

ජාතික වෙසක් උත්සවය සමරන්න සියල්ල සූදානම්

මෙවර ජාතික වෙසක් උත්සවය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් හික්කඩුව තෙල්වත්ත රත්පත් රජමහා විහාරස්ථානයේදී හෙට (17) ආරම්භ කිරීමට සියලු කටයුතු සංවිධානය කර අවසන් බව බුද්ධ ශාසන ඇමති ගාමිණි ජයවික්‍රම පෙරේරා මහතා අද (16) පැවසීය.

16 May 2019

මධුෂ් සඟවා තිබූ ආයුධ වැලිවේරියෙන් සොයාගනී

අපරාධ පරීක්ෂණ දෙපාර්තමේන්තුව බාරයේ රඳවා සිටින මාකඳුරේ මධුෂ් සඟවා තිබූ බව කියන අවි ආයුධ කිහිපයක් ගම්පහ වැලිවේරිය ප්‍රදේශයේ දී අද (16) සොයා ගත් බව පොලිස් ආරංචි මාර්ග කියයි.

16 May 2019

හැඳුනුම්පත් දෙකක් සමඟ කාන්තාවක් අත්අඩංගුවට

පුත්තලම ප්‍රාදේශීය ලේකම් කාර්යාලයේ ආරක්ෂක රාජකාරිවල නිරතව සිටි ආරක්ෂක නිලධාරීන් එම කාර්යාලයට පැමිණි කාන්තාවක් සන්තකයේ තිබී ජාතික හැඳුනුම්පත් දෙකක් සොයා ගෙන ඇති බව පුත්තලම පොලිසිය කියයි.

16 May 2019

‘‘පාස්කු ප්‍රහාරය වළක්වා ගන්න නොහැකි වූයේ අගමැතිගෙත් - ජනපතිගෙත් වරදින්‘‘

ප්‍රහාරය එල්ල වන්නේ කවදාද කවුරුන් විසින්ද කෙසේද යනාදි තොරතුරු සියල්ල ලැබී තිබියදී අප්‍රේල් 21 ප්‍රහාරය වළක්වා ගැනීමට නොහැකි වූයේ අගමැතිගේත්, ජනාධිපතිගේත් වරදින් බවත් ඒ නිසා මේ ප්‍රහාරයේ ප්‍රධාන අපරාධකරුවන් ඔවුන් බවත් ජනතා විමුක්ති පෙරමුණේ නායක අනුර කුමාර දිසානායක මහතා පැවැසීය.

16 May 2019

ඇමැති රිෂාඩ් හමුදාපතිගෙන් උදව් ඉල්ලයි

පාස්කු ඉරිදා බෝම්බ ප‍්‍රහාර එල්ල කිරීමේ සිද්ධියෙන් පසු යුද හමුදාව දෙහිවල ප‍්‍රදේශයේදී අත්අඩංගුවට ගත් සැකකරුවකු සම්බන්ධයෙන් අමාත්‍ය රිෂාඩ් බදියුදීන් මහතා තමාගෙන් අවස්ථා දෙකකදී කරුණු විමසා උදව්වක් ඉල්ලු බව යුද හමුදාපති ලුතිනන් ජෙනරාල් මහේෂ් සේනානායක මහතා අද (16) කොළඹ පැවති ප‍්‍රවෘත්ති සාකච්ඡාවකදී පැවසීය.

16 May 2019

තව්හීත් ජමාත් සංවිධානයට සම්බන්ධ අයෙක් සීඩී 30 ක් සමඟ අත්අඩංගුවට

ශ්‍රී ලංකා තවුහීත් ජමාත් සංවිධානයේ දර්ශන ඇතුළත් සංයුක්ත තැටි (සී.ඩී. පට) 30ක් සමඟ සැකපිට මාතලේ රෝහලේ කනිෂ්ඨ සේවකයකු අද (16) අත්අඩංගුවට ගත් බව මාතලේ රෝහල් පොලිසිය කියයි.

16 May 2019

බෝම්බයක් පුපුරණ බවට ඇමතුමක් දුන් ජපුර සිසුවා රිමාන්ඩ්

ශ්‍රී ජයවර්ධනපුර විශ්වවිද්‍යාලය තුළ බෝම්බ පිපිරීම් මාලාවක් සිදුවන බවට උප කුලපතිවරයාට නිර්නාමික දුරකතන ඇමතුමක් ලබාදීම සම්බන්ධයෙන් අත්අඩංගුවට ගත් සරසවි සිසුවා නුගේගොඩ අධිකරණය වෙත ඉදිරිපත් කිරීමෙන් අනතුරුව මෙම මස 21 වැනිදා තෙක් රක්ෂිත බන්ධනාගාර ගතකරන ලෙස අතිරේක මහේස්ත්‍රාත් හරිස් පැල්පොල මහතා නියෝග කළේය.

16 May 2019

වැලිගම නගරාධිපතිට එරෙහිව විනය පියවර ගන්නැයි ඉල්ලීමක්

පක්ෂ නායකත්වය විවේචනය කිරීම සම්බන්ධයෙන් වැලිගම නගරාධිපති රොහාන් විජේරත්න මහතාට එරෙහිව විනය පියවර ගන්නැයි නගරාධිපතිවරුන් ලිඛිතව ඉල්ලීම් කර ඇතැයි එක්සත් ජාතික පක්ෂ මහ ලේකම් අධ්‍යාපන අමාත්‍ය අකිල විරාජ් කාරියවසම් මහතා පැවැසීය.

16 May 2019

ජාතිවාදී කඩාකප්පල්කාරී ක්‍රියා කුමන්ත්‍රණයක්

පාස්කු ඉරිදා සිදු වූ ත්‍රස්ත්‍ර ප්‍රහාරයෙන් දින 21 කට පසුව ඇති වූ ජාතිවාදී කඩාකප්පල්කාරී ක්‍රියා පිටුපස සැළසුම් සහගත කුමන්ත්‍රණයක් ඇති බවට සැක මතුවන බව කතානායක කරූ ජයසුරිය මහතා අද (16) පැවැසීය.

16 May 2019

දුම්රිය බහාලුම් ප්‍රවාහන ගැල් 10 ක් ආනයනය කරයි

දුම්රිය බහලුම් ප්‍රවාහන ගැල් 10 ක් අද (16) මෙරටට ආනයනය කළ බව ප්‍රවාහන හා සිවිල් ගුවන්සේවා අමාත්‍යාංශය පවසයි.

16 May 2019

ඖෂධ 60 ක මිල ඉහළ දමයි

මීට ඉහතදී මිල අඩුකර තිබූ ඖෂධ වර්ග 60 ක මිල ඊයේ (15) රාත්‍රියේ සිට වැඩිකර තිබේ.

16 May 2019

වන්දි ඉල්ලා මහින්දානන්ද ගොනු කළ පෙත්සම් විභාගය 31 වැනිදා

අසත්‍ය චෝදනා ඉදිරිපත් කර රිමාන්ඩ් බන්ධනාගාරගත කිරීම නිසා සිදුවූ අපහාසයට මූල්‍ය අපරාධ විමර්ශන කොට්ඨාසය බාර ජ්‍යෙෂ්ඨ නියෝජ්‍ය පොලිස්පති රවී වෛද්‍යලංකාර හා එම කොට්ඨාසයේ ස්ථානාධිපතිවරයාගෙන් රුපියල් කෝටි 5 බැගින් වන්දි අය කර දෙන ලෙස ඉල්ලා හිටපු ක‍්‍රීඩා අමාත්‍ය සහ පාර්ලිමේන්තු මන්ත‍්‍රී මහින්දානන්ද අලුත්ගමගේ මහතා විසින් ගොනුකළ නඩුව ලබන 31 වැනිදා කැඳවීමට කොළඹ දිසා අධිකරණය අද (16) තීන්දු කළේය.

16 May 2019

බැටිකලෝ කැම්පස් ප්‍රයිවට් ලිමිටඩ් කොළේ වහලා

නැගෙනහිර පළාතේ පුනානිහි ඉදිවෙමින් පවතින ආන්දෝලනයට තුඩු දී ඇති බැටිකලෝ කැම්පස් ප්‍රයිවට් ලිමිටඩ් ආයතනය තමන් සම්බන්ධයෙන් රාජ්‍ය ආයතනවලට ප්‍රදානය කර ඇත්තේ එකිනෙකට වෙනස් තොරතුරු යැයි විශ්වවිද්‍යාල ප්‍රතිපාදන කොමිසමේ නිලධාරියෙක් ‘ලංකාදීප’ යට පැවසීය.

16 May 2019

වෙසක් පෝදා රැඳවියන් 762 දෙනෙකුට ජනපති පොදු සමාව

වෙසක් පෝය නිමිත්තෙන් ජනපති පොදු සමාව යටතේ රැඳවියන් 762 දෙනෙකු නිදහස් කිරිමට තීරණය කර ඇති බව අධිකරණ හා බන්ධනාගාර ප්‍රතිසංස්කරණ අමාත්‍යංශය පවසයි.

16 May 2019

නීතීඥවරු 217 ක් මහ සභා රැස්වීමක් ඉල්ලති

නීතියේ ආධිපත්‍යය බරපතල කඩාවැටීමකට හෝ අවදානමකට ලක්ව ඇති බැවින් එකී තත්ත්වය මඟ හරවා ගැනීමට අවශ්‍ය මඟ පෙන්වීම් ලබා දීම සඳහා ශ්‍රී ලංකා නීතීඥ සංගමයේ විශේෂ මහ සභා රැස්වීමක් කැඳවන්නැයි නීතීඥවරුන් 217 කගේ අත්සනින් යුතු යෝජනාවක් ශ්‍රී ලංකා නීතීඥ සංගමයේ ලේකම් කෞෂල්‍ය නවරත්න මහතා වෙත අද (16) බාර දී ඇත.

16 May 2019

රටේ සාමය ආරක්ෂා කරන්නැයි යුරෝපා සංගමයෙන් නිවේදනයක්

ජනවර්ග අතර අවබෝධය සහ සාමය ප‍්‍රවර්ධනය කිරීම සඳහා සෑම උත්සාහයක්ම ගන්නා ලෙසත් සියලූම දේශපාලනික, ආගමික සහ වෙනත් ප‍්‍රජා නායකයන්ගෙන් ඉල්ලා සිටින්නේ යැයි යුරෝපා සංගමය අද (16) නිවේදනයක් නිකුත් කරමින් පැවසීය.

16 May 2019

විපතට පත්වූවෝ වන්දි උත්සවය වර්ජනය කරති

කටුවාපිටිය දේවස්ථානයේ මරාගෙන මැරෙන බෝම්බ ප්‍රහාරයෙන් විපතට පත්වූවන්ට වන්දිගෙවීම සඳහා අද(16) මීගමුවේ කාදිනල් කුරේ මධ්‍යස්ථානයේදී පැවැත්වූ උත්සවයේදී, මාධ්‍ය කැඳවා ප්‍රචාරණාත්මක වාසි සහ දේශපාලන වාසි ලබාගැනීමට උත්සාහ කළේ යැයි විරෝධය පළකරමින් වන්දිලාභීහු පිරිසක් වන්දිගෙවීමේ උත්සවය වර්ජනය කර පිටව ගියහ.

16 May 2019