එසැණ පුවත්

පෙරටුගාමී පෙළපාළියට ඕනෑ වුණොත් පොලිස් බලය යොදවන්න’යි නියෝග

පෙරටුගාමී පක්ෂය පිටකොටුව බෝධිය අසල පැවැත්වීමට සංවිධානය කරන ලද පෙළපාලිය සහ උද්ඝෝෂණය සාමකාමීව සිදුකරන ලෙසත් අවශ්‍ය වුවහොත් පොලිස් බලතල භාවිතා කරන ලෙසත් කොළඹ අතිරේක මහේස්ත්‍රාත් ශලිනි පෙරේරා මහත්මිය අද (15) පිටකොටුව පොලිසියට නියෝග කළාය.

15 May 2019

සඳුදා රජයේ නිවාඩු දිනයක් කරයි

වෙසක් පුර පසළොස්වක පොහොය දිනය සෙනසුරාදා (18) දින යෙදී තිබීමත් පොහොයට පසු දින නිවාඩු දිනය (19) ඉරිදා දිනයක් වීමත් හේතුවෙන් මැයි මස 20 වැනි සඳුදා දින රජයේ නිවාඩු දිනයක් කිරීමට ජනාධිපති මෛත්‍රීපාල සිරිසේන මහතාගේ සහ අග්‍රාමාත්‍ය රනිල් වික්‍රමසිංහ මහතාගේ උපදෙස් මත තීරණය කළ බව අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය වජිර අබේවර්ධන මහතා පවසයි.

15 May 2019

පොලිස් අධිකාරීවරු 3කට ස්ථාන මාරු

කුලියාපිටිය කොට්ඨාස බාර පොලිස් අධිකාරීවරයා ඇතුළු පොලිස් අධිකාරීවරුන් තිදෙනෙකුට වහා ක්‍රියාත්මක වන පරිදි ජාතික පොලිස් කොමිසමේ අනුමැතියට යටත්ව ස්ථානමාරුවීම් ලබා දී ඇතැයි පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පැවසීය.

15 May 2019

ත්‍රස්ත විමර්ශන කොට්ඨාසය සීඅයිඩීය බාරයට

මේවනවිට පොලිස්පති යටතේ පවතින ත්‍රස්තවාදී විමර්ශන කොට්ඨාසය, ජ්‍යෙෂ්ඨ නියෝජ්‍ය පොලිස්පති යටතේ පවතින අපරාධ පරීක්ෂණ දෙපාර්තමේන්තුවේ සෘජු අධීක්ෂණයට යටත් කර ඇතැයි පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පැවසීය.

15 May 2019

විෂ ආඝ්‍රහණය වී දරුවන් 5 ක් අසාත්මිකතාවට පත් කළැයි කම්කරුවකු රිමාන්ඩ්

කොළඹ කුරුදුවත්තේ පිහිනුම් තටාකයක් ඉදිකිරීමේ දී රසායනික ද්‍රව්‍ය මිශ්‍ර වීමෙන් විෂ ආඝ්‍රහණය වී දරුවන් පස්දෙනෙකු ආසාත්මිකතාවයකට පත්වූ බව කියන සිද්ධියකට අදාළව එහි කම්කරුවකු මැයි 27 තෙක් රක්ෂිත බන්ධානාගාර ගත කිරීමට කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය අද(15) නියෝග කළාය.

15 May 2019

නාමල් කුමාර සීඅයිඩීයට බාරදෙයි

පොලිස් අත්අඩංගුවට පත්ව සිටි දුෂණ විරෝධී බළකායේ මෙහෙයුම් අධ්‍යක්ෂ නාමල් කුමාර අපරාධ පරීක්ෂණ දෙපාර්තමේන්තුවට බාර දුන් බව පොලිස් ආරංචි මාර්ග පවසයි.

15 May 2019

ලක්ෂ 50ක හෙරොයින් සමඟ අයෙක් අල්ලයි

මට්ටක්කුලිය සමිතපුර ප්‍රදේශයේදී ලක්ෂ 50කට අධික හෙරොයින් මත්කුඩු තොගයක් සමඟ පුද්ගලයකු අද(15) අත්අඩංගුවට ගත් බව මට්ටක්කුලිය පොලිසිය කියයි.

15 May 2019

අනවසර ආගමික මධ්‍යස්ථානය ඉවත්කිරීමේ යෝජනාව සම්මතයි

අගලවත්ත නගරයේ අනවසරයෙන් පවත්වාගෙන යන මුස්ලිම් ආගමික මධ්‍යස්ථානයක් එම ස්ථානයෙන් ඉවත්කිරීමට අගලවත්ත ප්‍රාදේශීය සභාවේ විපක්ෂ නායක ප්‍රියන්ත විජේසිංහ මහතා (ස්වාධීන) ප්‍රාදේශීය සභාවට ගෙන ආ යෝජනාවක් සියලු මන්ත්‍රීවරු ඒකමතිකව සම්මත කළහ.

15 May 2019

කොස්වත්තේ සිද්ධියට 31 ක් අත්අඩංගුවට

කොස්වත්ත පොලිස් වසම තුළ පසුගිය දිනවල ඇතිවූ ගැටුම්කාරී සිද්ධීන්ට සම්බන්ධව ප්‍රශ්නකිරීම පිණිස අද (15) උදෑසන වනවිට පුද්ගලයින් 31 දෙනෙකු අත්අඩංගුවට ගත් බව පොලිසිය කියයි.

15 May 2019

පුද්ගලයන් 22 ක් අත්අඩංගුවට ගැනීමත් සමඟ කොට්ටරාමුල්ල උණුසුම් වෙයි

කොස්වත්ත කොට්ටරාමුල්ල මොරකැලේ ප්‍රදේශයේදී ඊයේ දෙපිරිසක් අතර ඇතිවූ ගැටුමට සැකපිට පුද්ගලයන් 22 දෙදෙනෙකු අද (14) අත්අඩංගුවට ගැනීමත් සමඟ කොස්වත්ත ප්‍රදේශයේ උණුසුම්කාරී තත්වයක් ඇති වූ බව පොලිසිය කියයි.

14 May 2019

කුරුණෑගලට - හෙට්ටිපොළට විශේෂ පොලිස් කණ්ඩායම් කිහිපයක්

කුරුණෑගලට සහ හෙට්ටිපොළ යන ප‍්‍රදේශ වල සිටින පොලිස් නිලධාරීන්ට අමතරව තවත් විශේෂ පොලිස් කණ්ඩායම් කිහිපයක් පොලිස් මූලස්ථාන විසින් අනුයුක්ත කර ඇති බව පොලිස් මාධ්‍ය ප‍්‍රකාශක පොලිස් අධිකාරී රුවන් ගුණසේකර මහතා පැවසීය.

14 May 2019

වයඹ - මිනුවන්ගොඩ ගැටුම් වලට සම්බන්ධ 76 ක් අත්අඩංගුවට

වයඹ පළාතේ ප‍්‍රදේශ කිහිපයක සහ ගම්පහ මිනුවන්ගොඩ ප‍්‍රදේශයේ සිදු වූ නොසන්සුන්කාරී සිද්ධීන් වලට සම්බන්ධ සැකකරුවන් 76 දෙනෙකු අද (14) වනවිට අත්අඩංගුවට ගෙන ඇති බව පොලිසිය කියයි.

14 May 2019

වැල්ලම්පිටිය පොලිස්ථානාධිපති සහරාන් කල්ලියට ඇප දීමේ ඇත්ත කතාව කියයි

පාස්කු ඉරිදා ත්‍රස්ත ප්‍රහාරයේ මරාගෙන මැරෙන බෝම්බකරුවකු වූ ඉන්සාෆ් අහමඩ් නැමැත්තාට අයත් වැල්ලම්පිටියේ පිහිටි තඹ කම්හලේ සේවය කරමින් සිටියදී සැකපිට අත්අඩංගුවට ගත් පුද්ගලයන් නවදෙනකුට අලුත්කඩේ අංක දෙක උසාවියේ මහෙස්ත්‍රාත් ප්‍රියන්ත ලියනගේ මහතා පොලිස් විරෝධය නොතකා ඇප ලබා දුන් බවටත්, එය නඩු වාර්තාවේ සඳහන් කර නොමැති බවටත් චෝදනා කරමින් වැල්ලම්පිටිය පොලිස් ස්ථානාධිපති ප්‍රධාන පොලිස් පරීක්ෂක ගාමිණී හේවාවිතාන මහතා අධිකරණ සේවා කොමිසමට පැමිණිල්ලක් කර ඇත.

14 May 2019

වීසා නැතිව සිටි බංගලාදේශ ජාතිකයෝ 12 ක් අත්අඩංගුවට

ව්‍යාජ වීසා උපයෝගී කරගනිමින් මෙරට සපත්තු කම්හලක සේවය කළ බංගලාදේශ ජාතිකයන් 12 දෙනෙකු ආගමන විගමන දෙපාර්තමේන්තුවේ විමර්ශන ඒකකයේ නිලධාරීන් විසින් අද (14) අත්අඩංගුවට ගන්නා ලදී.

14 May 2019

චීනයෙන් කෝටි 260 ක මුල්‍ය පරිත්‍යාගයක්

ශ්‍රී ලංකාවේ ඇති වී තිබෙන ආරක්ෂක තත්ත්වය සැලකිල්ලට ගනිමින් ජනාධිපති මෛත්‍රීපාල සිරිසේන මහතාගේ ඉල්ලීම පරිදි රුපියල් කෝටි 260ක මූල්‍ය පරිත්‍යාගයක් කිරීමට චීන රජය එකඟතාව පළ කර ඇත.

14 May 2019

පුපුරණ ද්‍රව්‍ය ළඟ තබා ගත් අයෙක් අත්අඩංගුවට

නීතිවිරෝධි ලෙස පුපුරණ ද්‍රව්‍ය ලඟ තබාගත් හම්බන්තොට උඩමලල ප්‍රදේශයේ පුද්ගලයෙක් අද (14) අත්අඩංගුවට ගත් බව හම්බන්තොට පොලීසිය කියයි.

14 May 2019

ත්‍රස්තවාදය වැළැක්වීමට ගෙන ආ යුතු නීති පිළිබඳව ශ්‍රීලනිපයෙන් යෝජනා 11ක්

ත‍්‍රස්තවාදය හා අන්තවාදය මුලිනුපුටා දැමීම සඳහා ගෙන ආ යුතු නීති රීති පිළිබඳ යෝජනා 11ක් ශ්‍රී ලංකා නිදහස් පක්‍ෂ මන්ත‍්‍රී කණ්ඩායම විසින් පාර්ලිමේන්තුවේ ජාතික ආරක්‍ෂාව පිළිබඳ ආංශික අධීක්‍ෂණ කමිටුවේ සභාපති මලිත් ජයතිලක මන්ත‍්‍රීවරයා වෙත අද (14) බාරදී තිබේ.

14 May 2019

මුස්ලිම් ව්‍යාපාරිකයකුට මරණීය තර්ජන කළ අයෙක් අත්අඩංගුවට

මොරටුමුල්ල මෝල්පේ ප්‍රදේශයේ මුස්ලිම් ව්‍යාපාරිකයෙකුට මරණීය තර්ජන එල්ල කර වෙළඳ සැල වසා දමන ලෙස තර්ජනය කළ ත්‍රීරෝද රථ රියදුරෙකු අත්අඩංගුවට ගත් බව මොරටුමුල්ල පොලිසිය කියයි.

14 May 2019

පහරදී ඇත්තේ ආරක්ෂක අංශ සිටියදී

මිනුවන්ගොඩ ජුම්මා ප්‍රධාන දේවස්ථානය ඇතුළු කඩසාප්පු වලට කලබලකාරීන් පහරදී ඇත්තේ ආරක්ෂක අංශ රාජකාරීවල නිරතව සිටියදී යැයි කර්මාන්ත හා වාණිජ කටයුතු ඇමැති රිෂාඩ් බදුයුදීන් මහතා පැවැසීය.

14 May 2019

සිනමන් ග්‍රෑන්ඩ් බෝම්බකරුට පිං පැමිණවීමට ආ පූජකවරයෙකු අත්අඩංගුවට

කොළඹ සිනමන් ග්‍රෑන්ඩ් හෝටලය තුළදී බෝම්බය පුපුරවාගත් වැල්ලම්පිටිය තඹ කම්හලේ හිමිකරු මොහොමඩ් ඊබ්‍රාහීම් ඉන්සාෆ් අහමඩ් නැමැත්තාට පිං පැමිණවීම සඳහා පැමිණි බවට සැකකරන පූජකවරයෙකු ඇතුළු පුද්ගලයන් පස් දෙනෙකු කොල්ලුපිටියේ පිහිටි බෝම්බකරුගේ බිරිඳගේ නිවසේදී අත් අඩංගුවට ගත් බව කොල්ලුපිටිය පොලිසිය කියයි.

14 May 2019

කාත්තන්කුඩි පල්ලිය අසළ කලපුවෙන් ආයුධ මතුවෙයි

මඩකලපුව කාත්තන්කුඩි ප්‍රදේශයේ මුස්ලිම් පල්ලියක් ඉදිරිපිට කලපුවේ තිබි ටි 56 ගිනි අවියක් ඇතුළු ආයුධ රැසක් අල්ලා ගැනීමට යුද හමුදාව සමත් වී තිබේ.

14 May 2019

දිවයින පුරා ඇඳීරිනීතිය අදත් 9 සිට

අද රාත්‍රී 9.00 සිට හෙට අලුයම 4.00 වන තෙක් මුළු දිවයිනටම බලපැවැත්වෙන පරිදි ඇඳිරිනීතිය පැනවූ බව පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පවසයි.

14 May 2019

‘මිනුවන්ගොඩින් බැස්සේ මාර්ග තදබදය ගැන බලන්න’

මිනුවන්ගොඩ හරහා දිවුලපිටිය දක්වා ගමන් කරද්දී පාරේ පැවැති මාර්ග තදබදය කුමක්දැයි බැලීමට වාහනයෙන් බැස ගිය බවත්, කලබලය පිටුපස තමන් සිටින බව දක්වමින් ඒ අතරතුර ගත් ඡායාරූපයක් සමාජ මාධ්‍ය හා ඇතැම් වෙබ් අඩවිවල පළ කර ඇති බවත් පිවිතුරු හෙළ උරුමය නියෝජ්‍ය නායක මධු මාධව අරවින්ද මහතා පැවැසීය.

14 May 2019

සියලු ආගම්වලට එක් අමාත්‍යංශයක් අගරදගුරුතුමෝ රජයෙන් ඉල්ලති

බෞද්ධ, හින්දු, කතෝලික, ඉස්ලාම් ආදි වශයෙන් වෙන වෙනම අමාත්‍යාංශ පවත්වාගෙන යනවා වෙනුවට පෙර පැවති ආකාරයට සියලුම ආගම් සඳහා එක් අමාත්‍යාංශයක් පත් කරන ලෙසට මැල්කම් කාදිනල් රංජිත් කොළඹ අගරදගුරුතුමෝ අද (14) රජයෙන් ඉල්ලීමක් කළහ.

14 May 2019

කොච්චිකඩේ බෝම්බකරුගේ - මව්පියන්ගේ ඩීඑන්ඒ සැසදෙයි

කොළඹ කොච්චිකඩේ ශාන්ත අන්තෝනි දේවස්ථානය තුළ සිදුවූ මරාගෙන මැරෙන බෝම්බ ප‍්‍රහාරය එල්ල කළ අලව්දීන් අහමඩ් මුආත් නමැත්තාගේ ඩීඑන්ඒ වාර්තා ඔහුගේ දෙමාපියන්ගේ ඩීඑන්ඒ සමඟ සැසදෙන බවට අධිකරණ වෛද්‍ය නිලධාරීවරයා අද (14) කොළඹ ප‍්‍රධාන මහේස්ත‍්‍රාත් ලංකා ජයරත්න මෙනෙවිය ඉදිරියේ වාර්තාවක් මගින් දැනුම් දී තිබේ.

14 May 2019

තැපැල් ඇමැතිගේ ප්‍රකාශයට පූජාපිටිය ප්‍රා. සබේ විරෝධය

මුස්ලිම් පල්ලිවල කඩු සම්බන්ධයෙන් තැපැල් හා මුස්ලිම් ආගමික කටයුතු අමාත්‍ය එම්. එච්. ඒ. හලීම් මහතා කළ බව කියන ප්‍රකාශයකට පූජාපිටිය ප්‍රාදේශීය සභාවේ එක්සත් ජනතා නිදහස් සන්ධාන මන්ත්‍රීවරු අද (14) මාසික මහ සභා රැස්වීමේදී විරෝධතාවයක් දැක්වූහ.

14 May 2019

නාත්තන්ඩියේ සිද්ධියට සම්බන්ධ 18දෙනා රිමාන්ඩ්

නාත්තන්ඩිය නගරයේ ඇතිවූ සිද්ධීන් සම්බන්ධයෙන් අත්අඩංගුවට ගෙන සිටි 18 දෙනා මේ මස 28 වන දින දක්වා රිමාන්ඩ් බන්ධනාගාර ගත කිරීමට මාරාවිල දිසා විනිසුරු හා මහේස්ත්‍රාත් සිරිමෙවන් මහේන්ද්‍රරාජා මහතා අද (14 ) නියම කළේය.

14 May 2019

නවසිංහලේ ජාතික සංවිධායක අත්අඩංගුවට

නව සිංහලේ ජාතික සංවිධානයේ අධ්‍යක්ෂ ඩෑන් ප්‍රියසාද් මහතා කොළඹ අපරාධ කොට්ඨාසය මගින් අත්අඩංගුවට ගෙන ඇත.

14 May 2019