(අජිත්ලාල් ශාන්තඋදය)

කෑගල්ල  දිස්ත‍්‍රික්කය නියෝජනය කරමින් එක්සත් ජනතා නිදහස් සන්ධාන  සබරගමුව පළාත් සභාවට තේරීපත්ව මන්ත‍්‍රීවරයෙක් සහ සභානායක ලෙස කටයුතු කළ ඉමිටියාස් කාදර් මහතා හදිසියේ අභාවප‍්‍රාප්ත විය.
 
මියයන විට හතළිස් හයවන වියේ පසුවූ ඉමිටියාස් කාදර් මහතා දෙදරු පියෙකි. කෑගල්ල ශාන්ත මරියා විදුහලෙන් අධ්‍යාපනය ලැබු ඔහු  2006දී කෑගල්ල නගර සභාවේ සභාපතිවරයා ලෙස තේරීපත් විය. 
 
පසුව 2008 සහ 2012  වර්ෂවල පළාත් සභා මැතිවරණ එක්සත් ජනතා නිදහස් සන්ධානයෙන්  තරග කර මන්ත‍්‍රීවරයෙක් ලෙස සබරගමු පළාත් සභාවට තේරී පත්ව පසුව එහි සභානායකවරයා ලෙස කටයුතු කළේය.
 
ශ‍්‍රී ලංකා  නිදහස් පක්‍ෂයේ මාවනැල්ල ආසනයේ සම සංවිධායකවරයා ලෙස ද ඉමිටියාස් කාදර් මහතා කටයුතු කළේය.
 මහජන ගෞරවය සදහා දේහය මේවනවිට කෑගල්ල මීපිටිය ඇනස්ලි පීරිස් මාවතේ නිවසේ තැන්පත් කර ඇත.

 අවසන් කටයුතු දෙසැම්බර් 01 වන ඉරිදා පස්වරු 02.00ට කෑගල්ල නගර සභා සුසාන භූමියේ දී සිදු කෙරේ.