හිරාන් ප්‍රියංකර ජයසිංහ

කේරල ගංජා හා අයිස් මත් ද්‍රව්‍ය ජාවාරමක නිරත වෙමින් සිටි පොලිස් සැරයන්වරයකු හා උප පොලිස් පරික්ෂකවරයකු සමග තවත් සැකකරුවන් දෙනෙකු අද (20) අත්අඩංගුවට ගනු ලැබීය.

පුත්තලම විෂ මත්ද්‍රව්‍ය ඒකකයේ නිළධාරින් විසින් පුත්තලම කල්අඩිය ප්‍රදේශයේ දී මොවුන අත්අඩංගුවට ගෙන තිබේ.

මෙසේ අත්අඩංගුවට ගෙන තිබුනේ පොලිස් නිළ ඇදුමින් සැරසි සිටි පොල්ගහවල පොලිස්ථානයට අනුයුක්තව සේවය නියුතු පොලිස් සැරයන්වරයකු හා සේවයෙන් විශ්‍රාම ගොස් ඇති උප පොලිස්වරයකු සමග තවත් සැකකරුවන් දෙනෙකු බව කියයි.

එම සැකකාර සේවයේ නියුතු පොලිස් සැරයන්වරයා හා විශ්‍රාමික උප පොලිස් පරික්ෂකවරයා පුත්තලම ආසන්න ප්‍රදේශයකදී තවත් මත්ද්‍රව්‍ය ජාවාරම්කරුවකුගෙන් ගංජා හා අයිස් මත්ද්‍රව්‍ය මිලදි ගෙන ඇති බව පරික්ෂණ වලදි හෙළිව තිබේ .

එම සැකකර පොලිස් නිළධාරින් හා අනිකුත් සැකකරුවන් ගංජා මිලදි ගැනිමේන් පසුව මොවුන් පැමිනි මෝටර් රථයෙන්ම ආපසු ගමන් කරමින් සිටියදි පුත්තලම විෂ මත්ද්‍රව්‍ය ඒකකයේ නිළධාරින් වාහන යොදා මහ මග හරස් කරමින් මෝටර් රථය හා සැකකරුවන් අත් අඩංගුවට ගෙන තිබුනී.

සැකකරුවන් අත්අඩංගුවට ගැනිම සිදුවන අවස්ථාවේ දි මෝටර් රථයේ සිට පලා ගිය සැකකරුවන් දෙදෙනෙකු කල්අඩිය ප්‍රදේශයේ ජනතාව හා පොලිස් නිළධාරින් එක්ව දැඩි පරිශ්‍රමයකින් පසුව අල්ලා ගෙන තිබු බව කියයි.

කෙසේ නමුත් සැකකාර පොලිස් නිළධාරන් තුන් ලක්ෂ පනස් දහසක් ලබා දි කේරල ගංජා කිලෝ දෙකක් මිලදි ගත් බව ප්‍රශ්ණ කිරිමේදි පවසා තිබු බව කියයි.