දිස්ත්‍රික් 4 කට නායයාම් අවදානමක්
(ඩයනා උදයංගනී)
පවතින තද වැසි සහිත කාලගුණ තත්ත්වය ඉදිරියටත් පැවතියහොත් දිස්ත‍්‍රික්ක 4ක නායයෑමේ අවදානමක් මතුවන බව ජාතික ගොඩනැගිලි පර්යේෂණ සංවිධානය පවසයි.
ඒ අනුව නුවරඑළිය, මාතලේ, කුරුණෑගල සහ මහනුවර යන දිස්ත‍්‍රික්කයන්හි මෙම අවදානම පවතින බව එම සංවිධානය සඳහන් කරයි.
විශේෂයෙන් නුවරඑළිය දිස්ත‍්‍රික්කයේ වලපනේ, මාතලේ දිස්ත‍්‍රික්කයේ උකුවෙල, කුරුණෑගල දිස්ත‍්‍රික්කයේ මල්ලවපිටිය සහ මහනුවර දිස්ත‍්‍රික්කයේ ගඟවට කෝරලේ යන ප‍්‍රාදේශීය ලේකම් කොට්ඨාසවල නායයෑමේ දැඩි අවදානමක් මතුවිය හැකි බව ද ජාතික ගොඩනැගිලි පර්යේෂණ සංවිධානය අද (22) නිකුත් කළ නායයෑම් පූර්ව අනතුරු ඇඟවීමේ නිවේදනයේ දැක්වේ.
ඉහත ප‍්‍රදේශවල කඳුකර බෑවුම් ආශි‍්‍රතව සහ නායයෑමේ හැකිියාවන් ඇති ප‍්‍රදේශ ලෙස හඳුනාගෙන ඇති ප‍්‍රදේශයන්හි පදිංචි වී සිටින්නන් මේ සම්බන්ධයෙන් අවදානයෙන් සිටිය යුතු බව ද ගොඩනැගිලි පර්යේෂණ සංවිධානය පවසයි.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
