(ඩයනා උදයංගනී)

තද වැසි සහ සුළං සහිත කාලගුණ තත්ත්වය හේතුවෙන් මේ වන විට දිවයිනේ දිස්ත‍්‍රික්ක 13 ක පවුල් 4,153 කට අයත් 14,164 දෙනෙකු පීඩාවට පත්ව ඇති බව ආපදා කළමනාකරණ මධ්‍යස්ථානය පවසයි.

පීඩාවට පත්වූවන් අතරින් පවුල් 946 කට අයත් 3149 දෙනෙක් ආරක්‍ෂිත ස්ථාන 29 ක රැඳී සිටින බව ද ආපදා කළමනාකරණ මධ්‍යස්ථානයේ සහකාර අධ්‍යක්‍ෂ (මාධ්‍ය) ප‍්‍රදීප්  කොඩිප්පිලි මහතා පැවසීය.

බදුල්ල, මොණරාගල, මඩකලපුව, අම්පාර, මන්නාරම, මුලතිව්, කෑගල්ල, මහනුවර, පුත්තලම, මාතලේ, කිලිනොච්චිය සහ නුවරඑළිය දිස්ත‍්‍රික්කවල ජනතාව මෙසේ පීඩාවට පත්ව සිටිති.

මින් වැඩිම බලපෑමක් එල්ල වී ඇත්තේ පුත්තලම දිස්ත‍්‍රික්කයට වන අතර එම දිස්ත‍්‍රික්කයේ පවුල් 1,634කට අයත් 5,335 දෙනෙක් පීඩාවට පත්ව ඇත.

මෙම තත්ත්වයෙන් නිවාස 6ක් සම්පූර්ණයෙන් විනාශ වී ඇති අතර තවත් නිවාස 259කට අර්ධ හානි සිදුව තිබේ.