(බිමල් ශ්යාමන් ජයසිංහ)
දින 14 ක කාලයක් නිවාඩු ලබාදී ඇති බව වටරැක බන්ධනාගාරයේ දොරටු පාලක නිලධාරියා පැවසීමත් සමගම උරණ වූ ජේලර්වරයකු "මහ එවුන්ට වගේම උඹලටත් කොරෝනා බෝකරන්න ඕනේ" යැයි පවසමින් දොරටු පාලක නිලධාරියා ඇතුළු නිලධාරීන් කීපදෙනකු බදාගැනීම සම්බන්ධයෙන් ඊයේ (01) රාත්රියේ මීගොඩ පොලිසිය වෙත පැමිණිලි කර ඇත.
එතනින් නොනැවතුණු එම ජේලර්වරයා නිලධාරී විවේකාගාර වලට ගොස් එම ඇඳන් වල ද සැතපී ඇති අතර සෙසු නිලධාරීන්ගේ නිල ඇඳුම් සහ අනෙකුත් ඇඳුම් පැළඳුම්ද අතට ගෙන පොඩි කර නැවත දමා ඇතැයි එම ආරංචි මාර්ග පවසයි.
මහර බන්ධනාගාරයේ ඇති වූ කැරැල්ලෙන් අනතුරුව එහි විශේෂ රාජකාරි සඳහා ගිය නිලධාරීන්ට නිවෙස්වල ස්වයං නිරෝධායයේ යෙදීමටත් දින 14ක කාලයක් නිවාඩු ලබාදීමට බන්ධනාගාරයේ උසස් නිලධාරීන් විසින් පියවර ගෙන තිබිණි.
එලෙස විශේෂ රාජකාරි සඳහා ගොස් නැවත වටරැක බන්ධනාගාරය වෙත පැමිණි ජේලර්වරයාට ඒ බව දොරටු පාලක නිලධාරියා විසින් පැවසීමෙන් අනතුරුව උරණ වූ ජේලර්වරයා මේ ලෙස හැසිරී ඇතැයි දැනගන්නට ඇත.
ජේලර්වරයාගෙ එම හැසිරීම සම්බන්ධයෙන් රාත්රී කාර්යභාර ජේලර්වරයා සහ දොරටු පාලක නිලධාරියා පොලීසියට එම පැමිණිලි ඉදිරිපත් කර ඇති අතර ආයතන මට්ටමින් ද විමර්ශනයක් අරඹා ඇතැයි බන්ධනාගාර ආරංචි මාර්ග සඳහන් කරයි.
කොරෝනා ආසාදිත රැඳවියන් බහුතරයක් දෙනා රඳවා සිටින මහර බන්ධනාගාරයේ විශේෂ රාජකාරි සඳහා ගිය නිලධාරීන්ට නිවාඩු ලබාදී ඔවුන්ගේ නිවෙස් වලට මේ අයුරින් යැවීමෙන් යම් පාලනයකට නතුව තිබෙන කොරෝනා වෛරසය ඔවුන්ගේ පවුල් වල, ගම් නියම් ගම්වල පැතිරී නැවත මුළු රටම වෛරසයෙන් වෙලා ගැනීමේ දැඩි අවධානමක් මේ වන විටත් හටගෙන ඇතැයි බන්ධනාගාර ආරංචි මාර්ග සඳහන් කරයි.
එලෙස රාජකාරිය සඳහා යෙදවූ නිලධාරීන් විධිමත් ක්රියා මාර්ගයක් ගෙන ස්වයං නිරෝධායනයට ලක්කිරීමට මේ මොහොතේ සිට හෝ පියවර නොගතහොත් නැවතත් කොරෝනා පොකුරක් බිහිවීම වැලැක්වීමට නොහැකි වනු ඇතැයි බන්ධනාගාර නිලධාරීන්ගේ අදහසයි.
මීගොඩ පොලිසිය සිද්ධිය සම්බන්ධයෙන් පරීක්ෂණ පවත්වයි.
කෘමි නාශක කළවම් කළ කල් ඉකුත් විමට ආසන්න කෝටි 15ක් පමණ වටිනා විස පාන්පිටි ගෝනි 10.000ක ආසන් ප්රමාණයක් ගනේවල්පොළ ප්රදේශයේ විශාල ගබඩාවක සඟවා තිබියදී සොයාගත
සුදුසුම වෙලාවේ බලවත්ම සන්ධානය එලියට දමන බව එක්සත් ජාතික පක්ෂයේ කොළඹ දිස්ත්රික් නායක හිටපු මුදල් අමාත්ය රවී කරුණානායක මහතා පැවසීය.
වත්මන් අර්බුද විසඳීමට පාඨලී චම්පික රණවක මහතා නිවැරදි වැඩපිළිවෙළක් ඉදිරිපත් කර ඇතැයි ශ්රී ලංකා මහජන පක්ෂය සඳහන් කළේය .
රථවාහන වරදක් සම්බන්ධයෙන් නඩු නොපවරවා සිටීමට ත්රී රෝද රථ රියදුරෙකුගෙන් රුපියල් 500/-ක අල්ලසක් ඉල්ලා ලබා ගැනීමේ චෝදනාවට වරදකරු රථවාහන රාජකාරියේ නිරත පො
එක්සත් ජාතික පක්ෂයේ නියෝජ්ය නායක රුවන් විජයවර්ධන මහතා මහනුවර දී අද මල්වතු අස්ගිරි මහා නා හිමිවරු බැහැදුටුවේය.
මේ රට අයිති සමස්ත ශ්රී ලාංකිකයන්ට මිසක් එක් පවුලකට නොවන බව සියලු දේශපාලන පක්ෂ සහ නියෝජිතයින් අවබෝධකරගත යුතුව ඇතැයි විපක්ෂ නායක සජිත් ප්රේමදාස මහතා
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
නිරෝධායනයට නිවාඩු දුන්නාට උරණව ලොක්කන්ටත් කොරෝනා බෝ කරන්න යයි
Prasad Thursday, 03 December 2020 01:40 AM
එළ කොල්ලෙක්.., මහරදී සිරකරුවන්ට සලකපු ජරා විදිහ දැකලා හිතෙන්න ඇති.
සමන්ත Thursday, 03 December 2020 01:44 AM
මේ වගේ මෝඩ මිනිස්සු නිසා තමයි කොරෝනා පාලනය කරන්න අමාරු.. ඉතා ඉක්මණට මෙවැනි පිරිස් අත්අඩංගුවට ගෙන සේවයෙන් නෙරපා නීතිය අනුව කොරෝනා පැතිරවීමට කටයුතු කළා කියලා දේපල රාාජසන්තක කරන්න. එක්කෙනෙක් දෙන්නෙක්ගේ මෙලෙස කළ පසු අනෙක් අය නිකන්ම හැදෙයි. මේ මිනිස්සුන්ට ඇත්තටම පිස්සුද? අපි මේ වැටුප් නැතිව දැන් මාස ගණනක් ගෙවල්වල එළියටවත් යන්න බැරිව... මේ මිනිස්සුන්ට වැටුපත් සමග දෙන නිවාඩුව ගන්න බෑ.
fairoos Thursday, 03 December 2020 07:25 AM
කොරෝනාවලින් මිනිස්සුන්ට ආතතිය වැඩි වෙලාද මන්දා..?
banda Thursday, 03 December 2020 09:05 AM
ලංකාවේ ඉන්නේ පුදුම පිස්සන් ටිකක් නේද?
kamal Saturday, 05 December 2020 06:42 PM
මුස්ලිම් කෙනෙක් කළා නම් මේ ප්රවෘත්තියට ප්රතිචාර පිරිලා තියේවි...