(නිමල කොඩිතුවක්කු)
 
ශ්‍රී ලංකාවේ දැනට ක‍්‍රියාත්මක විධායක ජනාධිපති ක‍්‍රමය අහෝසි කිරිම සම්බන්ධයෙන් එක්සත් ජාතික පක්ෂය සහ ජනතා විමුක්ති පෙරමුණ ප‍්‍රතිපත්තිමය එකඟතාවයකට  පැමිණ තිබේ.

විධායක ජනාධිපති ක‍්‍රමය අහෝසි කිරිමට අදාළ ක‍්‍රියාමාර්ග එක්සත් ජාතික පෙරමුණේ පක්ෂ නායකයින් සමඟ සාකච්ඡා කිරීමෙන් පසුව ප‍්‍රකාශයට පත්කරන බවත් අග‍්‍රාමාත්‍ය රනිල් වික‍්‍රමසිංහ මහතා පැවැසීය.

අග‍්‍රාමාත්‍ය රනිල් වික‍්‍රමසිංහ මහතා මේ බව පැවැසුවේ විධායක ජනාධිපති ක‍්‍රමය අහෝසි කිරිම සම්බන්ධයෙන් එක්සත් ජාතික පෙරමුණ සහ ජනතා විමුක්ති පෙරමුණ අතර පාර්ලිමේන්තුවේ පිහිටි අග‍්‍රාමාතය කාර්යාලයේ අද (22) පැවති සාකච්ඡාවකට එක් වෙමිනි.

විධායක ජනාධිපති ක‍්‍රමය අහෝසි කරමින් 20 වැනි ආණ්ඩුක‍්‍රම ව්‍යවස්ථා සංශෝධනය සම්මත කරගැනීම සම්බන්ධයෙන් මෙම හමුව පැවැත්විණි.

මෙම හමුව සඳහා ජනතා විමුක්ති පෙරමුණේ නායක අනුර කුමාර දිසානායක, පාර්ලිමේන්තු මන්ත‍්‍රීවරුන් වන විජිත හේරත්, නලින්ද ජයතිස්ස සහ සංවර්ධන උපායමාර්ග, ජාත්‍යන්තර වෙළඳ සහ විද්‍යා, තාක්ෂණ හා පර්යේෂණ අමාත්‍ය මලික් සමරවික‍්‍රම යන මහත්වරුන්  එක්ව සිටියහ.