ගෙදර අයට හොරෙන් දුම්වැටියක් බීමට ගොස් අමාරුවේ වැටුණු තරුණයකු පිළිබඳව ගම්බඳ ප්‍රදේශයකින්  වර්තාවිය.

සිද්ධිය මෙසේය.

ඔහු අවිවාහක තරුණයකි. ඔහුත් නැගණියන් මවත් පමණක් නිවසේ ජීවත්වී තිබේ. 

නිවස ඉදිරිපිට පුංචි කැලෑ රොදක් තිබෙන අතර ඔහු දුම්වැටි බීමට මෙම ස්ථානය තෝරාගත්තේ නිවසට නොපෙනෙන නිසාය. ඒ අසලම නිවසක විවාහක තරුණ යුවළක් ද පදිංචි වී සිටිති. එම නිසා නිවසේ තරුණයා රාත්‍රි කාලයේදී ආයතනයක මුර වැඩකට යන්නේය.

මුලින් කී තරුණයා සුපුරුදු පරිදි රාත්‍රි වෙනතුරු රූපවාහිනිය නරඹා රාත්‍රි 10ට පමණ කැලෑ රොදට ගොස් ඇත්තේ දුම්වැටියක් බීමටය.

සිගරැට්ටුවක් දල්වා පානය කරන අතරතුර ටික වේලාවකින් තමාව තරයේ කවුරුන් හෝ බදාගත් බව දැනුණ තරුණයාට දෙවියන් සිහි වී ඇත.

එවිටම ‘අනේ ඇයි ඔයා පරක්කු වුණේ. මෙතනට ඇවිත් මට හොරෙන් සිගරැට් බොනව නේද’ යැයි තරුණියක් අසනවා ඇසී ආයාසයෙන් ඇය දෙස හැරෙනවාත් සමග විදුලි වේගයෙන් ඇය අල්ලපු නිවස වෙත දිව ගොස් තිබේ. සිහි දල්වා ගත් තරුණයා කාරණය වැටහී තම නිවසට ගිය අතර අල්ලපු ගෙදර තරුණිය ඔහු හමුවීම මග හැරියේ තම අනියම් සම්බන්ධයතාව ගැන ඔහුට මාට්ටු වූ බැවිනි.
(කලවාන උපේන්ද්‍ර ප්‍රියංකර ජාතුංගම)