දකුණු පළාතේ අර්ධ නාගරික ප්‍රදේශයක පිහිටි  පොලිස් ස්ථානයකි. එහි පැමිණිලි අංශයට පැමිණි  මැදිවියේ කාන්තාවක් සිය පැමිණිල්ල  ඉදිරිපත් කිරීමට සුදානම් වත්ම එතැනට පැමිණියේ යුරෝපීය ඇඳුමින් මැදිවියේ  වූවකු - සහ නවීන විලාසිතා ඇඳුමින් සැරසුණු තරුණ යුවතියකි.  


පෙර කී කාන්තාව පැමිණිලි කළේ තමා දෙදරු මවක බවත් දැන් මෙහි  පැමිණි තම ස්වාමි පුරුෂයා ඔහුත් සමඟ ආ එම කාර්යාලයේම තරුණිය සමග සම්බන්ධතා පවත්වන හෙයින් ඔහුගෙන් දික්කසාද විය යුතු බවත්ය.
“අනේ ඒක බෑ රාලහාමි මට එයත් ඕනා.  මෙයත් ඕන මට දෙන්නම ඕනෑ” කීවේ ආවේගාත්මකව ඉකි ගසමිනි. පොලිස් නිලධාරියා ඔහු දෙස බැලුවේ විමතියෙනි.


“මෙයා මගේ විවාහක බිරිඳ මෙයාට රසට උයන්න පුළුවන්” බිරිඳ පෙන්වා කී ඔහු තරුණිය පෙන්වා මෙයාට උයන්න  බැරි වුනාට මට පණ  වගේ ආදරෙයි” කීවේය.


මේ බහුබූත ගැටලුව විසඳීමට බැරි තැන පොලිස් නිලධාරයා ඔවුහු පොලිස් ස්ථානාධිපති වෙත යොමු කරනු ලැබූහ. 


ඔහු ඉකි ගසමින් එතැනදීද කිවේ දෙදෙනාම ඕනෑ බවකි.“ මේ උන්නැහේ තමුන්ට බතට එකයි හිතට එකයි. දෙකක් බෑ. මේ කසාද පවුලත් එක්ක සමඟියෙන් ඉන්නවා, තරුණ ජීවිත  අතර මං කරන් නැතිව”ස්ථානාධිපති කීවෙන් දිරිඝ සාකච්ඡාවකින් පසු විවාහක බිරිඳ හා එක්ව විසීමට කැමැත්ත පළ කළේ තරුණ හිතවතිය කඳුළු සලමින් සිටියදීලු. 
(තිහගොඩ උපසේන ලියනගම)