(බමූණාකොටුව එච්.එම්.එන්. හේරත්) 
ප්‍රමාණය ඉක්මවා මත් පැන් පානය කරමින් සිටි පුද්ගලයෙකු කෑම කමින් සිටියදී එම කෑම පිඟානෙන් බළලෙකු ද කෑම කෑ පුවතක් වාරියපොළ ප්‍රදේශයේ ගම්මානයකින් වාර්තා විය.


සිද්ධිය මෙසේය. බිරිය සමඟ වෙසෙන මෙම පුද්ගලයා කලක සිට මත්පැන් පානය කිරීමට ඇබ්බැහිවී ඇති අතර සෑම දිනකම දහවල් මත්පැන් පානය කර දහවල් කෑම කන පුරුද්දක් ඇත. 


මොහු එදිනෙදා මත්පැන් පානය කර නිවසට පැමිණ ඇත්තේ දහවල් 1.00ට පමණය. එදින දහවල් කෑමට බත් සහ කුකුළු මස් වෑංජනයක් සමග තිබ්බටු මැල්ලුමක් සැකසූ බිරිය ඒවා පිඟානට බෙදා කෑම කන්නැයි සැමියාට කියා වතුරගෙන ඒමට ගොස් ඇත. 


මේ අවස්ථාවේ කුකුල් මස්වල ඉව වැටුණු තම නිවසේ බළලා මේසය වත නැගී තම සැමියාගේ පිඟානේ අනෙක් පැත්තෙන් බත් කනවා දුටු බිරිය ‘ඈ යකෝ බළලා බත් පිඟානෙන් කනවා පේන්නේ නැද්දැ’යි කී විට ‘කාපුදෙන්.. ඌත් කන්න එපායැ’ යැයි සැමියා කියා ඇත.