(මීරිගම විශේෂ පුෂ්පකුමාර මල්ලවආරච්චි)
රෝගියකුට විශේෂ දේශීය ප්‍රතිකාරයක් සඳහා හොඬපර ගෙඩි කිහිපයක් සොයා දෙන ලෙස ඥාති පුත්‍රයෙකු සිය බාප්පාගෙන් ඉල්ලා සිටියේය. මේවා සොයා ගැනීම තරමක් අපහසු බවද මේ පුතා බාප්පාට කීවේය.


මේ බාප්පා බෙහෙත් ගැන වැඩි දැනීමක් නැත්තෙකි. දන්නා හඳුනන කිහිප දෙනෙකුගෙන් කළ විමසීම්වලින් පසු බාප්පා හොඬපර ගසක් ඇති නිවසකට ගියේ එහි ගෙඩි කිහිපයක් ඉල්ලා ගන්නා අදහසිනි. එහි සිටියේ වයෝවෘද්ධ මාතාවකි. 


කාරණය කී පසු මේ මාතාව අනේ පුතේ ඔය ගහ තියෙන්නේ ගෙඩි තියෙනවා නම් කඩා ගනින් කීවේ ඖෂධයක් ලබාදීම පිනක් කොට සලකන නිසාය. ගස අසල කෙක්කක්ද විය. එය ආධාරයෙන් ගෙඩි හතරක් කඩාගත් බාප්පා මාතාවට ස්තුති කර නිවසට ආයේ පසුදා උදේ ඥාති පුතුට එය යවන අදහසිනි. පුතේ, හෙට උදේ මම බෙහෙත් ගෙනත් දෙනවා බාප්පා පුතාට පැවසුවේ බලාපොරොත්තු ඇති කරමිනි. 


ගෙඩි කිහිපය කවරයක බහා නිවසේ මේසයක් මත තැබීය. පසුදා උදේ බලද්දී එහි ගෙඩි නැත තිබුණේ පිපුණු මල් හතරකි. මේ විපර්යාසය කුමක්දැයි කළ සොයා බැලීමේදී හෙළිවූයේ බාප්පා හොඬපර ගෙඩි කියා කඩාගෙන විත් ඇත්තේ පිපෙන්නට ආසනන්යේ වූ පොහොට්ටු හතරක් බවයි. කළ හැකි දෙයක් නැත බාප්පා පුතාට ඇමතුමක් ගත්තේය. සිදුවූ වින්නැහිය ගැන කීවේය. 


පසුදා උදේ සිටම මේ බාප්පා තැනින් තැන යමින් බෙහෙත් හොයමින් කල් ගත කරන්නට විය.