IMG-LOGO

බස්රියේ කිලෝමීටර් තුනක් යන්න රුපියල් 900 ක් අරන්

(හක්මණ විශේෂ - දෙනගම යසන්ත ආරියසේන)

දකුණු පළාතේ වෙරළාසන්න නගරයක බස් නැවතුම් පොළින් කන්ද උඩරට බලා පිටත් වූ සුඛෝපභෝගී බස් රථයක කොන්දොස්තරවරයෙකු සිදු කළ මිනිස්කමට නිගාදෙන කතා පුවතකි මේ.

දකුණු වෙරළට ආසන්න බස් නැවතුමෙන් ඉකුත් 22 වැනි දින දහවල් 1.00න් පසු මෙම බස් රථය ගමන් ආරම්භ කෙරුණි. ඒ මොහොත වන විටත් බස් නැවතුම් පොළෙහි ජනතාව දැඩි කලබලයෙන් යුතුව බස් රථවලට නඟින්නට හා බැස යන්නට විය. එයට හේතු වූයේ කොළඹ හා මඩකළපුව ප්‍රදේශවලදී සිදු වූ බිහිසුණු බෝම්බ පිපිරීමයි. සරසවි අධ්‍යාපනය ලබන සිය දියණිය බස් රථයට නංවා පියා ටික දුරක් යනවිට සියලුම විශ්වවිද්‍යාල වසා දැමූ බව දැනගන්නට ලැබුණි. ඔහු වහාම බස් නැවතුම්පොළට පැමිණිය ද බසය පිටත් වී ගොස් තිබුණි. දියණියගේ දුරකතනයට ඇමතුමක් ගත් පියා විශ්වවිද්‍යාලවලට නිවාඩු දී ඇති බැවින් බස් රථයෙන් බසින ලෙසට දැනුම් දුන්නේය. ඒ වනවිට බස්රථය නගරය පසු කළා පමණි. පියා ද සිය මෝටර් රථයෙන් බසය පසුපස හඹා ගොස් දියණිය බස් රථයෙන් බස්සවා ගැනීමට සූදානම් විය. එවිට බස් රථයේ කොන්දොස්තර මහතා පවසා සිටියේ ගමනාන්තය දක්වාම ගමන් ගාස්තුව වන රුපියල් නවසියයක මුදල අවශ්‍ය බවයි. දියණිය ගමන් කර තිබුණේ කිලෝමීටර් තුනක් පමණි. මුදලට වඩා තම දියණියගේ ආරක්‍ෂාව ගැන සිතූ පියා රුපියල් නවසියයක් ලබා දී දියණිය බසයෙන් බස්සවාගෙන නිවස කරා ගියේය. නමුත් රට තුළ යම් ව්‍යසනයක හා කලබලකාරී තත්ත්වයක් ඇති වී තිබූ අවස්ථාවක මිනිස්කම තුට්ටුවකට මායිම් නොකර මුදල් පමණක් ගැන සිතූ කොන්දොස්තරවරයාගේ ක්‍රියා කලාපය බස් රථයේ සිටි බොහෝ පිරිසකගේ දැඩි දෝෂදර්ශනයට හා පිළිකුලට ලක්විය.



අදහස් (4)

බස්රියේ කිලෝමීටර් තුනක් යන්න රුපියල් 900 ක් අරන්

mahinda Wednesday, 24 April 2019 06:54 AM

මේ අය තමා මහා ප්‍රගතිශීලි මාෆියා ගැමුණුගේ බස්කර්මාන්තයේ තරම රටේ ඕනෑම ව්‍යවසනකාරි අවස්ථාවලදී ජනතාවට සේවාවන් අත්‍යාවශ්‍ය අවස්ථාවන්හිදී අසරණ මහජනයා සූරාකෑම මොවුන්ගේ එකම පරමාර්ථයයි.

:       3       224

sana Wednesday, 24 April 2019 08:10 AM

ඔතන වෙන පැත්තකුත් තිබෙනවා. බසය සීට් වල හිඳගෙන යාමට පමණක් සහ සීට් පිරුණු පසු වහාම ගමන් අරඹන බස් රථයක් නම් අතරමගදී නවත් වන්නේද නැත්නම් එක් මඟියෙක් හෝ ගමන්කරනා අතරතුර බැස්සොත් එම සීට් එක නැවත පිරවෙන්නේ නෑ. යම් හෙයකින් සිසුවිය ටිකට් අරගෙන තිබ්බා නම් වෙන්නේ මේ වගේම තත්ත්වයක් තමයි.

:       163       191

diasWednesday, 24 April 2019 10:37 AM

ඔබ කියන පැත්තයි, මනුස්සකමයි අතර ලොකු වෙනසක් තියෙනවා. මෙතන ඔබට වැටහෙන්නේ නැත්තේ මනුස්සකම කියන එකයි.

:       221       130

sanaWednesday, 24 April 2019 03:53 PM

ඔයා බස් එකක සම්පූර්ණ ගමනාන්තය යන්න ටිකට් අරගෙන මගදි හදිසියේ බැහැලා ගියොත් ඉතුරු දුරට ඔයාට සල්ලි දෙන්න ඕනෑද? ඒ වගේම දුර ගමන් සේවාවල ඔහොම කෙටිදුර යන්න ගන්නෙත් නෑ. බස් සේවකයින්ගේ වගකීම වෙන්නේ මගීන්ගේ ගමන අදාළ පිළිවෙලට යන්න සැලැස්වීම මිස ප්‍රශංසා බලාපොරොත්තු වීම නොවේ.

:       127       199

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 51 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 440 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 876 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site