IMG-LOGO

කඬේ ළඟ තිබූ‘මිනිය’ පොලිසිය එද්දී දුවලා

කෑගල්ල වඩුපොළ ප්‍රදේශයේ වෙළෙඳසලක් ඉදිරිපිට පුද්ගලයෙකු මියගොස් ඇති බවට 119 හදිසි දුරකතන අංකයට දැන්වීමෙන් පසුව කෑගල්ල පොලිසියේ නිලධාරීන් දෙදෙනෙකු අදාළ ස්ථානයට යන විට මිය ගොස් සිටියා යැයි කියන පුද්ගලයා පොලිසිය දැක නැගිට පලාගියේ යැයි කියන පුවතක් කෑගල්ල මූලස්ථාන පොලිසියෙන් වාර්තා වෙයි.


සිද්ධිය මෙසේය.


ඉකුත් 14 දා කෑගල්ල පොලිස් වසමේ අලපලාවල වඩුපොළ ප්‍රදේශයේ වෙළෙඳසලක් ඉදිරිපිට පුද්ගලයකු මිය ගොස් ඇතැයි වෙළෙඳසල් හිමියා 119 හදිසි දුරකතන අංකයට දන්වා ඇති බව කෑගල්ල පොලිසිය කියයි.


පසුව කෑගල්ල පොලිසියේ විවිධ පැමිණිලි අංශයේ සැරයන් කුමාර පාරඹේ (53659) නිලධාරියාට හදිසි මරණයක් සම්බන්ධයෙන් පරීක්‍ෂණයක් සිදු කිරීමට නියමිතව තිබියදීත් එය පසෙකලා පොලිස් සැරයන් නිශ්ශංක (18060) මහතා සමග විවිධ පැමිණිලි අංශයේ ස්ථානාධිපතිනි කාන්තා පොලිස් පරීක්‍ෂිකා දීපා මහත්මිය විසින් නිලධාරීන් දෙදෙනා අදාළ ස්ථානය වෙත යැවීමටත් මිය ගිය පුද්ගලයාගේ මූලික තොරතුරු සටහන් කර වාර්තාවක් කෑගල්ල පොලිසියට සපයන ලෙස දන්වා නිලධාරින් දෙදෙනා පොලිස් ස්ථානයෙන් පිටත් කර යවා තිබුණි.


එම  කාලය අතරතුර කෑගල්ල පොලිසිය කෑගල්ල නාගරික රෝහල් හදිසි මරණ පරීක්ෂකවරයාටද දන්වා අදාළ ස්ථානයට යැවීමට සූදානම් කෙරිණි. මනුෂ්‍ය ඝාතනයක් ද යන්න පිළිබඳ සැක සිතූ පොලිසිය වහාම ඉදිරි ක්‍රියාමාර්ග ගැනීමට ද කටයුතු කළේය.


අලපලාවල වඩුපොළ පුද්ගලයකු මිය ගොස් සිටිනවා යැයි කියන වෙළෙඳසල වෙත ගිය පොලිස් සැරයන්වරුන් දෙදෙනා යන විටද ප්‍රදේශයේ ජනතාව එක් රොක් වී සිටියහ. එහි සිටි පුද්ගලයකු “පොලිසියත් එනවා”යි කියනවාත් සමග මිය ගොස් ඇතැයි කියන පුද්ගලයා නැගිට ජනතාව අතරින්ම දිව ගිය බව පොලිසිය කියයි.


පසුව පොලිසිය ඔහු අල්ලා ප්‍රශ්න කළ විට කියා ඇත්තේ තමන් කෑගල්ල පොලිස් වසමේ දිවෙල ප්‍රදේශයේ පදිංචිකරුවකු බවත් තම සහෝදරයකුගේ නිවසට ඉකුත් 13 දා රාත්‍රී යන්නට ගිය අවස්ථාවේදී තද නිදිමත ගතියක් දැනුණු බවත් පසුව තමන් තැන නොදැන නිදාගත් බවත්ය.


සිද්ධිය සම්බන්ධයෙන් පොලිසිය කියා සිටියේ මියගියා යැයි කියන පුද්ගලයා අධික ලෙස මත්ද්‍රව්‍ය පානය කර සහෝදරයාගේ නිවසට යාමට නොහැකිව අලපලාවල වඩුපොළ ප්‍රදේශයේ වෙළෙඳසලක මිදුලක වැටී ඇති බවය.


මහජනතාව ද කිසි දෙයක් සොයා බලන්නේ නැතිව අවශ්‍ය දේටයි අනවශ්‍ය දේටයි හදිසි දුරකථන අංකය භාවිත කිරීමෙන් පොලිසිය අනවශ්‍ය අපහසුතාවට පත්වෙන බවද ඒ මහතා පැවසීය.
(කෑගල්ල අධිකරණ චමින්ද වැවතැන්න)

 



අදහස් (0)

කඬේ ළඟ තිබූ‘මිනිය’ පොලිසිය එද්දී දුවලා

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 179 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 691 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1089 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site