IMG-LOGO

2025 ජුලි මස 12 වන සෙනසුරාදා


යුනියන් ඇෂුවරන්ස් 2021 පළමු කාර්තුවේදී ගෙවූ හිමිකම් මුදල් වල වටිනාකම රු. බිලියනය ඉක්මවයි

යුනියන් ඇෂුවරන්ස් 2021 පළමු කාර්තුවේදී ගෙවූ හිමිකම් මුදල් වල වටිනාකම රු. බිලියනය ඉක්මවයි 

යුනියන් ඇෂුවරන්ස් සමාගම 2021 පළමු කාර්තුවේදී ගෙවූ හිමිකම් මුදල් වල වටිනාකම රු. බිලියනය ඉක්මවා තිබේ. COVID-19 සම්බන්ධ හිමිකම් මුදල් ඉල්ලීම් සඳහා ගෙවන ලද රු. මිලියන 8.9 කට වැඩි ප්‍රමාණයක්ද, කල්පිරීම් සඳහා ගෙවන ලද රු. මිලියන 500 කට අධික මුදලක්ද මීට ඇතුළත් වී ඇත. එමෙන්ම, රෝහල්ගත කිරීම් සම්බන්ධ ඉල්ලීම් 2,102 ක්, ආබාධිත තත්ත්වයට පත්වීම් සම්බන්ධ ඉල්ලීම් 38 ක්, සහ රක්ෂණ ණය 1,120 ක්ද මෙම සමස්ත වටිනාකමට ඇතුළත් වී තිබේ.   

'ඔබේ ජීවිතය, අපේ ශක්තිය' යන ආදර්ශ පාඨය අනුව, නවීනතම ඩිජිටල් තාක්ෂණයන් භාවිතයට ගැනීම ඇතුළුව විවිධ ක්‍රමවේදයන් ඔස්සේ හිමිකම් මුදල් ක්‍රියාවලිය වැඩිදියුණු කරමින්, ශ්‍රී ලාංකිකයන්ගේ සිහින සැබෑ කිරීම සඳහා යුනියන් ඇෂුවරන්ස් සුවිශේෂී මෙහෙවරක් ඉටුකරමින් සිටී.

පසුගිය මාස 18 ක පමණ කාලය තුළ, ගනුදෙනුකරුවන්ගේ පහසුවට මුල්තැන දෙමින්, දිගු කාලයක් ගතවන සාම්ප්‍රදායික ක්‍රමවේදයන් වෙනුවට නවීනතම ඩිජිටල් ක්‍රමවේදයන් භාවිතයට ගැනීමට යුනියන් ඇෂුවරන්ස් සමාගම කටයුතු කර තිබේ. මේ වනවිට හඳුන්වා දී ඇති ස්වයං-සේවා යෙදුම (Self-service app) වැනි ක්‍රමවේදයන් නිසා, ශාඛාවක් වෙත පැමිණීමෙන් හෝ කාර්ය මණ්ඩලයේ මැදිහත් වීමකින් තොරව හිමිකම් මුදල් ඉල්ලීම් ඉදිරිපත් කිරීමට යුනියන් ඇෂුවරන්ස් රක්ෂණ හිමියන්ට අවස්ථාව ලැබී ඇත. එමෙන්ම රක්ෂිතයා රෝහලකින් ප්‍රතිකාර ගෙන පිටව යාමේදී, රක්ෂණ සමාගම විසින් අදාළ රෝහල් ගාස්තුව සෘජුවම රෝහල වෙත ගෙවනු ලබන ක්‍රමවේදයක් හඳුන්වා දීම, රක්ෂණ හිමියන්ට ඉමහත් පහසුවක් වී තිබේ. මීට අමතරව පසුබිම් ක්‍රියාවලි වැඩිදියුණු කිරීමට පියවර ගැනීම නිසා, හිමිකම් මුදල් ඉල්ලීමක් ඉදිරිපත් කිරීමේ සිට අදාළ ගෙවීම සිදුකිරීම දක්වා ක්‍රියාවලිය වඩාත් ඉක්මන් හා කාර්යක්ෂම වී ඇත.

දැනට පවතින වාතාවරණය නිසා උද්ගත වී ඇති දුෂ්කරතා හමුවේ වුවද, ගනුදෙනුකරුවන්ට වැඩි පහසුවක් අත්කර දීමේ අරමුණින්, මෙරට රක්ෂණ ක්ෂේත්‍රයේ පෙරළියක් ඇතිකිරීමට සමත් වන ආකාරයේ නවීන තාක්ෂණික විසඳුම් හඳුන්වා දීම අඛණ්ඩව සිදුකිරීමට යුනියන් ඇෂුවරන්ස් පියවර ගෙන තිබේ. මේ නිසාම, මෑතකදී පැවති International Finance සම්මාන උළෙලේදී 'ශ්‍රී ලංකාවේ විශිෂ්ටතම පාරිභෝගික සේවාවක් ලබාදෙන රක්ෂණ සමාගම' ලෙස සම්මානයෙන් පිදුම් ලැබීමට යුනියන් ඇෂුවරන්ස් සමත් විය.

ශ්‍රී ලංකාවේ විශාලතම ලැයිස්තුගත සමූහ ව්‍යාපාරය වන ජෝන් කීල්ස් සමූහයේ සාමාජිකයෙකු සහ, මෙරට වැඩිම සම්මාන ගණනකින් පිදුම් ලැබූ රක්ෂණ සමාගම් අතරින් එකක් වන යුනියන් ඇෂුවරන්ස් සමාගම, 2021 මාර්තු මාසය වනවිට බිලියන 18.2 ක වෙළඳපොළ ප්‍රාග්ධනීකරණයක්, රු. බිලියන 43.8 ක ජීවිත රක්ෂණ අරමුදලක් සහ, 326% ක ප්‍රාග්ධන සප්‍රමාණතා අනුපාතයක් (Capital Adequacy Ratio - CAR) වාර්තා කරගෙන ඇත. ශ්‍රී ලාංකිකයන්ට තම සිහින හඹා යාමට අත්වැලක් වෙමින් එම සමාගම, අධ්‍යාපනය, සෞඛ්‍ය, ආයෝජන, රැකවරණය සහ විශ්‍රාම ජීවිතය යන විවිධ අංශ ආවරණය වන පරිදි රක්ෂණ විසඳුම් රාශියක් හඳුන්වා දී තිබේ. දිවයින පුරා විසිරුණු ශාඛා 76 ක් සහ 3,000 කට අධික කාර්ය මණ්ඩලයක් සමගින් යුනියන් ඇෂුවරන්ස් සමාගම මෙරට රක්ෂණ ක්ෂේත්‍රයේ පරිවර්තනයන්ට සාර්ථක ලෙස මුහුණ දෙමින්, මානව සම්පත්, සේවාවන් හා ක්‍රියාවලි වැඩිදියුණු කිරීම සඳහා දිගින් දිගටම ආයෝජනයන් සිදුකරමින් සිටී.



අදහස් (0)

යුනියන් ඇෂුවරන්ස් 2021 පළමු කාර්තුවේදී ගෙවූ හිමිකම් මුදල් වල වටිනාකම රු. බිලියනය ඉක්මවයි

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 325 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 846 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1273 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site