වම්පස සිට: 2025 සැප්තැම්බර් 24 වන දින මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී නිව් ජර්සි ආණ්ඩුකාර ෆිල් මර්ෆි, තමරා මර්ෆි මහත්මිය, මහාචාර්ය මොහාන් මුණසිංහ සහ ශ්‍රියා මුණසිංහ මහත්මිය.

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ටමේ එක්සත් ජනපද-ඉන්දියානු ව්‍යාපාරික සමුළුවකදී එක්සත් ජනපදයේ නිව් ජර්සි හි ආණ්ඩුකාර ෆිල් මර්ෆි හමුවිය. ගෝලීය තිරසාරභාවය සහ සාමය ප්‍රවර්ධනය කිරීම සඳහා ඇමරිකා එක්සත් ජනපදය සහ දකුණු ආසියාව අතර ව්‍යාපාර සහ වෙළඳාම උත්තේජනය කිරීම පිළිබඳව ඔවුන් සුහද සාකච්ඡා පැවැත්වූහ. 2028 එක්සත් ජනපද ජනාධිපතිවරණය සඳහා ආණ්ඩුකාර මර්ෆි ප්‍රමුඛ ප්‍රජාතන්ත්‍රවාදී තරඟකරුවෙකි.

ලොව ඉහළම ව්‍යාපාරික නායකයින් සඳහා වූ මෙම විශේෂ සැසියේදී, ව්‍යාපාර, සිවිල් සමාජය සහ රජය තිරසාරභාවය ක්‍රියාත්මක කිරීමේ ත්‍රිකෝණය ගොඩනගන ආකාරය සහ එය තිරසාර සංවර්ධන ඉලක්ක(SDG) 17 සාක්ෂාත් කර ගැනීම සඳහා එක්ව ක්‍රියා කළ යුතු ආකාරය මහාචාර්ය මුණසිංහ මහතා පැහැදිලි කළේය.එහිදී ඔහු අවධාරණය කළේ

“ව්‍යාපාරය විසඳුමේ කොටසක් මිස අනිවාර්යයෙන්ම ගැටලුවක් නොවේ. සදාචාරාත්මක කළමනාකරුවන් ව්‍යාපාර තිරසාරභාවය සඳහා යතුර වන අතර, වටිනාකම් දාමය, ජීවන චක්‍ර විශ්ලේෂණය වැනි ක්‍රම මගින් සමාගම්වලට පිරිවැය සහ ස්වාභාවික සම්පත් භාවිතය යන දෙකම අඩු කරන ජයග්‍රාහී ප්‍රතිඵල ලබා ගැනීමට උපකාරී වේ. ඩිජිටල් තාක්ෂණය තිරසාර නිෂ්පාදනය සහ පරිභෝජනය යන දෙකටම පහසුකම් සපයයි”

යන්නයි. මුම්බායි සහ නිව්වාර්ක් වැනි නගරවලට යටිතල පහසුකම් සහ පාලනය යන දෙකම වැඩිදියුණු කරන ඩිජිටල් තාක්‍ෂණය ප්‍රමුඛ, බුද්ධිමත් තිරසාර පරිවර්තනයක් දියත් කළ හැකි බව ඔහු පෙන්වා දුන්නේය.

මහාචාර්ය මුණසිංහ මහතා කොළඹ පිහිටි MIND සමූහයේ සභාපතිවරයා වන අතර එයට එක්සත් ජාතීන්ගේ සංවිධානයේ පිළිගත් තිරසාර සංවර්ධනය පිළිබඳ විශිෂ්ටතා මධ්‍යස්ථානයක් වන ලාභ නොලබන මුණසිංහ සංවර්ධන ආයතනය (MIND) සහ දත්ත විශ්ලේෂණ සහ කළමනාකරණය කෙරෙහි අවධානය යොමු කරන MIND AM ඇතුළත් වේ. ඔහු දේශගුණික සහ සංරක්ෂණ සම්මේලනයේ (CCC) සභාපතිවරයා වන අතර ඔහු යුරේකා සමූහයේ අධ්‍යක්ෂවරයා ද වේ.තිරසාර ශ්‍රී ලංකාව 2030 දැක්ම පිළිබඳ ජනාධිපති විශේෂඥ කමිටුවේ සභාපතිවරයා වන ඔහු චීනයේ පීකිං විශ්ව විද්‍යාලයේ කීර්තිමත් ආරාධිත මහාචාර්යවරයා සහ ආසියානු භූ දේශපාලනය, තිරසාරභාවය සහ සාම කවුන්සිලයේ (AGSPeC) සභාපතිවරයා ද වේ.