ඇමරිකාවේ දකුණු කැරොලිනා ප්‍රාන්තයේ වෝල්ටර් උන්ඛෙහන් (73) සිරෙන් නිදහස් වූයේ පසුගිය 2011 වසරේදීය. ඒ බැංකුවක් කොල්ලකෑමේ චෝදනාවකට වරදකරු වී අවුරුදු 10 ක් සිරබත් කෑමෙන් පසුවය.

නිදහස් වූ දා පටන් නොයෙකුත් රැකියා සොයමින් ජීවිතය සරිකර ගැනීමට වෝල්ටර් උත්සාහ කළද මහලූ වියේ පසුවන ඔහුට රැකියා   දීමට කිසිවෙකුත් කැමැති වූයේ නැත.

සිරේදී ගත කළ ජීවිතය නිදහස්ව ගතකරනා මේ ජීවිතයට වඩා දහස් වාරයක් අගනේයැයි ඔහුගේ සිතට නැගුණු වාර අනන්තය. ‘නිදහස්ව‘ ජීවත් වීමට බැරි තැන නැවත සිරගත වීමට වෝල්ටර් තීරණය කරන්නේ කිසිත් කර ගත නොහැකි වූ තැනය.

සියල්ල සැළැසුම් කර ප්‍රදේශයේ බැංකුවක් කොල්ලකා ඇතැයි බලධාරීන්ට පණිවුඩයක් ලැඛෙන්නේ මේ අතරවාරයේදීය.වහා එතැනට යන ඔවුහු ආරක්ෂක කැමරා පට නිරීක්ෂණය කිරීම ආරම්භ කරන්නේ සොරා කවර තරාතිරමක පුද්ගලයෙකුදැයි දැනැගැනීම පිණිසය.ඔවුන් අපේක්ෂා කළ පරිදි මුහුණ වසා ගත් මැරවර පෙනුමින් යුත් පුද්ගලයෙකු වෙනුවට කැමරා පට වල සටහන්ව තිබූයේ තට්ටය පෑදුණු මහලූ වයසේ පුද්ගලයෙකු සිය කබාය අස්සේ සගවාගෙන සිටි රිවෝල්වරයක් පෙන්වා බැංකු සේවකයන් බිය කර මුදල් ලබා ගන්නා ආකාරයයි.මේ ‘සොරා‘ අඩුගණනේ මුහුණ ආවරණය වන පරිදි වෙස්මුහුණක්වත් පැළැද සිටියේ නැත.

මෙනිසා සොරා   අත්අඩංගුවට ගැනීමට බළධාරීන්ට ගතවනුයේ පැය කිහිපයකි.සොරා කවුරුත් හොදින් හදුනන වෝල්ටර්ය.ප්‍රශ්න කිරීම් හමුවේදී වෝල්ටර් පවසා ඇත්තේ පිටත නිදහස් ජීවිතයට වඩා තමන් සිරගෙදර ජීවිතය ප්‍රිය කරන බවයි.තමන් මරණයට පත් වන තුරු සිරගෙදර සිටිීමේ අරමුණින් මේ සොරකම සිදුකළ බව ඔහු කියා ඇත.වෝල්ටර්ට එරෙහිව චෝදනා ගොනු කරන බළධාරීන් පවසන්නේ වැරදිකරු වුවහොත් වෝල්ටර්ට වසර 20 කවත් සිර දඩුවමක් ලැඛෙනු ඇති බවයි.