මහා පරිමාණයේ යුද්ධයට සූදානම් වන්නැයි උතුරු කොරියාවේ තරුණ නායක කිම් ජොං උන් දකුණු කොරියාවටත් ඇමෙරිකාවටත් අනතුරු අඟවයි.
උතුරු කොරියානු නායකයා එම නව අනතුරු ඇඟවීම කළේ, ඔවුන් මීට පෙර කළ අනතුරු ඇඟවීම් සම්බන්ධයෙන් ඇමෙරිකාව සහ දකුණු කොරියාව සැපැයූ පිළිතුරුවලට ප‍්‍රතිචාර දක්වමිනි.
ඇමෙරිකාව කියා සිටියේ උතුරු කොරියාවේ තර්ජන සුළුකොට තැකිය නොහැකි නමුත් තමන් සමඟ ‘හැප්පීමට’ ඔවුන්ට ශක්තියක් නැති බවත්ය. දකුණු කොරියාව කීවේ උතුරු කොරියාවෙන් එල්ල වන  ඕනෑම අභියෝගයක් ජය ගැනීමට හැකි බවය.
එකසත් ජාතීන්ගේ සංවිධානය උතුරු කොරියාවේ ‘හිතුවක්කාර’ න්‍යෂ්ටික වැඩසටහනට විරෝධය පළ කරමින්, එරටට එරෙහිව නව වෙළෙඳ, ආර්ථික සහ රාජ්‍ය තාන්ති‍්‍රක සම්බාධක රැසක් ද පැනැවීමට මේ වනවිට කටයුතු යොදා ඇත.
උතුරු කොරියාව චෝදනා කරන්නේ තම රටට එරෙහිව සම්බාධක පැනැවීමට ඇමෙරිකාවත්, එක්සත් ජාතීන්ගේ සංවිධානයත් පෙළඹවූයේ දකුණු කොරියාව කියාය.