බටහිර මියන්මාරයේ ඇවිල යන වාර්ගික ගැටුම් වලින් මේ වන විට පුද්ගලයින් 60 දෙනකු ජීවිතක්ෂයට පත්ව ඇතැයි මියන්මාර ආරංචි මාර්ග කියයි. විනාශවී ඇති නිවාස ප‍්‍රමාණය 2000 කට ආසන්න බව සදහන්ය. ගැටුම් ඇතිවූයේ  රැක්නි හා රොහින්ග්යා ජන කොට්ඨාස දෙක අතරය.  රැක්නිවරුන් බෞද්ධයන් වන අතර රොහින්ග්යා ජන කොට්ඨාසයේ සිටින්නෝ මුස්ලිම්වරුය. රොහින්ග්යාවරුනට මියන්මාරයේ පුරවැසිභාවය මෙතෙක් ලබා දි නොමැත. ඔවුන් අතර සිටින බොහෝ දෙනා බංගලිදේශයේ සිට නීති විරෝධී ලෙස පැමිණි සංක‍්‍රමණිකයන් වන අතර ගණනින් 800000 පමණ දෙනා ඔවුන් අතර වන බව සදහන්ය. මියන්මාරයේ රැක්නිවරුන් හා රොහින්ග්යාවරුන් අතර ඉඩම් ආරවුල් මුල් කරගෙන නිරන්තරයෙන් ගැටුම් ඇතිවේ. එසේ වුවද පසුගිය ජූනි මාසයේ කාන්තාවක් දුෂණය කිරීමේ සිද්ධියක් මුල් කරගෙන දෙපාර්ශවය අතර දරුණු ලෙස ගැටුම් ඇවිල ගිය අතර එනිසා 75 දෙනෙකුට සිය ජීවිත   බොහෝ දෙනෙකුට උන්හිටිතැන් ද අහිමි විය. මෙවර ද එවන් තත්ත්වයක් ඇතිවීමේ ලකුණු පහළව ඇති හෙයින් කඩිනම් පියවර ගන්නැයි එක්සත් ජාතීන් ඇතුළු මානව හිමිකම් සුරැකීමේ සංවිධාන මියන්මාර රජයට බල කරමින් සිටී.