ප‍්‍රංශ පාර්ලිමේන්තු මැතිවරණය ඊයේ (10) ආරම්භ වූ අතර වත්මන් ජනපති ෆ‍්‍රන්සුවා  ඕලන්ද්ට පක්ෂපාතී සමාජවාදී කණ්ඩායම් එයින් ජයග‍්‍රහණය කරනු ඇති බවට අනාවැකි පළ වී තිබේ. වෙනත් යුරෝපීය රටවල් මෙන් ප‍්‍රංශය ද ආර්ථික අර්බුදයකට ලක් ව සිටින අවස්ථාවක, රටේ පවතින විරැකියාව සහ ණය බර පාලනය කිරීමට පාර්ලිමේන්තුවේ බලය ලැබුණහොත් එය ජනපති  ඕලන්ද්ට විශාල පිටුවහලක් වනු ඇත. පාර්ලිමේන්තු ඡන්දයේ ප‍්‍රථම වටයේ ඡන්ද විමසීම ඊයේ එරට වේලාවෙන් උදෑසන අටට ආරම්භ වූ අතර රාතී‍්‍ර අටට අවසන් විය. මැතිවරණය පැවැත් වුණේ ප‍්‍රංශ පාර්ලිමේන්තුවේ පහළ මන්තී‍්‍ර මණ්ඩලය හෙවත් ජාතික සභාවේ ආසන 377 වෙනුවෙනි. මැතිවරණයේ දෙවැනි වටය ලබන 17 වැනිදා පැවැත්වීමට නියමිතය.