පදික වේදිකාවේ සිය ජීප් රථය ධාවනය කළේයැයි  චෝදනා ලැබූ කාන්තාවකට ඇමරිකාවේ ක්ලීව්ලන්ඞ් නගරසභා අධිකරණය අපූරු දඩුවමක් නියම කළේය ඒ,‘‘පදික වේදිකාවේ රථ ධාවනය කරන්නන් මෝඩයෝය’’යන ලියැවුණු පුවරුවක් ප‍්‍රසිද්ධියේ දිනකට පැය 2 ක් බැගින් දින 2 ක් ප්‍රදර්ශනයට  එල්ලාගෙන සිටීමටය.ඇයගේ රියදුරු බලපත‍්‍රයද දින 30 කට බලපැවැත්වෙන පරිදි අවලංගු කෙරුණූ අතර ඩොලර් 250 ක දඩයක්ද නියම විය. මෙම කාන්තාව මග නවතා තිබූ පාසැල් සිසුන් ප‍්‍රවාහනය කළ බස් රථයකට ඉඩ නොදී පදික වේදිකාව මත සිය ජීප් රිය ධාවනය කරගෙන යන අයුරු පාසැල් බසයේ රියැදුරා සිය ජංගම දුරකථනයේ කැමරාවෙන් පටිගත කර  බලධාරීන්ට පෙන්වා තිබේ.පාසැල් බස් රථයේ රියැදුරා හා ඇයගේ අසල්වාසීන් සදහන් කරන ආකාරයට ඇය මෙසේ පදික වේදිකාවේ සිය රථය ධාවනය කරන්නේ කලක සිටය.එය සැළැකිල්ලට ගත් පොලිසිය මග සිට ඇය රථය එසේ රථය ධාවනය කරන අතරතුරේදීම අත්අඩංගුවට ගෙන අනතුරුව නඩු පැවැරීමට කටයුතු කර ඇත. (කො.වි.)