නැගෙනහිර ඇෆ්ගනිස්තානයේ ෆාරා නගරයේ අධිකරණයකට පෙරේදා (3) තලේබාන් සටන්කාමීන් පිරිසක් ඉතා සැලැසුම් සහගත අයුරින් ප‍්‍රහාරයක් එල්ල කළ අතර එයින් 44 දෙනෙක් ජීවිතක්ෂයට පත් වූහ. තුවාල ලැබූ ගණන 91 කි.
ප‍්‍රහාරය සඳහා සටන්කාමීන් නව දෙනකු පැමිණි අතර ඔවුන් පොලිස් නිල ඇඳුමින් සැරසී සිටි බව වාර්තා වේ.
සටන්කාමීන් අතර සිටි මරාගෙන මැරෙන බෝම්බකරුවන් දෙදෙනකු ඔවුන්ගේ බෝම්බ පුපුරුවා ගනිද්දී සෙසු සටන්කාමීහු අධිකරණ ගොඩනැගිල්ලට කඩා වැදී වෙඩි තැබීමට පටන් ගත්හ.
අධිකරණ ගොඩනැගිලේලේ ආරක්ෂාවට සිටි පොලිස් සහ හමුදා නිලධාරීහු සටන්කාමීන්ට ප‍්‍රතිප‍්‍රහාර එල්ල කළහ. එයින් සටන්කාමීහුද ජීවිතක්ෂයට පත්වූහ. මියගිය පිරිස අතර පොලිස් සහ හමුදා නිලධාරීහු ද සිටිති.