IMG-LOGO

2025 අගෝස්තු මස 29 වන සිකුරාදා


කැනඩා වැසියෝ ඡන්ද පොළට

කැනඩාවේ පාර්ලිමේන්තු මැතිවරණය ආරම්භ විය. ඒ, එරට පාර්ලිමේන්තුවේ නියෝජිත මන්ත්‍රී මණ්ඩලයට නියෝජිතයන් තෝරා පත් කර ගැනීම සඳහාය. 

කැනඩා පාර්ලිමේන්තුවේ නියෝජිත මන්ත්‍රී මණ්ඩලය ආසන 343 කින් සමන්විත වන අතර, බහුතරය සඳහා ආසන 172 ක් අවශ්‍ය වෙයි. කැනඩාවේ ප්‍රධාන දේශපාලන පක්ෂ දෙක වන්නේ ‘ලිබරල්’ පක්ෂය සහ ‘කොන්සවර්ටිව්’ පක්ෂයයි. 

කැනඩාවේ අග්‍රාමාත්‍ය ධුරය හිමිවන්නේ පාලක පක්ෂයේ නායකයාට වන අතර, මේ වනවිට බලයේ සිටින්නේ ලිබරල් පක්ෂයයි. ලිබරල් පක්ෂයේ නායක මාර්ක් කාර්නී කැනඩා මේ වනවිට අග්‍රාමාත්‍ය ධුරය හොබවයි. 

කාර්නී පක්ෂ නායකත්වයට පත්වූයේ පසුගිය මාර්තු මාසයේ පක්ෂ අභ්‍යන්තරයේ පැවැති ඡන්ද විමසුමකින් පසුවය. මෙම මැතිවරණයෙන් ජනවරමක් හිමිවුවහොත්, කාර්නී දිගටම කැනඩා අග්‍රාමාත්‍යවරයා ලෙස කටයුතු කරනු ඇත.

කැනඩාවේ ප්‍රධාන විපක්ෂය ලෙස සැලකෙන්නේ, කොන්සවර්ටිව් පක්ෂයයි. කොන්සවර්ටිව් පක්ෂයේ නායකයා සහ විපක්ෂ නායකයා ලෙස කටයුතු කරන්නේ පියේ පොලිවියේය. ඊට අමතරව, තවත් අපේක්ෂකයෝ පස් දෙනෙක් ද මැතිවරණයට ඉදිරිපත් වෙති.

පසුගිය ජනවාරියේ පැවැති ජනමත සමීක්ෂණවලින් පෙනී ගියේ කොන්සවර්ටිව් පක්ෂයට පැහැදිලි ජයක් හිමිවනු ඇති බවය. කෙසේ නමුත් විපක්ෂය වන ලිබරල් පක්ෂය ද කොන්සවර්ටිව් පක්ෂයට අභියෝගයක් වීමට ඉඩ ඇති බව මේ වනවිට පෙනී ගොස් ඇත. ඒ, ඇමෙරිකාවේ තීරු බදු හේතුවෙන්, කැනඩා ආර්ථිකයට එය එල්ල කරන බලපෑම හේතුවෙනි.

කැනඩාව, ඇමෙරිකාවේ අසල්වැසියාය. ලොව සෙසු රටවලට සේම, ඇමෙරිකන් ජනාධිපති ඩොනල්ඩ් ට්‍රම්ප්, කැනඩාවට ද තීරු බදු පනවා ඇත. මෙය කැනඩාවේ ආර්ථිකයට මරු පහරක් එල්ල කිරීමට සමත් විය. කාර්නී, පාලක කොන්සවර්ටිව් පක්ෂයේ නායකයා වීමට පෙර, පක්ෂ නායකයා වූයේත්, අග්‍රාමාත්‍යවරයා ලෙස කටයුතු කළේත් ජස්ටින් ටෲඩෝය.

ට්‍රම්ප්ගේ තීරු බදු සම්බන්ධයෙන් ට්‍රම්ප් සහ ටෲඩෝ අතරේ මත ගැටුම් පැවැති අතර, එම මත ගැටුම් හේතුවෙන් ටෲඩෝ කොන්සවර්ටිව් පක්ෂ සාමාජිකයන්ගේ අප්‍රසාදයට හේතුවක් වූ අතර, පක්ෂ නායකත්වයෙන් ඉල්ලා අස්වීමට ටෲඩෝ පියවර ගත්තේය. මාර්ක් කාර්නී අග්‍රාමාත්‍ය ධුරයට පත්වූයේ ඉන්පසු පක්ෂ අභ්‍යන්තරයේ පැවැති ඡන්ද විමසුමෙනි.

 

(ඒ.එෆ්.පී.)



අදහස් (2)

කැනඩා වැසියෝ ඡන්ද පොළට

සෙනරත් Monday, 28 April 2025 12:43 PM

කෝනී , ටෲඩෝ පාලක ලිබරල් පක්ශේ.... කොනසවර්ටිව් නොවේ

:       0       2

Steve Monday, 28 April 2025 05:15 PM

පක්ෂ පටලවලා.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15170 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 480 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

සියපත ෆිනෑන්ස් 55 වැනි ශාඛාව අම්බලන්ගොඩ දැන් විවෘතයි! 2025 අගෝස්තු මස 15 268 0
සියපත ෆිනෑන්ස් 55 වැනි ශාඛාව අම්බලන්ගොඩ දැන් විවෘතයි!

ශ්‍රී ලංකාවේ බැංකු නොවන මූල්‍ය සමාගම් අතර ප‍්‍රමුඛතම මූල්‍ය සමාගමක් මෙන්ම සම්පත් බැංකුවේ පූර්ණ හිමිකාරීත්වය සහිත මූල්‍ය සමාගම වන සියපත ෆිනෑන්ස් පීඑ

Our Group Site