නොකඩවා මහ වැසි ඇද හැලීමත් සමඟ නවසීලන්තයේ ඔ්ක්ලන්ඩ් නුවර ජලයෙන් යටවිය. නවසීලන්තයේ විශාලතම නගරය ලෙස සැලකෙන්නේ ඕක්ලන්ඩ්ය.

ඕක්ලන්ඩ් ජාත්‍යන්තර ගුවන්තොටුපොළ ද වසා දැමීමට බලධාරීහු පියවර ගත්හ. ජල ගැලීම් සමඟ මාර්ග අවහිර විය. නිවාස ජලයෙන් යට වෙද්දී විදුලිය බලය විසන්ධි කර දැමුණු බව ද වාර්තා වේ.

ඕක්ලන්ඩ් නගරාධිපති වේන් බ්‍රවුන් කියා සිටියේ ඕක්ලන්ඩ් නුවර වැසියන්ට මෙවැනි ආපදා තත්ත්වයකට මුහුණ දීමට සිදුවූයේ වසර ගණනකින් බවය. මහ වැසි සහ ජල ගැලීම්වලින් වැඩි බලපෑම් එල්ල වූයේ ඕක්ලන්ඩ් උතුරු වෙරළ ප්‍රදේශයේ වයිරෝ නිම්නයේ පදිංචි වැසියන්ටය.

විපතට පත්වුණු වැසියන්ට අවශ්‍ය සියලු පහසුකම් ලබා දීමට කටයුතු කරන බව නවසිලන්ත නව අග්‍රාමාත්‍ය ක්‍රිස් හිප්කින්ස් පවසා ඇත.

මේ අතර නවසීලන්ත කාලගුණ විද්‍යා දෙපාර්තමේන්තුව නිවේසනය කර ඇත්තේ ඕක්ලන්ඩ් නගරයට පතිත වූයේ වාර්තාගත වර්ෂාපතනයක් බවය.

(බිබීසී)