ඇලන් ස්ටැන්ලි (21) සිය මව වන මේරි ඈන් හා සිය බිරිද වන සෝනියා (22)  සමග ලන්ඩනයේ  වික්ටෝරිය උමං දුම්රිය පොළෙන්දුම්රියකට නැගුණේ මේඩ්ස්ටෝන් බලා යාමේ අරමුණෙනි.සෝනියා මාස 9ක ගැබිණියක වූ අතර ඇයගේ දරු ප්‍රසූතියට දින යෙදී තිබුණේ එළැඹෙන සතියේය.

දුම්රිය ගමන් ආරම්භ කර මද වේලාවක් ගත විය.සිය සැමියා සමග කතාබහේ නිරතව සිටි සෝනියා හට එක්වරම විලිරුදා ඇතිවන්නේ ඇලන්ට හා ඔහුගේ මව වන මේරි ඈන්ට කරකියා ගැනීමට දෙයක් ඉතිරි නොකරය.

වහා ඔවුන්ගේ සහයට එන දුම්රියේ අනෙකුත් මගීන් දුම්රිය රියැදුරු  හා ගාඩ් දැනුම්වත් කිරීමට කටයුතු කරන්නේ මේ අතරය.ඒ අනුව රියැදුරු දුම්රිය මග නතර කරන අතර ගාඩ් ඇලන් හා සෝනියා සිටි මැදිරියෙන් අනෙකුත් මගීන් ඉවත් කර ඔවුන්ට ඉඩ කඩ ලබා දීමට කටයුතු කරන්නේ සිය බලධාරීන්ගෙන් ලැබුණු උපදෙස් අනුවය. රියදුරු  රොබ් ප්‍රීයඩි දුමිරියේ ශබ්ද විකාශන යන්ත්‍රයෙන්  එහි සිටින වෛද්‍ය සේවක සහාය පැතීය.

සේවය නිමකර නිවෙස් බලා යමින් සිටි හා හෙදියක වින්නඹුවකහා පොලිස්  නිලධාරින්  සෝනියාගේ සහයට පැමිණෙන්නේ ඇලන්ට මහත්ම අස්වැසිල්ලක් වෙමිනි.විනාඩි 15 ක්  වේදනා  නැති ප්‍රසවයෙන් පසු  සෝනියා රාත්තල් 6 යි අවුන්ස 13 ක දියණියක බිහි කළාය. ඇය ඇගේ දෙවැනි  දරුවාය. දුම්රිය ගාඩ්  කොලින් බ්රූකර් කීවේ  උපත  ලියාපදිංචිය සදහා පුජකයකු හැර සෙසු සියළු දෙනාම සිටි බවයි. දුම්රිය විනාඩි 45 ප්‍රමාද වීම ගැන  ඇලන් ද දුම්රිය රියදුරු ද  මගීන්ට සිය කනගාටුව පළ කළහ.  දරුවාත් මවත්  රෝහලට ගෙන යාම සදහා  ගිලන් රථයට ගොඩ කරද්දී   මගීහුදුම්රිය වේදිකාවේ  පෙළ ගැසී අත්පොළසන්  දී සිය සතුට පළ කළහ.

‘‘සියල්ල සිදුවුණේ හරිම ඉක්මනින්.ඔක්කොටම ස්තූතියි.විශේෂයෙන් රියැදුරු හා ගාඩ් මහත්වරුන්ට.සහ මගේ බිරිදට උපකාර කළ ඒ හෙදියට හා වින්නඹු කාන්තාවට.‘‘පවසන්නේ සතුටින් ඉපිළි  සිටි ඇලන්ය. දුමිරිය  සමාගම ද මවට මල් කළඹක් එවා සුබ පැතීය.

සෝනියා හා ඇයගේ දියණිය රෝහල් ගත කරනු ලැබුහ.ඔවුන් දෙදෙන හොද සුවයෙන් පසුවන බව වෛද්‍යවරු කියති.