මතභේදාත්මක ඉරාන න්‍යෂ්ටික වැඩසටහන සම්බන්ධයෙන් ඉරානය සහ ලෝකයේ බලවත් රටවල් අතර විශේෂ හමුවක් ඊයේ (23& ඉරාකයේ බැග්ඩෑඞ් නුවරදී පැවැත්විණි. ඉරාන න්‍යෂ්ටික වැඩසටහන ලොවට තර්ජනයක් ද නැද්ද යන්න තීරණය කිරීමට ඇමෙරිකාව ද ඇතුළු ලෝකයේ බලවත් රටවල් 6 ක නියෝජිතවරු එම හමුවට සහභාගී වූහ. එම හමුව නිමිත්තෙන් බැග්ඩෑඞ් නුවරට විශේෂ ආරක්ෂාවක් ද යොදා තිබුණි. ඉරානය මෙම හමුවට සහභාගී වන්නේ අන්තර් ජාතික පරමාණු ශක්ති ඒජන්සියේ ප‍්‍රධානී යුකියා අමානෝ ඉකුත් සඳුදා (21) ඉරානයට පැමිණ එරට න්‍යෂ්ටික කටයුතු සම්බන්ධ ප‍්‍රධානී සෙයිඞ් ජලීල් හමුවී සාකච්ඡා කිරීමෙන් ද පසුවය. ඉරානය ඔවුන්ගේ න්‍යෂ්ටික වැඩසටහන කි‍්‍රයාත්මක කළේ රටේ බලශක්ති අර්බුදයට විසඳුමක් සෙවීමේ අරමුණින්ය. එහෙත් ඇමෙරිකාව ප‍්‍රමුඛ බටහිර රටවල් චෝදනා කරන්නේ ඉරානය හොර රහසේ පරමාණු බෝම්බ නිපදවන බවටය. ඉරානයට එරෙහිව ආර්ථික සහ වෙළෙඳ සම්බාධක පැනැවීමට ඇමෙරිකාව, යුරෝපා සංගමය සහ එක්සත් ජාතීන්ගේ සංවිධානය පියවර ගෙන ඇත්තේ ද එම නිසාය.