ඉරාන ජනපති මහමුද් අහ්මඩිනෙජාඞ් කැදවා ප‍්‍රශ්න කිරීමට ඉරාන පාර්ලිමෙන්තුව සැරැසේ. ඒ ඉරානයේ මේ දිනවල ඇතිව තිබෙන දරුණු ආර්ථික අර්බුදය නිසාය බටහිර රටවල් ඉරානයට පනවා ඇති සම්බාධක නිසාවෙන් සිය රටට මෙවන් තත්ත්වයකට මුහුණ පෑමට සිදුව ඇතැයි පවසන ඉරාන පාර්ලිමෙන්තුව ජනපති අහ්මඩිනෙජාඞ් සිය වගකීම් පැහැර හැරීමෙන් මෙවන් තත්ත්වයක් ඇති වී යැයි  චෝදනා කරයි.පාර්ලිමෙන්තු මන්ත්‍රී  77 දෙනකු වත්මන් ජනපතිවරයාට එරෙහිව පෙත්සමක්ද අත්සන් කර ඇත්තේය. ඉරාන නීතියට අනුව නිදහසට කරුණු දැක්වීමට ජනපති අහ්මඩිනෙජාඞ්ට මසක කාලයක් ලැබේ බටහිර රටවල් ඉරානයට සම්බාධක පනවා ඇත්තේ එරට කි‍්‍රයාත්මක වන න්‍යෂ්ඨික වැඩසටහන ලෝක සාමයට තර්ජනයක් බව කියමිනි. මේ සම්බාධක නිසා ඇමෙරිකා ඩොලරයට සාපේක්ෂව ඉරානයේ මුදල් ඒකකය වන රියාලය  විශාල වශයෙන් බාල්දු වී ඇත. කෝ.වි