ඉන්දීය කොංග‍්‍රස් පක්ෂ රජයේ මුදල් ඇමැති ධූරය හෙබවූ ප‍්‍රණාබ් මුඛර්ජී පෙරේදා (26) සිය ධුරයෙන් ඉල්ලා අස්වූයේය. ඉන්දියාවේ ප‍්‍රවීණ දේශපාලනඥයකු මෙන්ම ඉන්දීය කොංග‍්‍රස් රජයේ ඇමැති ධුර රැුසක් හොබවා ඇති 77 හැවිරිදි වියෙහි පසුවන ප‍්‍රණාබ් මුඛර්ජී මුදල් ඇමැති ධුරයෙන් ඉවත් වූයේ ලබන ජූලි මාසයේ පැවැත්වෙන ඉන්දීය ජනපතිවරණයට ඉදිරිපත් වීමේ අරමුණින්ය. ඒ අනුව මුඛර්ජි මුදල් ඇමැති ධූරයෙන් ඉවත්වීමෙන් පසුව තාවකාලිකව ඉන්දීය මුදල් අමාත්‍යාංශයේ කටයුතු අගමැති මන්මොහන් සිං තමා යටතට ගෙන ඇති බව වාර්තා වේ. ‘මුදල් අමාත්‍යාංශයේ කටයුතු අගමැතිවරයා යටතට ගෙන තිබෙනවා. නව මුදල් ඇමැතිවරයකු පත් කිරීමට නිසි කාලය එළඹෙන තුරු මාසයක දෙකක පමණ කාලයක් ඔහු එම අමාත්‍යාංශයේ ප‍්‍රධානත්වය දරනු ඇත.’ යනුවෙන් ඉන්දීය අගමැති කාර්යාලය විශේෂ නිවේදනයක් නිකුත් කරමින් කියා සිටී. ලබන ජූලි 19 වැනිදා ඉන්දීය ජනපතිවරණය පැවැත්වෙන්නේ වත්මන් ජනපතිනී ප‍්‍රතිභා පාතිල්ගේ ධුර කාලය අවසන් වීමත් සමඟය. ඉන්දියාවේ ජනපති ධුරයට පත්වුණු ප‍්‍රථම කාන්තාව වන්නේ ද ප‍්‍රතිභා පාතිල්ය. මුඛර්ජී ජනපති ධුරයට සුදුස්සකු නොවන බව කොංග‍්‍රස් රජයට සහාය දක්වන සන්ධාන පක්ෂ පවසයි. ඔවුන් පවසන්නේ අගමැති මන්මෝහන් සිං ජනපතිධුරයට සුදුස්සා කියාය.