පණ නැති දෙපා නිසා තැවෙමින් නොසිට පණ ඇති අත් භාවිතා කර ජීවිතය ජය ගැනීමට වෙර දරනා කුඩා දරුවෙක් චීනයේ හේනාන් ප්‍රාන්තයේ සිටී.

ඩෙන්ග් සොන්ග්චෙන්ග් නම් වන මේ දරුවා දහතුන් හැවිරිදිය.ඉපිද ඉතා කෙටි කලකදී පෝලියෝ රෝගය වැළැදීම නිසා ඩෙන්ග් හට සිය දෙපා වල සහය අහිමිය.ඩෙන්ගේ දෙපා වලට කිසිදු ආකාරයකින්

කි‍්‍රයාකාරී විය නොහැකි.ඔහුගේ දෙමව්පියන් මුළු සේසතම වියදම් කර ඇත්තේ ඩෙන්ග් කෙසේ හො සුවපත් කිරීම සදහාය. ඒ සියල්ල ගගට කැපූ ඉණි මෙන් වී ඇත්තේ ඩෙන්ග් ලද සුවයක් නොවූ බැවින්ය.

සිය දෙමව්පියන්ගේ උත්සාහය දැක ඩෙන්ග්ද සිය දුබලතාවයෙන් ගොඩ ඒමට ක‍්‍රමයක් සොයන්නට පටන් ගන්නේ මේ අතරතුරය.ඩෙන්ගේ දෙමව්පියන්ට ඔහුට රෝද පුටුවක්වත් අරන්දීමට තරම් වත් මුදල් නැත.මෙනිසා අවුරුදු 6 ක් වන තෙක්ම බඩගෑමෙන් ගමන් කිරීමට පුරුදුවන ඩෙන්ග් පසුව සිය අත් ‘‘පාද‘‘ ලෙස භාවිතා කරන්නට හැකිදැයි සොයාබලන්නේය.තමන්ගේ මේ කටයුත්ත නිසා ඇතැමුන්ගේ සිනාවටද භාජනය වන ඩෙන්ග් ඒ සියල්ල හමුවේ නොසැලී අවුරුදු ගණනක් ගතකොට අවසානයේ සිය අත් ආධාර කර ගෙන ‘‘ඇවිද‘‘ යන්නට සමත් වන්නේය.

‘‘අත්‘‘ ආධාර කරගෙන ඔහුට ගස් නැගීමට පවා පිළිවන් බව සදහන්ය.දුබලතාවය නිසා ඩෙන්ග් අයදුම් කළ සියලූ පාසැල් වලින් ඔහුව ප‍්‍රතික්ෂේප කර ඇති අතර අන්තිමේදිී ඔහුගේ මේ වික‍්‍රමය දුටු එක් පාසැලක් ඩෙන්ග්ට ශිෂ්‍යත්වයක් පිරිනමා පාසැලට බදවා ගැනීමට සැරසෙන බව ඔහුගේ මව්පියන් කියයි.