අයි එස් ත්‍රස්තයින් සමග සම්බන්ධකම් පැවැත්වූ බව කියන ඕස්ට්‍රේලියාවේ 16 හැවිරිදි ළමයින් දෙදෙනකු අත්අඩංගුවට ගත් බව එරට මාධ්‍ය පවසයි.එම ත්‍රස්තයින්ගේ පෙළඹවීම මත ප්‍රහාරයක් සිදු කිරීමට සූදානම් වෙමින් සිටියදී ආගමික දේවස්ථානයක් අසලදී අත්අඩංගුවට ගත් බව වාර්තා වෙයි.

ඔවුන් සතුව තිබී අයි එස් ත්‍රස්තයින්ගේ සටහන් කිහිපයක් හා පිහි දෙකක් පොලිස් නිලධාරීහු සොයාගත්හ. ඔවුන් දෙදෙනාගෙන් එක් අයකු ත්‍රස්ත ක්‍රියා වලට සම්බන්ධ කෙනකුගේ පුතකු බව මාධ්‍ය පවසයි.නමුත් පොලිසිය ඒ සම්බන්ධයෙන් අදහස් දැක්වීම ප්‍රතික්ෂේප කරයි.

ත්‍රස්තවාදී ක්‍රියා යටතේ ඔව්‍රන් දෙදෙනාට චෝදනා ගොනු කළ බව පොලිසීය පවසයි.ඔවුන් මේ වන තෙක් ඇප අයදුම් කර නැතැයි ද කියයි. ත්‍රස්තවාදය වැළැක්වීම සදහා නිතරම පරීක්ෂණ සිදුකරන බව බලධාරීහු පවසති.