මෙතෙක් හමුනොවූ කිලෝ 350ක් බරැති යෝධ දැල්ලන් විශේෂයක දැල්ලකු ධීවරයන් පිරිසකට හමුවී ඇති බවත් ඒ දැල්ලා කෞතුකාගාරයට ගෙනගොස් පරීක්ෂණ කටයුතු අවසන්වීමෙන් පසු මහජන ප්රදර්ශනය සඳහා තබන බවත් නවසීලන්ත විද්යාඥයෝ පිරිසක් කියති.
දැල්ලා හමුවී ඇත්තේ ඇන්ටාක්ටිකාවට එපිටින් ඇති රෝස් මුහුදේ දී ය. ධීවර යාත්රාවේ කපිතාන් ජෝන් බෙනට් පවසන්නේ මේ දැල්ලා කුඩා ලොරියක් තරම් විශාල බවයි. කිලෝ 350ක් බරැති දැල්ලා ගැහැනු සත්ත්වයෙකි. ඉදිරිපස ඇති බාහු දෙක මීටරයක් පමණ දිගු බවත් ග්රාහිකා එමෙන් දෙගුණයක් පමණ වන බවත් පර්යේෂකයෝ කියති.
නවසීලන්තයේ ඕක්ලන්ඩ් විශ්වවිද්යාලයේ විද්යාඥ කැට් බොල්ස්ටැඩ් පවසන්නේ මේ දැල්ලා කලින් දක්නට නොලැබුණු විශේෂයක් බවයි.
‘‘ මේ මා දුටු විශාලත ම දැල්ලායි. මේ දැල්ලා සතුව බිත්තර විශාල සංඛ්යාවක් තිබුණා. අපි මෙවැනි දැල්ලෙක් සොයා ගැනීමට අපේක්ෂාවෙන් සිටියා. මේ එය සාර්ථකවීමක්. මීට පෙර මේ ආකාරයේ දැල්ලෙක් හමුවී තිබුණත් පරීක්ෂණ සඳහා තවත් සතකු අවශ්යව තිබුණා. “ යැයි ඔහු පවසයි. කලින් හමුවූ දැල්ලා නවසීලන්තයේ ටෙ පැපා හි පිහිටා ඇති ජාතික කෞතුකාගාරයේ තැන්පත් කැර ඇත.
දැල්ලා අල්ලාගත් ධීවරයන් යළි ගොඩබිමට පැමිණ ඇත්තේ මාස අටකට පසුවය. ඒ කාලයේ දැල්ලා ශීතාගාරයක තබා තිබූ බව ද ඔවුහු කියති. පර්යේෂකයන් පවසන්නේ මේ යෝධ දැල්ලන් විශේෂය සම්බන්ධ පරීක්ෂණ අවසන්කර ඉතා නුදුරු දිනක ඒ සම්බන්ධ පරීක්ෂණ වාර්තාව එළිදක්වමින් දැල්ලා සත්ත්ව විද්යාත්මකව නම්කරන බවයි.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
ලොරියක් තරම් දැල්ලෙක් හමුවෙයි
දාස Saturday, 20 September 2014 04:18 AM
ජපනාට අහුවුනානම් සැහෙන පිරිසකට රස බලන්න තිබුන (අ)
ලතා පළිහේන Thursday, 18 September 2014 02:29 PM
පුදුම වුණත් ඇස් දෙකටම දැක්කා (නි)
රනා Friday, 19 September 2014 05:31 AM
මුව බයිට් එකට ගන්න නම් විස්කි බවුසරක් වත් ඕන. (අ)
සමන් Thursday, 18 September 2014 04:28 PM
නියමයිනේ! (නි)
චතුර Thursday, 18 September 2014 04:48 PM
ගැඹුරු මුහුදේ තවත් කතාවක්! (නි)
වික්ටර් Thursday, 18 September 2014 06:21 PM
මටත් එකපාරටම මතක් වුනේ "ගැඹුරු මුහුද" නවකතාව. හැබැයි ඒකේ අල්ලන්නේ යෝධ බූවල්ලෙක්. (නි)
කිරි ගමරාල Thursday, 18 September 2014 06:53 AM
ආර්තර් සී ක්ලාර්ක් මහත්තයේගේ "ගැඹුරු මුහුද" නව කතාවෙත් යෝධ දල්ලෙක් ඇල්ලීම ගැන ලස්සනට ලියා තිබෙනවා. (ස)