කැරිබියානු දූපත් රාජ්‍යයක් වන හයිටියට මහ වැසි ඇද හැලෙමින් පවතින බවත්, හටගත් ජල ගැලීම් හේතුවෙන් මේ වනවිට හතලිස් දෙදෙනකු ජීවිතක්ෂයට පත් වී ඇති බවත් එරට මාධ්‍ය වාර්තා කරයි.

හයිටිය යනු දේශපාලනික වශයෙන් අස්ථාවර වූ රාජ්‍යයකි.

හයිටි රජය නිකුත් කළ නිවේදනයක දැක්වූයේ ජල ගැලීම් හේතුවෙන් එකලොස් දෙනකු අතුරුදන් බවත්, 13,500 කට උන්හිටිතැන් අහිමි වී ඇති බවත්ය.

දේශපාලන අර්බුදය නිසාම, හයිටිය ආර්ථික වශයෙන් ද කඩා වැටීමකට ලක් වී තිබේ. මේ වනවිට දේශගුණික විපර්යාසවල බලපෑම ද හයිටියට දැනෙන්න පටන්ගෙන ඇතැයි කාලගුණ විද්‍යාඥයෝ පවසති.

මහ වැසි සහ ජල ගැලීම් හටගෙන ඇත්තේ දේශගුණික විපර්යාස හේතුවෙන් නිර්මාණය වූ විපරිත කාලගුණ පෙරැළි නිසා යැයි කාලගුණ විද්‍යාඥයෝ පැහැදිලි කරති.

(රොයිටර්)