එලැඹෙන නොවැම්බරයේ පැවැත්වෙන ඇමෙරිකන් ජනාධිපතිවරණයට ඉදිරිපත් නොවීමට තමන් තීරණය කිරීම සම්බන්ධයෙන් ඇමෙරිකන් ජනාධිපති ජෝ බයිඩන් පළමු වරට කරුණු පැහැදිලි කළේය. ඒ, බයිඩන්, එම තීරණය ගැනීමෙන් පසු, සිය පළමු රූපවාහිනී සම්මුඛ සාකච්ඡාවට එක් වෙමිනි.

තමන් ඩිමොක්‍රටික් පක්ෂ ජනාධිපති ධුර අපේක්ෂකත්වයෙන් ඉවත් වී, උප ජනාධිපති කමලා හැරිස් ඒ සඳහා නම් කළේ ප්‍රජාතන්ත්‍රවාදය තහවුරු කිරීමට බව බයිඩන් පැහැදිලි කළේය. තම වයස තමන්ට බාධාවක් වූ බව ද බයිඩන් එම සම්මුඛ සාකච්ඡාවේදී පිළිගත්තේය. 

ඇමෙරිකාව් ප්‍රජාතන්ත්‍රවාදව තහවුරු කිරීමට නම්, රිපබ්ලිකන් පාක්ෂික ඩොනල්ඩ් ට්‍රම්ප් යළි ඇමෙරිකාවේ ජනාධිපති ධුරයට පත් නොවිය යුතු යැයි ද ජෝ බයිඩන් අවධාරණය කළේය. තමන් නම් කළ ඩිමොක්‍රටික් පක්ෂ ජනාධිපති ධුර අපේක්ෂිකාවට පූර්ණ සහාය ලබා දෙන්නැයි ද බයිඩන් සමස්ත ඇමෙරිකානුවන්ගෙන් ඉල්ලා සිටියේය.

(ඒ.එෆ්.පී.)