ඇමෙරිකා එක්සත් ජනපදයේ කොලරාඩෝ ජනපදයේ බෝල්ඩර් හි සිදු වූ වෙඩි තැබීමකින් පොලිස් නිලධාරියකු ඇතුළු 10 දෙනකු මරණයට පත්ව ඇත.

වෙඩි තැබීම සිදු වූ ස්ථානයට පැමිණි පොලිස් නිලධාරියකු මෙලෙස මරණයට පත්ව ඇති අතර මෙම වෙඩි තැබීමට සම්බන්ධ සැකකරුවකු ද තුවාල ලබා ඇත. ඔහු මේ වනවිට පොලිස් අත් අඩංගුවේ පසුවන බව කොලරාඩෝ ජනපද බලධාරීහු සිදුවීමෙන් අනතුරුව ප්‍රවෘත්ති සාකච්ඡාවක් පවත්වමින් කීහ.

සතියක් තුළ ඇමෙරිකාවේ සිදු වූ දෙවැනි මාරාන්තික වෙඩි තැබීම මෙය වේ.

කොලරාඩෝ ජනපදයේ අගනගරය වන ඩෙන්වර් නගරයෙන් සැතැපුම් 28 ක් වයඹ දිගට වන්නට පිහිටි බෝල්ඩර් හි ටේබල් මේසා හි පිහිටි සුපිරි වෙළෙද සැලකදී මෙම වෙඩි තැබීම සිදු වී ඇත.

ඇට්ලන්ටාවේදී ඉකුත් අඟහරුවාදා සිදු වූ වෙඩි තැබීමකින් ආසියානු කාන්තාවන් හයදෙනකු අට දෙනෙක් ජීවිතක්ෂයට පත්වූහ. එම වෙඩි තැබීම සම්බන්ධයෙන් 21 හැවිරිදි තරුණයකු ට චෝදනා එල්ල වී තිබේ.

(රොයිටර්)