එසැණ පුවත්

පාර්ලිමේන්තුවේ 35ක් ගෙදර

පාර්ලිමේන්තුවේ නිලධාරීන් සහ සේවකයන් 35 දෙනෙකු පසුගිය 31 වෙනිදා විශ්‍රාම ගොස් ඇතැයි පාර්ලිමේන්තු ආරංචි මාර්ගවලින් පැවසේ.

02 January 2023

පුංචි ඡන්දෙට එජාපයත් සම්මුඛ පරීක්ෂණ අරඹයි

ඉදිරි පළාත් පාලන මැතිවරණය සඳහා එක්සත් ජාතික පක්ෂයේ අපේක්ෂකයන් තෝරා ගැනීමත් ආසන සංවිධායකවරුන් පත් කර ගැනීමත් සඳහා අයදුම්පත්‍ර බාර ගැනීමෙි සම්මුඛ පරීක්ෂණ පිටකෝට්ටේ සිරිකොත එජාප මූලස්ථානයේ දී හෙට (4) සිදු කෙරෙන බව එජාප මහලේකම් පාලිත රංගේ බණ්ඩාර මහතා පැවසීය.

02 January 2023

මහජන උපයෝගිතා කොමිසමට දේශපාලන බලපෑම් එල්ල වෙනවා

මහජන උපයෝගිතා කොමිසමේ ස්වාධීන බව නැති කිරීමට දේශපාලන අධිකාරිය විවිධ ක්‍රියාමාර්ග ගනිමින් සිටින බවත් එය ඉතිහාසගත වැරදක් බවත් මහජන උපයෝගිතා කොමිසමේ සභාපති ජනක රත්නායක මහතා අද (2) පැවසීය.

02 January 2023

පුංචි ඡන්දය කල්දැමීමට ජනමත විචාරණයක් ඕනේ

පළාත් පාලන මැතිවරණය කල්දැමීමට නම් ජනමත විචාරණයක් පැවැත්විය යුතු යැයි ශ්‍රේෂ්ඨාධිකරණය නඩු තීන්දුවකින් පැහැදිළිව ප්‍රකාශකර ඇති බවත් මාර්තු 20 වැනිදාට පෙර මැතිවරණය පැවැත්වීම අනිවාර්ය බවත් හිටපු අමාත්‍ය, පාර්ලිමේන්තු මන්ත්‍රී මහාචාර්ය ජී. එල්. පීරිස් මහතා අද (2) පැවසීය.

02 January 2023

මුද්‍රණ ලොක්කෝ හිතුමතේට දීමනා දීලා

රාජ්‍ය මුද්‍රණ දෙපාර්තමේන්තුව නීත්‍යානුකූල නොවන ආකාරයට 2018 වර්ෂයේ සිට 2021 දක්වා රුපියල් මිලියන 650 සේවක දීමනා වශයෙන් ගෙවා ඇති බව විගනන පරීක්ෂණවලින් අනාවරණය වී ඇත.

02 January 2023

උද්ධමනය පහළ යැවූ හැටි නන්දලාල් කියයි

නොවැම්බර් මස උද්ධමනය සියයට 61ක් සහ දෙසැම්බර් මස උද්ධමනය සියයට 57.2 දක්වා අඩු වීමෙන් ඉකුත් වසරේ අප්‍රේල් මස ක්‍රියාත්මක කළ ප්‍රතිපත්ති සාර්ථක වී ඇති බව පෙනී ගොස් ඇතැයි මහ බැංකු අධිපති ආචාර්ය නන්දලාල් වීරසිංහ මහතා ප්‍රකාශ කළ බව බිස්නස් ස්ටෑන්ඩර්ඩ් පුවත්පත වාර්තා කර ඇත.

02 January 2023

22ට වඩා 23 ඉතාමත් දුෂ්කරයි

ගෝලීය ආර්ථිකයට විශාල දායකත්වයක් ලබා දෙන චීන, යුරෝපා සහ ඇමෙරිකා එක්සත් ජනපද ආර්ථිකයන් මන්දගාමී වීම හේතුවෙන් පසුගිය වසරට වඩා ලැබුවා වූ නව වසර ඉතාමත් දුෂ්කර වනු ඇතැයි ජාත්‍යන්තර මූල්‍ය අරමුදලේ කළමණාකාර අධ්‍යක්ෂිකා ක්‍රිස්ටලීනා ජොර්ජීවා ප්‍රකාශ කර ඇත.

02 January 2023

දුම්රිය රැසක් පස්වරුවේ නවතියිද?

දුම්රිය සේවක හිඟය හේතුවෙන් අද (2) පස්වරුවේ දුම්රිය රැසක් අවලංගු වීමේ අවදානමක් ඇති බව දුම්රිය ස්ථානාධිපති සංගමයේ උසස් නිලධාරියෙක් පැවසීය.

02 January 2023

නව විභාග කොමසාරිස් ජනරාල් වැඩ අරඹයි

නව විභාග කොමසාරිස් ජනරාල්වරයා ලෙස අමිත් ජයසුන්දර මහතා අද (2) උදෑසන වැඩ භාර ගත්තේය.

02 January 2023

භාණ්ඩාගාරයට බදු නොදුන් අයතන සේවකයන්ට නිවාඩු සල්ලි නෑ

භාණ්ඩාගාරයට ගෙවිය යුතු ලාභාංශ හෝ අය බදු ගෙවා නොමැති රාජ්‍ය ආයතනවල සේවකයන්ට ඉතිරි කරගත් නිවාඩු මත දීමනා ගෙවීම අත්හිටුවා ඇත.

02 January 2023

කඹ ඇදිලි බෑ: ඔක්කොම එක්ව රට ගොඩ දාමු

සමස්ත ආණ්ඩුව ම එකම යාන්ත්‍රණයක් වන බැවින් අමාත්‍යාංශ අතර කඹ ඇදීම් සිදුවිය නොහැකි බව ජනාධිපති රනිල් වික්‍රමසිංහ මහතා නව වසරේ වැඩ අරඹමින් පැවසීය.

02 January 2023

මැකෝගෙන් පළාත් පාලන ඡන්දය ගැන ඉඟියක්

පළාත් පාලන මැතිවරණය සඳහා නාමයෝජනා කැඳවීමේ ගැසට් පත්‍රය මේ සතියේ දී ප්‍රකාශයට පත් කරන බව මැතිවරණ කොමිසමේ සභාපති නීතිඥ නිමල් පුංචිහේවා මහතා කීය.

02 January 2023

වැඩිම ජල නාස්තිය පාසල්වල

පාසල් පරිශ්‍ර ජල නාස්තිය( අපතේ යෑම) සිදුවන ප්‍රධාන ස්ථානය ලෙස හඳුනාගෙන ඇතැයි ජාතික ජලසම්පාදන හා ජලාපවාහන මණ්ඩලය පවසයි.

02 January 2023

අලුත් අවුරුද්දේ පාර්ලිමේන්තු රැස්වීම 5වැනිදා

නව වසරේ පළමු පාර්ලිමේන්තු රැස්වීම ලබන 5 වැනිදා බ්‍රහස්පතින්දා පැවැත්වෙන බව පාර්ලිමේන්තු මහලේකම් ධම්මික දසනායක මහතා පැවසීය.

02 January 2023

අයවැයෙන් ගොවිතැනට හොඳට සලකලා

ගොවිජන සංවර්ධන දෙපාර්තමේන්තුව 2023 වසරේ ක්‍රියාත්මක කිරීමට සැලසුම් කර ඇති යෝජනා සියල්ලටම අවශ්‍ය මුදල් අයවැය ලේඛනයෙන් අනුමත කර ඇතැයි කෘෂිකර්ම, වනජීවී හා වනසම්පත් සංරක්ෂණ අමාත්‍ය මහින්ද අමරවීර මහතා පැවසීය.

02 January 2023

ආනයන සහ අපනයන පහසු කරන්න ගැසට්ටුවක්

ආනයන සහ අපනයන ක්‍රියාවලිය පහසු වීම සඳහා භාණ්ඩ වර්ග 142 කට රේගු HS කේතය හඳුන්වාදීමට හඳුන්වා දීමට ඉදිරියේදී කටයුතු කරන බව මුදල් රාජ්‍ය අමාත්‍ය රංජිත් සියඹලාපිටිය මහතා පැවසීය.

02 January 2023

ජනපති නව වසරේ වැඩ අරඹයි

ජනාධිපති රනිල් වික්‍රමසිංහ මහතා ජනාධිපති කාර්යාලයේදී අද නව වසරේ වැඩ ආරම්භ කළේය.

02 January 2023

අද දවසේ අහස පැහැදිලි

දිවයිනේ ප්‍රධාන වශයෙන් වැසි රහිත කාලගුණයක් පවතින බව කාලගුණ විද්‍යා දෙපාර්තමේන්තුව පවසයි.

02 January 2023

දඹුල්ලෙන් ගංජා කිලෝ 5ක් අල්ලයි

යාපනයේ සිට දඹුල්ලට ගෙනැවිත් දඹුල්ල විහාර හන්දියේ නිවසක වළදමා තිබූ කේරළ ගංජා කිලෝ 5 කට අධික ප්‍රමාණයක් සැකකරුවකු සමඟ අත්අඩංගුවට ගත් බව දඹුල්ල පොලිසිය කියයි.

02 January 2023

නීල් බණ්ඩාර හපුහින්න වැඩ බාර ගනී

රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමත්‍යාංශයේ නව ලේකම්වරයා ලෙස පත්වූ නීල් බණ්ඩාර හපුහින්න මහතා කොළඹ පිහිටි ඒම අමාත්‍යාංශයේදී සිය රාජකාරී ආරම්භ කළේය.

02 January 2023

රියදුරු බලපතත් කිව්.ආර් වේ

මෙම වසරේ සිට රියදුරු බලපත්‍රය යාවත්කාලීන කරන සෑම රියදුරෙක්ටම කිව්.ආර්. කේතය සහිත නව රියදුරු බලපත්‍රය නිකුත් කරන බව මෝටර් රථ ප්‍රවාහන කොමසාරිස් (සංවර්ධන) කුසලානි ද සිල්වා මහත්මිය පැවසුවාය.

02 January 2023

ගම්පහ ඩෙංගු වැඩි වේ

ගම්පහ දිස්ත්‍රික්කයේ ඩෙංගු රෝග තත්ත්වයේ විශාල වශයෙන් වැඩි වීමක් පෙන්නුම් කරන බවත් මෙය ජනගහනය ලක්ෂයකට රෝගීන් 505 ක පමණ අයුරින් වැඩිවීමක් වන බැවින් ජනතාව දැඩි අවධානයක් යොමු කළ යුතුව ඇති බවත් දිස්ත්‍රික් සෞඛ්‍ය සේවා අධ්‍යක්ෂ කාර්යාලය දැනුම්දීමක් කර සිටී.

02 January 2023

පක්ෂ කීපයක් එක්ව නායකත්ව මණ්ඩලයක් යටතේ ඡන්දයට

පළාත් පාලන මැතිවරණයට තරග කිරීම සඳහා ශ්‍රී ලංකා නිදහස් පක්ෂය, නිදහස ජනතා සභාව සහ උත්තර ලංකා සභාගය එක්ව පිහිටුවන නව සන්ධානය එක් නායකයකු යටතේ නොව ,නායකත්ව මණ්ඩලයක් යටතේ පිහිටුවීමට යෝජනා වී ඇතැයි දේශපාලන ආරංචි මාර්ග සඳහන් කරයි

01 January 2023

දුම්රිය ගමන්වාර 60 ක් හෙට අවලංගු වන ලකුණු

සේවක හිඟය හේතුවෙන් දුම්රිය ගමන්වාර 60 කට වැඩි සංඛ්‍යාවක් හෙට (2) දිනයේදී අවලංගු විය හැකි යැයි දුම්රිය ස්ථානාධිපති සංගමයේ සභාපති සුමේධ සෝමරත්න මහතා අද (1) පැවසීය.

01 January 2023

අගලකඩ සිරිසුමන හිමියෝ අනතුරක

කොළඹ විශ්ව විද්‍යාලයේ සිංහල අධ්‍යයන අංශයේ මහාචාර්ය අගලකඩ සිරිසුමන හිමියෝ අද (1) පස්වරු 3.00ට පමණ කැස්බෑව ප්‍රදේශයේ දී සිදුවූ රිය අනතුරකින් තුවාල ලබා ඇතැයි කැස්බෑව පොලීසිය පවසයි.

01 January 2023

කුඩුවලට මාට්ටු වී දිවි තොර කර ගන්න ගිහින්

මත්ද්‍රව්‍ය සිද්ධියකට සැකපිට අත්අඩංගුවට ගත් තරුණයකු නොච්චියාගම පොලිස් ස්ථානයේ සිර මැදිරියේදී ගෙල වැල දමා ගැනීමට උත්සාහ කළ අවස්ථාවේ පොලිස් නිලධාරීන් දෙදෙනෙ වහා ක්‍රියාත්මක වී එම තරුණයාගේ ජීවිතය බේරා ගෙන ඇත.

01 January 2023

නාල්ල වස සිද්ධිය පොඩි දරුවා මරුට

මවක විසින් වස පෙවීම හේතුවෙන් අසාධ්‍ය තත්ත්වයෙන් කොළඹ රිජ්වේ ළමා රෝහලේ ප්‍රතිකාර ලබමින් සිටිය පස් හැවිරිදි දරුවා අද උදෑසන මිය ගිය බව ගම්පහ නාල්ල පොලිසිය පවසයි.

01 January 2023

අයිස් ගැසූ ආධුනික පී.සී අල්ලයි

නිවසක් තුළ අයිස් මත්ද්‍රව්‍ය පානය කරමින් සිටි බව කියන ආධුනික පොලිස් කොස්තාපල්වරයෙක් දෙහිඕවිට පොලිසියේ නිලධාරීන් කණ්ඩායමක් විසින් සැකපිට අත්අඩංගුවට ගනු ලැබීය.

01 January 2023