එසැණ පුවත්

ඩී. එස්. පිළිරුවට පුෂ්පෝපහාර

76 වැනි ජාතික නිදහස් දින සමරු උළෙලට සමගාමීව මහාමාන්‍ය ඩී.එස්.සේනානායක මහතාගේ පිළිරුවට පුෂ්පෝපහාර දැක්වීම හිටපු කථානායක කරු ජයසුරිය මහතාගේ ප්‍රධානත්වයෙන් අද (04) කොළඹ නිදහස් චතුරශ්‍රයේදී සිදු කෙරිණි.

නැමීබියා ජනාධිපති පිළිකාවකින් මියයයි

අප්‍රිකාවට අයත් නැමීබියා රාජ්‍යයේ ජනාධිපති හේග් ගෙනිගොබ් අභාවප්‍රාප්ත වූ බව එරට රජය නිවේදනය කළේය. 82 හැවිරිදි හේග් ගෙනිගොබ් අභාවප්‍රාප්ත වූයේ පිළිකා රෝගී තත්ත්වයක් හේතුවෙනි.

කතානායකට විශ්වාසභංගයක් ගේනවා

මාර්ගගත ක්‍රමවල සුරක්ෂිතභාවය පිළිබඳ පනත් කෙටුම්පත ගෙන ඒමේදී ශ්‍රේෂ්ඨාධිකරණය ලබාදුන් නිර්දේශ 09ක් නොසලකා හරිමින් කථානායකවරයා ක්‍රියාකර ඇති බැවින් ඔහු පිළිබඳව විශ්වාසභංගයකට යාමට ඉදිරියේදී සිදුවිය හැකි බව විපක්ෂ නායක සජිත් ප්‍රේමදාස මහතා පැවසීය.

ඉරණමඩු විරෝධතාවට කදුලුගෑස්:සරසවි සිසුන් 5ක් අත්අඩංගුවට

නිදහස් දිනය කළු දිනයක් ලෙසට හදුන්වමින් යාපනය විශ්ව විද්‍යාල සිසුන් හා උ‍තුරෙ දේශපාලන නායකයින් අද(04) නිදහස් දිනය දා කිලිනොච්චිය ඉරණමඩු හි පැවැත්වූ විරෝධතාව පොලිසිය විසින් කඳුළු ගෑස් හා ජල ප්‍රහාර එල්ල කර විසුරුවා හරිනු ලැබීය

බාල බෙහෙත් දඩය ලක්ෂයක්

ගුණාත්මකභාවයෙන් අඩු ඖෂධ සැපයීම හෝ විකිණීම යන වරදට මෙතෙක් අය කළ රුපියල් සියයේ දඩ මුදල රුපියල් ලක්ෂය දක්වා ඉහළ දැමීමට කැබිනට් මණ්ඩලයේ අනුමැතිය හිමිව ඇත

හිරකරුවෝ කොටසක් නිවාස අඩස්සියට

සිවිල් වැරැදි සම්බන්ධයෙන් වැරදිකරුවන් වන සියලු දෙනා නිවාස අඩස්සියේ තැබීමේ වැඩපිළිවෙලක් මෙම වසරේදී ක්‍රියාත්මක කරන බව අධිකරණ හා බන්ධනාගාර කටයුතු රාජ්‍ය අමාත්‍ය නීතිඥ අනුරාධ ජයරත්න මහතා පැවසීය

නිදහස් සැමරුමට ලෝක නායකයෝ සුබ පතති

ශ්‍රී ලංකාවේ අභිමානවත් 76 වන ජාතික නිදහස් දින සැමරුම වෙනුවෙන් වතිකානුවේ අති උතුම් ශුද්ධෝත්තම ෆ්‍රැන්සිස් පාප් වහන්සේ ඇතුළු ලෝක නායකයන් සුබ පැතුම් එක් කර තිබේ.

කොළඹ පාර 3 ක් තාවකාලිකව වහයි

කොල්ලුපිටිය, කොම්පඤ්ඤවීදිය පොලිස් වසම්වල උත්තරානන්ද මාවත, පෙරහර මාවත හා නවම් මාවත අප ජලය මුදාහැරෙන නළ පද්ධතියක් එළීම හේතුවෙන් තාවකාලිකව වසා දැමෙන බව පොලිස් මූලස්ථානය පවසයි.

යුද හමුදාවේ 1450 කට උසස්වීම්

76 වන ජාතික නිදහස් දින සංවත්සරය වෙනුවෙන් යුද හමුදා නිත්‍ය හා ස්වෙච්ඡා බලසේනාවල නිලධාරීන් 211 දෙනෙකුට සහ සෙසු නිලධාරීන් 1239 දෙනෙකුට උසස්වීම් ලබාදී ඇතැයි හමුදා මාධ්‍ය ප්‍රකාශක බ්‍රිගේඩියර් රවී හේරත් මහතා පවසයි.

මත්පැන් බලපත්‍ර ගාස්තු බස්සයි

සුරා බදු නිෂ්පාදකයන්ගෙන් එල්ල වූ දැඩි විරෝධය හේතුවෙන් සුරා බදු බලපත්‍ර වාර්ෂික ගාස්තු අඩු කිරීමට රජය තීරණය කර ඇත.

රිය අනතුරකින් 6ක් රෝහලේ

තංගල්ල හම්බන්තොට ප්‍රධාන මාර් ගයේ හුංගම කිවුල ප්‍ර දේශයේ දී අද (04) උදේ සිදු වූ රිය අනතුරකින් පුද්ගලයින් හය දෙනෙක් තුවාල ලබා රෝහල් ගත කර ඇති බව හුංගම පොලීසිය කියයි.

චාමික අනතුරකට ලක්වී තරගයෙන් ඉවත් කරයි

ඇෆ්ගනිස්තානු පිලට එරෙහිව කොළඹ එස්.එස්.සී. ක්‍රීඩාංගණයේදී දැන් පැවැත්වෙන ටෙස්ට් තරගයේදී ශ්‍රී ලංකා යොවුන් වේග පන්දු යවන ක්‍රීඩක චාමික ගුණසේකර අනතුරකට ලක්වීම හේතුවෙන් ඔහු වෙනුවට කසුන් රාජිත තරගයට කැඳවීය.

අධිවේගයේ ’’ඉබි ගමන්’’තහනම්

අධිවේගී මාර්ගයේ අවම වේගයට වඩා අඩු වේගයෙන් රිය ධාවනය කරන රියදුරන්ට එරෙහිවද නීතිය ක්‍රියාත්මක කිරීමට ප්‍රවාහන හා මහාමාර්ග අමාත්‍යාංශය තීරණය කරයි.

අවුරුද්දකදී පිළිකා දරුවෝ 900ක්

වර්ෂයකදී වාර්තාවන ළමා පිළිකා රෝගීන් සංඛ්‍යාව 900ක් දක්වා වාර්තාගත ලෙස ඉහළ නැග ඇතැයි කොළඹ රිජ්වේ ආර්යා ළමා රෝහලේ ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා පැවසීය

සාදය ඝාතනයෙන් කෙළවර වෙයි

මතුගම වැලිකැටිය සඳසිරිගම නිවසක පැවති සාදයක් අතරතුරදී ඇති වූ බහින්බස්වීමකදී තියුණු ආයුධයකින් පහර දී පුද්ගලයෙක් ඝාතනය කර ඇතැයි මතුගම මූලස්ථාන පොලිසිය කියයි .

ජාතික ගීය දෙමළ බසින් ගයා නිදහස් උළෙල සමාප්ත කරයි

දෙමළ භාෂාවෙන් ජාතික ගීය ගායනා කිරීමෙන් පසු 76 වන ජාතික නිදහස් උළෙල සමාප්ත විය.

’’පේරේ’’ ව්‍යාපෘති රැසක් කොට උඩ

පේරාදෙණිය විශ්ව විද්‍යාලය 2003 වර්ෂයේ සිට 2017 වර්ෂය දක්වා රුපියල් කෝටි හතළිස් එකකට වැඩි මුදලක් වැය කර ආරම්භ කළ ව්‍යාපෘති ගණනාවක් අවසන් නොකර අතරමග නතර කර තිබූ බව ජාතික විගණන කාර්යාලය නිකුත් කළ අලුත්ම වාර්තාවක සඳහන්වේ.

පැරෂුට් භටයෝ ගාලු මුව දොරට

76 වන නිදහස් දිනයට අභිමානයක් එක් කරමින් අඩි හත්දහසක් ඉහළ අහසේ සිට පැරෂුට් භටයෝ ගාලු මුවදොර පිටියට ලඟා වූහ.

රිය අනතුරින් 60 හැවිරිදි කත මරුට

පන්සල් ගොස් එමින් සිටි කාන්තාවක් සහ ඥාති දියණියක්, මොරොන්තුඩුව ගෝනදූව තෙල් පිරවුම්හල ආසන්නයේදී, ස්කැමල් රථයකට යටවී කාන්තාව මියගොස් , ඥාති දියණිය බරපතල තුවාල ලබා ඇතැයි මොරොන්තුඩුව පොලීසිය පවසයි .

හරක් කටාට පනින්න සහයදුන් පීසිගේ වැඩ තහනම්

රඳවා ගැනීමේ නියෝග මත අපරාධ පරීක්ෂණ දෙපාර්තමේන්තුවේ අත්අඩංගුවේ සිටින සංවිධානාත්මක අපරාධකරුවකු මෙන්ම මහා පරිමාණ මත්ද්‍රව්‍ය ජාවාරම්කරුවෙකු වන. නදුන් චින්තක වික්‍රමරත්න නොහොත් හරක් කටා නැමැත්තාට අත්අඩංගුවෙන් මිදී පලායාමට කුමන්ත්‍රණය සිදුකිරීම සම්බන්ධයෙන් පොලිස් අත්අඩංගුවට ගත් කොස්තාපල්වරයාගේ වැඩ තහනම් කළ බව අපරාධ පරීක්ෂණ දෙපාර්තමේන්තුවේ උසස් නිලධාරියකු පැවසීය

’’මං රනිල්ගෙ ගොට්ටෙක් නෙමෙයි’’

ජනාධිපති රනිල් වික්‍රමසිංහ මහතාට නැවත අවස්ථාවක් ලබා දිය යුතු බවට කළ ප්‍රකාශය හේතුවෙන් තමන් රනිල් වික්‍රමසිංහ මහතාගේ ගොට්ටෙකු බවටත්, පක්ෂය කැඩීමට සූදානම් වන බවටත්, රාජපක්ෂලාට විරුද්ධ බවටත් ඇතැමුන් කරන චෝදනා දැඩි ලෙස ප්‍රතික්ෂේප කරන බව ආණ්ඩු පක්ෂ ප්‍රධාන සංවිධායක, නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පැවසීය.

ඝාතනයකට සම්බන්ධ ජාවාරම්කරුවෙක් අල්ලයි

අවිස්සාවේලේදී ද්විත්ව ඝාතනයක් සිදුකර ඉන්දියාවට පලා ගිය බව කියන මෝල් කසුන් නැමැත්තාගේ මත්ද්‍රව්‍ය ජාවාරමේ ප්‍රධාන සාමාජිකයෙකු වන ’’තලගල සුද්දා’’ රුපියල් ලක්ෂ 2 කට ආසන්න වටිනා අයිස් මත්ද්‍රව්‍ය සමග දැඩි පරිශ්‍රමයක් දරා අත්අඩංගුවට ගත් බව මොරගහහේන පොලිසිය කියයි.

ජනාධිපති සම්මාන මුරය ඇරැඹෙයි

ජනාධිපති උත්තමාචාර කාලතුවක්කු වෙඩි මුර 21ක් පිරිනැමීමෙන් අනතුරුව නිදහස් උළෙලේ ත්‍රිවිධ හමුදා සම්මාන මුරය ඇරඹිණි.

බස් රියදුරුගේ ඡායාරූපයක් ගෙන කප්පම් ගන්න ගිහින් වැඩවරදී

පිටකොටුවූ බස් නැවතුම්පොලේ ගාල් කර තිබූ කොට්ටාව බස් රථයක රියදුරුගේ ඡායාරූපයක් ලබාගෙන විදේශ රටක දුරකථන අංකයකට යවා රුපියල් 25,000ක කප්පමක් ඉල්ලා මරණ තර්ජනය කිරීම සම්බන්ධයෙන් ඡායාරූපය ලබාගත් බව කියන පුද්ගලයා අත්අඩංගුවට ගත් බව කොළඹ අපරාධ කොට්ඨාසය පවසයි.

නිදහස් උළෙලට ජනපති -තායිලන්ත අගමැති එති

76 වන නිදහස් උළෙලේ සමාරම්භය සනිටුහන් කරමින් ජනාධිපති රනිල් වික්‍රමසිංහ මහතා ගාලු මුවදොර පිටියට සම්ප්‍රාප්ත විය.

නිදහස් උළෙල ඇරැඹෙයි

හැත්තෑ හය වැනි ජාතික නිදහස් උළෙල ’’හදමු අලුත් රටක්’’ තේමාවෙන් කොළඹ ගාලු මුවදොර දී අභිමානවත් අයුරින් ඇරැඹිණි.

නිදහස් උළෙල තව මොහොතකින්

හැත්තෑ හය වැනි ජාතික නිදහස් උළෙල ’’හදමු අලුත් රටක්’’ තේමාවෙන් කොළඹ ගාලු මුවදොර දී අද පෙරවරුවේ අභිමානවත් අයුරින් පැවැත්වෙයි.

තායි ජාත්‍යන්තර ගුවන් සේවය මාර්තු අග සිට එයි