IMG-LOGO

2023 සැප්තැම්බර් මස 24 වන ඉරිදා


කෝටි හතරක ජල තත්ත්ව පරීක්ෂණ රථය එපා වෙලාද?

රටට වී ඇති හදිය සම්බන්ධයෙන් කෙස් පැලෙන තර්ක විතර්ක අපමණය. එම තර්ක විතර්කවල මුලත් මැදත් අවසානයේත් සිටින්නේ දේශපාලනඥයාය. මේ සියලු නස්පැත්තින් හි පළමු වගඋත්තරකරුවා බවට පත්ව සිටින්නේ දේශපාලනඥයාය. දේශපාලනඥයාගේ සොරාකෑම වංචා දූෂණ තක්කඩිකම් නිසා කෝටි දෙකකට වැඩි ජනතාවක් අපාදුක් විඳින බවට බරපතළ චෝදනාවකි.

මේ ලියන්නේ එය එසේ නොවේ යැයි නොවේ. එම චෝදනාව අර්ධ සත්‍යයකි. මේ මහා විනාශයට වගකිවයුතු නිලධාරී පංතියක් ද සිටී. මහජනයාගේ බදු මුදලින් ඉගෙන ඉහළ වගකීම් කරා පිවිස තමන්ගේ යුතුකම් හා වගකීම් නිසි පරිදි ඉටු නොකරන හෘදය සාක්ෂිය අමතක කර වංචනික ලෙස කටයුතු කරන නිලධාරීහු ද මේ මහා විනාශයේ පංගුකාරයෝ වෙති. ජනතාව ද ඉන් හරි අඩකට වගකිව යුතුය.

ජාතික විගණන කාර්යාලය නිකුත් කළ අලුත්ම වාර්තාව සම්බන්ධයෙන් විශේෂ අවධානය යොමු වීය යුතුය. එම වාර්තාවේ සඳහන් වන්නේ ජල සම්පාදන හා වතු යටිතල පහසුකම් සංවර්ධන  අමාත්‍යාංශයට චීන රජයෙන් ප්‍රදානයක් වශයෙන් ලැබුණු රුපියල් කෝටි හතරක් පමණ වටිනා ජංගම ජල තත්ත්ව පරීක්ෂණ රථය කිසිදු පරීක්ෂණ කටයුත්තක් සඳහා නොගෙන අමාත්‍යාංශ පරිශ්‍රයේ ගාල්කර ඇති බවය.

යමක් නොමිලේ ලැබීම යමකුට එහි වටිනාකම නොදැනෙන්නට හේතුවක් විය හැකිය. එහෙත් රටේ ජනතාව වෙනුවෙන් ලැබුණු පරිත්‍යාගයක් සම්බන්ධයෙන් එහි වටිනාකම ගැන හැඟීමක් ඇති නොවන්නේ නම්, ඒ සම්බන්ධයෙන් අපට ලිවීමට සිදු වන්නේ එය රටේත් පොදු මහජනතාවගේත් අවාසනාව බවය.

කලට වැසි වසින රිදී දහරා බඳු දිය ඇලිවලින් සමන්විත ගංගා ඇළදොළෙන් පිරුණු රටක් වුව ද වර්තමානය වනවිට පුරවැසියාට බීමට පිරිසුදු වතුර පොදක් සොයා ගැනීම ද අසීරු වී තිබේ. දිස්ත්‍රික්ක ගණනාවක් පුරා ගංවතුරක් මෙන් ගලා ගොස් ඇති වකුගඩු රෝගය තුරන් කිරීම අයිතිව තිබෙන්නේ ‘සිහින’ ලැයිස්තුවටය.

එපමණටම එම රෝගය ජන ජීවිතය ආක්‍රමණය කර තිබේ. රෝගයට එක් ප්‍රධාන හේතුවක් ලෙස බීමට ඇති ජලය හඳුනාගෙන තිබේ. එබඳු පරිසරයක බීමට ඇති ජලය තත්ත්ව පරීක්ෂාවට ලක් කරන්නේ නම් එය වකුගඩු රෝගයෙන් ගැලවීමට මහත් උපකාරයකි.

ජාතික විගණන කාර්යාලය නිකුත් කළ එම වාර්තාවෙන් ජල සම්පාදන සහ වතු යටිතල පහසුකම් අමාත්‍යංශයේ ‘කෙරුවාවල්’ රැසක් අනාවරණය වේ. අමාත්‍යාංශය වාහන තුනක් එහි කටයුතු සඳහා යොදා නොගෙන අමාත්‍යාංශ පරිශ්‍රයෙහි ගාල්කර තිබෙන බව එක් කරුණකි. එමෙන්ම ජල සම්පාදන හා ජලාපවහන මණ්ඩලයට අයත් වාහන හතරක් පසුගිය වසරේ දී ජලසම්පාදන සහ වතුයටිතල පහසුකම් සංවර්ධන අමාත්‍ය කාර්ය මණ්ඩලයේ පරිහරණයට මුදල් අමාත්‍යාංශයේ  අවසරයකින් තොරව යොදාගෙන ඇතැයි ද එම විගණන වාර්තාවේ සඳහන්ය.

මෙය අමාත්‍යාංශයක් ද කුමක්ද කියා සිතා ගැනීමටත් අසීරුය. රාජ්‍ය ව්‍යවසාය අරමුදල්වලින් මිලදී ගත් වාහන අමාත්‍යාංශ දෙපාර්තමේන්තු හා අනෙත් ආයතන පාවිච්චි කරන්නේනම් ඒ සඳහා මුදල් අමාත්‍යාංශයේ පූර්ව අනුමැතිය තබිය යුතුය. චක්‍ර ලේඛවල එසේ සඳහන් වුව ද ජල සම්පාදන හා වතු යටිතල පහසුකම් අමාත්‍යාංශයට එම චක්‍රලේඛ වලංගු නැති සෙයකි.

එම විගණන වාර්තාවේ සඳහන් තවත් කරුනක් වන්නේ අමාත්‍යවරයාගේ පෞද්ගලික ලේකම් වරයාට ලබාදී තිබූ රුපියල් එක්කෝටි විසි ලක්ෂයක් පමණ වටිනා වාහනයක් රාජ්‍ය අමාත්‍යංශය අහෝසි වීමෙන් පසු අමාත්‍යංශයට බාරදී තිබූ මොහොතේ අනතුරකට ලක්ව ඇති බවත් අනතුර පිළිබඳව පොලිසිය දැනුවත් නොකිරීම නිසා එම අලුත්වැඩියා වියදම වූ රුපියල් පන් ලක්ෂ හැත්තෑ දෙදහසක මුදල් ගෙවීම රක්ෂණ ආයතනය ප්‍රතික්ෂේප කර ඇති බවය. එමෙන්ම රජයට සිදුවූ පාඩුවට වගකිව යුතු අය හඳුනාගෙන ඔවුන්ගෙන් එම මුදල් අයකර ගැනීමක් සිදුවී නැති බවද විගණන වාර්තාවේ සඳහන්ය.

මේ කරුණු අනාවරණය වන විට රට පත්ව ඇති විනාශයට මුළුමනින්ම වගකිව යුත්තේ දේශපාලනඥයන් පමණක් නොවන බවත් වගකීම් විරහිත නිලධාරීන්ගේ ක්‍රියා කලාපය ද එයට හේතුවී ඇති බවත් පැහැදිලිය. රට ගොඩගන්න පටන් ගත යුත්තේ කොතැනින් ද යන්න ඒ අනුව පැහැදිලිය.

(***)



අදහස් (0)

කෝටි හතරක ජල තත්ත්ව පරීක්ෂණ රථය එපා වෙලාද?

ඔබේ අදහස් එවන්න

විශේෂාංග

අර්බුද තුනට විසඳුම් කෙසේද?
2023 සැප්තැම්බර් මස 22 176 1

රට හමුවේ තිබෙන ආර්ථික අර්බුදය තවමත් තිබෙන්නේ සංකීර්ණ තත්ත්වයකය. මේ අර්බුදයේ එක පැත්තක් වන ණය අර්බුදය කළමනාකරණය කර ගැනීමට තවමත් හැකියාවක් ලැබී නැත. IMF හ


සාහිත්‍ය කලා ප්‍රබෝධය උත්සවයකට සීමා කරමුද?
2023 සැප්තැම්බර් මස 22 112 1

ශ්‍රී ලාංකික පාඨකයන්ගේ සිත් සතන් අමන්දානන්දයට පත් කරවන සාහිත්‍ය මාසය එළැඹ තිබේ. සාහිත්‍ය මාසයට සමගාමීව පැවැත්වෙන කොළඹ මහා පොත් දැක්ම ද ආරම්භ වී ඇත. සා


ජනතාව හිතන 'විසඳුම' ඇත්ත විසඳුම නෙවෙයි
2023 සැප්තැම්බර් මස 21 286 0

චැනල් ෆෝ නාලිකාවේ පාස්කු හෙළිදරව්ව, සමගි ජන බලවේගයේ සමගිය, ඉදිරි ජනපතිවරණය ආදි කරුණු පිළිබඳව මෙවර රජවීදියෙන් අදහස් දක්වන්නේ බදුල්ල දිස්ත්‍රික් සමගි


ආයෝජන ප්‍රමුඛතා අනවබෝධය
2023 සැප්තැම්බර් මස 21 141 0

ආර්ථික වර්ධනයට විශාල අහිතකර බලපෑමක් වන්නේ රටෙහි නිෂ්පාදන ආර්ථිකයක් නැතිකමය. එහිදී ඉතා වැදගත් වන්නේ අපනයනය මූලික කරගත් නිෂ්පාදන ආර්ථිකයක් ගොඩනැගීමය.


වෛද්‍යවරුන් රට හැරයාමේ ප්‍රශ්නයට විසඳුම් ඕනෑ
2023 සැප්තැම්බර් මස 21 286 1

රටක ජීවත්වන ජනතාවට තම ජීවිත සම්බන්ධයෙන් උපරිම විශ්වාසය රැගෙන එන්නේ එරට සෞඛ්‍ය සේවය මගිනි. එහෙයින්ම සෞඛ්‍ය සේවය උපරිම උසස් තත්ත්වයෙන් මෙන්ම කාර්යක්‍ෂ


ලෝකය දිනාගැනීමේ අවශ්‍යතාවය
2023 සැප්තැම්බර් මස 20 432 0

කියුබාව බොහෝ දෙනකු විසින් දැන සිටින්නේ ලෝක සමාජවාදී විප්ලවයන්ගේ පෙරමුණ ගත් ජනප්‍රිය නායකයන් දෙදෙනකු නිසාය. ඒ කියුබානු විප්ලවයේ නායක ෆිඩෙල් කැස්ත්‍ර


මේවාටත් කැමතිවනු ඇති

උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව 2023 සැප්තැම්බර් මස 06 1529 0
උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව

දැඩි ආශාව හා කැපවීම මුණගැසෙන ක‍්‍රිකට් වැනි ක්ෂේත‍්‍රයක් තුළ, එෂාන් මාලිංග පැමිණි ගමන් මග නම් එතරම් ආශ්වාදජනක එකක් නොවේ. ඔහුගේ පන්දු යැවීමේ වේගය හා දක

දරු පැටියාට සුරක්ෂිත ලොවක් තනමු 2023 අගෝස්තු මස 28 689 0
දරු පැටියාට සුරක්ෂිත ලොවක් තනමු

නිවසේ දී වැටීම් හා පිළිස්සීම්වලින් දරුවන් ආරක්ෂා කිරීම දෙමව්පියන්ගේ යුතුකමකි. දරුවන් නිවසේ දී ඇද වැටීම්වලට ලක් වීම සාමාන්‍ය දෙයකි. වගකීම් සහගතව නිවැ

ශ‍්‍රී ලංකා ඉන්ෂුවරන්ස් - ආයතනික වටිනාකම් කේන්ද්‍ර කරගත් අනාගතයට පිය නගන  සේවා ස්ථානයක්. 2023 අගෝස්තු මස 24 390 0
ශ‍්‍රී ලංකා ඉන්ෂුවරන්ස් - ආයතනික වටිනාකම් කේන්ද්‍ර කරගත් අනාගතයට පිය නගන සේවා ස්ථානයක්.

දේශයේ රක්ෂකයා වන ශ‍්‍රී ලංකා ඉන්ෂුවරන්ස් :ීඛෂක්‍* මෙරට විශාලතම රාජ්‍ය හිමිකාරිත්වය සතු රක්ෂණ ආයතනය වන අතරල හැකියාවෙන් පිරිපුන් දක්ෂ කාර්යමණ්ඩලය ශ‍්‍

Our Group Site